今日我同哥哥话，我用区比我张副卡转左成万银入我户头度了，。哥哥话“甘够唔够？有需要就自己转，知嘛！”——哩个就系我哥哥，永远担心我，永远甘爱护我。。。
由细到大，用心爱著我噶男人始终系爸爸同哥哥，唔舍得打过我，闹过我。（但系细个噶时候，当我做错野噶时候，妈妈有时会闹我， 所以慢慢我就学精了，系做错事而妈妈未发现之前主动认罪，妈妈就唔会发火了，屡试不爽）
爸爸脾气其实唔系好好噶，但从来无闹过我，全世界都知，我系爸爸噶宝贝。唔记得我有一次因咩，我嬲左爸爸，同爸爸斗气，一日唔理区，唔睬区，区就坐唔稳了，第二日就开始讨好我了，买我中意吃噶野引诱我， 我都系面臭臭，其实我早就系开始嬲区噶果一刻原谅区噶啦，晚饭噶时候，爸爸就唉声叹气指住个空碗话“老豆好可怜呐，无人装饭，唉，睇来都系要自己装噜！” 其实我好爱爸爸，好锡爸爸，我又忍唔住装左饭比区，爸爸就猛甘凑过来话“ 仲嬲老豆？真系仲嬲，真系？真系？真系？。。。”最后我总系会忍唔住笑，我一笑，爸爸就知道我唔嬲了。区就会好开心了！
爸爸中意唱粤剧，吹笛，拉二胡，捉棋，以前吃完晚饭，我都中意泡壶茶比区，听区唱粤剧，吹笛，拉二胡，爸爸会教我，区有时会抢走我上音乐课噶口琴，show比我睇区有几识吹，我就抢番来，爸爸就扮作好可怜甘话“你嫌弃老豆唔卫生，我吹完洗干净比番你好唔好？”我又忍唔住比个口琴区，每次吹完最后都系我洗。。
爸爸同大伯经常吃完饭就一齐捉象棋。我同哥哥就系隔离睇，其实我系陪爸爸噶啧，哥哥先系认真系度睇，大伯唔得闲噶时候，就哥哥陪爸爸一齐捉！
爸爸系外人面前系好严肃噶，好多人都怕爸爸，但系对著我，区就好似个细路仔甘，有时候唔系区tum我,就系我tum区。
细噶时候，爸爸对我地噶学习捉得好紧，周末，暑假，我同哥哥就要一吃完早餐就要开始学习，唔到12点都唔可以有其他活动，下午三点到五点，夜晚唔准睇电视，如果做完晒所有噶野，仲有时间，爸爸就要我地练毛笔字，但系好遗憾，甘多年我都无用心好好写字，但系哥哥唔一样，系爸爸噶要求下，慢慢练就左一手好好噶毛笔字，写字又靓。
爸爸好中意睇武侠小说，细个噶时候，当其他小朋友听紧白雪公主或其他噶安徒生童话故事噶时候，我地听噶系爸爸讲比我地噶，薛仁贵征东啦，程咬金啦，诸葛亮啦，李逵啦，刘备啦，武松啦等等哩D 隋唐英雄，三国，水浒噶故事。细噶时候成日缠着爸爸讲哩D 故事比我地听，哥哥比我仲中意听，经常tum我去叫爸爸讲故事。。细个噶时候，觉得爸爸噶头脑里面装住丰富噶宝藏！
后来，我地大个左了，无人听爸爸讲故事了。爸爸就静静甘睇小说：金庸噶，古龙噶，《倚天屠龙记》，《鹿鼎记》，《多情剑客无情剑》，《江湖传奇》等等传奇噶系列，《九阴真经》，《五凤朝阳刀》 ，鬼谷子噶书。。。太多了，挤系屋企噶书柜度，我初中果时，当其他女生睇言情小说噶时候，我偷偷甘睇武侠小说。。。爸爸唔知我睇噶，有D 野真系遗传噶，无论喜好，兴趣都系有得遗传噶
..
我中意同爸爸一齐，人地话女仔大过左就会同爸爸有隔阂，但系我唔会，无论我几大我一样中意缠住爸爸，同爸爸系埋一齐，我中意挽住区噶手，爸爸手掌好粗糙，安全感就系有爸爸系身边，爸爸系我眼里系一个只要有区系我身边就算听日系世界末日我都唔会惊。宿命论话“女人系爸爸前世噶恋人，为左追随区，今世投胎成为区噶女儿，陪伴区1" 我霖我前世一定好爱区！
我家男人仲有哥哥哩。。我发觉我有好多野要写，关于我噶爸爸。。点写都写唔完。。。
哥哥，由细到大都好锡我，买好多对我有用噶野比我，资料书，名著啦。。好吃噶野啦。。哩系一个除左爸爸之外，最富有责任感噶男人。 哥哥好关心我，区上左大学之后，我地相处噶时间就少了 ，当我上左大学之后噶同一年，区又毕业了。。。我地可以相处噶时间越来越少。但系区依然系好关爱我，担心我受委屈，担心我过得唔好。。。
大学，哥哥系龙洞生活左四年，我一直话我一定要去睇下哩个我家男人生活左四年噶地方系点噶，但系我一次次想去噶时候，总会有其他意外阻挠我噶行程，所以我至今都未去过，无论如何，系我毕业前我一定要去睇下我家男人生活四年噶地方，训左四年噶两个宿舍。记得区有一年成个系要搬宿舍，所以就有两个宿舍了。。。龙洞每一个地方，都有哥哥噶足迹噶果种感觉，我会觉得好暖。。。我太爱哩个除左爸爸之外噶男人了！
我家男人。待续。。。
