识女仔故事系列-----《情缘专卖店》
大家好,我是啊KEN，故仔原作者,首先应该多谢可乐仔之前在男生宿舍帮我转载呢个故事！但見到可乐仔删他左张贴又觉得几可惜，其實他老作既ViVi日記都寫得唔錯.我決定重发（加上续篇）广州话版我发在这里。国语版会发去男生宿舍。多謝支持.识女仔故事系列-----《情缘专卖店》
我叫啊KEN,我既生活就系每日拼命三郎甘做,,夜晚就疯狂甘去蒲,成班损友玩到好癫,虽然去蒲会识到好多女仔,但我知道自己系放唔到感情落去的...所以,我都系相信缘份可遇不可求......
今年行花街第一日,我落班,又约唔到人,好闷,一个人行左去北京路想衬下热闹,但真系好鬼多人!无奈我就行入某间专卖店系甘易睇下衫,睇岩左件(MODEL身上既衫),我稳唔到件衫放响边,.但又无SALES得闲招呼我(呢晚生意好好),终于有个女SALES行过来啦!
她帮我稳果件衫,点知稳极都稳唔到,我话甘算啦,我要MODEL身上果件,她话甘唔好既,先生你等等我一定稳到比你,于是她入左仓去稳,等左一阵,她终于拿左件衫出来啦,点知行到半路比个店长叫住要她去收银,我话你顺便帮我拿去前台啦,她话唔好意思啊你等等,因为好鬼多人排队埋单,于是我坐左响张凳度等,她收下银,又望下我,笑笑,我地眼望望,我开始留意呢个女仔,她都几可爱架,她脸圆圆,眼大大,搽左少少眼影, 唔笑果时似个公仔甘,觉得她D头发好似芭比里面既公主造型甘,有个客买既衫可能部机度唔知道价钱挂,她要稳个好似叫"christine"既同事问,她系甘叫"叮叮,叮叮啊!"但果个同事好似听唔到喔~!个客又催...
"叮厶鬼吖,出前一叮都比你叮到无水拉!姐姐仔,你好唔掂喔!"个男拖住条女,把口特别衰.
她急啦,又行唔开,个样好无辜噢......(有D心疼添)
帮她稳左个同事来,终于到我埋单啦,她好细心甘将件衫折好,放左落个袋度,我伸手去拿,她唔放手,我呆左...
"先生,我将张小票放落个袋度!"望望我,她笑啦......
啊!莫非她写左自己电话比我?~!!!
冲出人堆,飞快甘攞左张小票出来一睇,咩都无...拎转头,她又望住我笑啦!...傻仔啊!
呢一次系我第一次见她...
[ 本帖最后由 Ken_Romeo 于 2007-4-28 22:24 编辑 ] 过年果段时间,我个心都唔响我度,我心思思想去识果个女仔......
2月28日:约左个损友出来倾计,讲到我想识果个女仔,朋友就教我:递张纸仔问她拿电话,然后问她有无呢款衫?如果有就写反比我,哗!写纸仔?甘鬼老土既旧桥,仲边有人用?......好!我去试下先
3月1日,一早就写好左张纸仔,内容大概系"觉得你好得意,甘可爱既女仔我点可以唔识,想同你做个朋友仔"(我改过几次,好似写稿)呢一晚行去北京路她间铺果阵,个心卟卟甘跳好紧张,拿住张纸仔,觉得自己好似做紧无间道线人甘样....
一路上我谂紧她收左张纸仔之后会有咩反应:
1.随手丢左落地,话无呢款喔------好鬼绝啊!
2."阿边个同事,你帮我招呼呢位客人啦"-------高招兼无面比
3."我地无喔,你去其他店睇下啦"-------.......
4.扮唔知,将纸揸埋一旧,吃左------哗!唔系挂!
总之,我无谂过会顺利PASS......
3月1日晚:心口得个"勇"字,諗都無諗就行左入去她間店,但唔見她喔...好失望,可能無緣份..都系走啦......一擰轉頭.見到她一個同事望住我笑,又望住另一邊(之前成日借D易去她间店及她,她個女同事認得我噢!)我望過去,就見到她抱住一堆衫行左出來啦!surprise!!!好鬼突然!噢...喔...点算.......傻更更行左過去她面前,,她抱住堆衫,望到我啦,望住我啦!...她d眼神好似知到我系來穩她既...
"Hi~!你認唔認得我啊..."
"吓...認得...唔..咩事..."
"我...我有幾只款既衫想你帮我稳下,有既话写返比我好无阿?"递左張纸仔比她
"哦..." 她收左張纸仔...
"吓------"她個頭DUM低左一陣,望到我写D野...
又用D好迷惘既眼神望住我..."......"
(*_*)系窝...人地返紧工架,唔好阻住人地做野...
"寫左比你啦,我走啦,bye-bye!"
"噢......"她有D不知所措甘一直望住我离开...
行左出去,先記得無問到她既電話，好蠢啊!~~!!!~~*_* 3月1日晚:
她當時系著住一件黃色格仔T恤。扎住条辫仔，搽左好浅既粉底，抹左蓝色既眼影,她有长长既眼捷毛!...
反緊屋企既時候就系度諗她會唔會复我...觉得做专卖店既女仔都应该好open下,不過她會系一個點樣既人呢,她D性格系點样?系一个简单专一既女仔定系一个玩弄感情既蒲女?又或者系...gay,唔會挂!?----系點樣我都唔介意！
反到屋企,训悟着,...听MP3...XBF...fiona既歌...又望望时间：十一点几啦,55555衰左啦...人地都唔想識我...唔好諗啦......正系我down緊既時候...手机有信息喔:
"你好,我系ViVi!!你今日同我講咩啊?唔好意思,今日悟舒服，完全听悟到你讲咩啊..."
系她,系她啊!系她发短信比我啦!依家mp3只歌系糖不甩，fiona...fiona...突然好鐘意fiona! 3月1日既晚上...
ViVi:"系啦我同事話你上次來穩我同Yuki既?我地都無上班!"
Me:"Yuki系煙幕來咋,其實只系想識你...你可愛D"
(Yuki系ViVi另一個同事,只系傾過幾句,唔熟，Yuki几靚女架,果种類型應多几多男仔追...我鐘意ViVi)
ViVi:" 我同Yuki好F架!梗系一樣甘得啦!系啦!Yuki話有幾次都系北京路見到你喔"
Me:"系咩...記唔記得第一次見你果陣,我排左好耐隊先埋到單啊,果陣你好似差D收少錢喔,"
ViVi:"系咩?哈哈哈哈哈哈!個情形系點架"
Me:"你咯,系甘吶叮叮,叮叮,我前邊個男就話,叮咩野啊,叮极都無人應"
......記得果晚就系甘樣同ViVi互發手訊......手機都玩到無晒電...... 三月2...公司好多野做
三月3-4,公司春茗,比老细片低左,然后又断片...已经唔记得系边度训醒
三月五
好想见下ViVi,中午既吃饭时间,打的去北京路!但唔见她返工啊,好失望!慌失失甘转左个圈,想走果阵又拧转头望下ViVi有无出现,个头拧返过来果时,见到YUKI企左响我面前! (Yuki系ViVi个同事兼F,几靓女架),
YUKI望住我,我又望住YUKI!
"你系YUKI?你好...HI"明知故问!又唔知讲厶好...
"你稳ViVi啊?距返夜班,一个钟后会返来架啦!"讲完YUKI,miu住个嘴,侧住个头望我,甘岩呢个时候,她D头发dum左落来,遮住她半边脸 (系得喔,好多男仔沟你啦!)
...一个钟后?!我要返工啦...唯有夜晚再来啦,
收工!去北京路,行行行~~无无聊行兜左几粒钟,等ViVi差唔多落班时间就行入去稳她,
"HIHI,你来左啊,"ViVi真系夜班喔!YUKI落左班了.
"无啊,岩收工,咪来帮衬下你咯" ......
"收工啦,无货卖啦!"
"你有无节目啊??"
"要返屋企啊!我好眼训噢"
"甘我送你返去吖"
"吓~!?哦...你送我去车站就得架啦..."
哗,我太直接啦,甘快话要送人返屋企...
时间过得好快啊,一路上讲下笑下,就到左车站了!
"系啦,你住边架?"
"唔话你知!"话甘快,她部车到站咯!
ViVi要上车啦,她行左几步又拧转身同我讲:
"下次你送我返屋企果阵,咪知咯!"
啊......
ViVi响部车度挥手同我讲BYE BYE噢...
望住部车,挥手,傻笑,
离开个车站既时候,仲傻笑ING...
傻仔......竟然无望真ViVi系上边部车走既...... 三月六
Part 1:罗密欧!?西门庆!?
迎宾对面上二楼果间餐厅内:
KEN(唔冼讲了)
H君:损友之一,蒲场花心大少既后起之秀,未算得上大师级,但识女仔经验胜在够丰富,连捞妹都沟唔少,已经超越左我!
C君:斋佬一名,去蒲玩到磨烂席都沟唔到女,唯一既长处系......
我地台对面系班学生妹,听到有个女仔话:"朱丽叶话一阵来"
C君望住我:"喂,ken ken,朱丽叶喔!"
我:"有代沟架,你甘留意人地妹妹仔做厶" "朱丽叶"来左,哗,好得...
C君只系及左一眼::"叼,她都叫朱丽叶,甘我咪罗密欧"
呢个时候:一直唔出声既H君讲左距最经典既果句台词: "呢个世界甘多潘金莲,我宁肯愿做西门庆,都唔做罗密欧啊!"
我:"甘又系,潘金莲又靓又姣,西门庆风流多情,罗密欧甘专一,到头来都系为朱小姐,瓜左!
"但西门庆后来比武松打死左喔!!!"
"依家仲边有武松啊!傻仔KEN"
甘~~又~~系~!!!
part 2 :D女
吃完饭,H君建议去唱K,甘就去附近果间Xway!
由中六地铁站附近开始,H君不停甘打电话约女......
唔系唔接就CUT线,有D仲停埋机。.........
ViVi,我好想约你，你，返紧工吗？
带左距地去ViVi间专卖店，ViVi埋紧单，她见到我啦，但个样好似好愕然，个嘴郁左下，想讲野，又唔想讲甘，个头DUM低左......ViVi抬返起头果时我见到她既表情好苦,我唔识得点样形容...
一个男仔从我身边行过，我有留意到，距好刻意甘望下我，距，好似都系店员
算啦,她返紧工,我仲要带左两个男来...... "果条女......"H君手指指.... "走啦走啦,无阻人地做野"一手拉一个,两条麻粒佬比我拖走左......
到喇,我地三条男人包左间MINI房.开拖.
"ken ken,我今晚要片低你!"乱讲野既C君
"系咪想同老细萝假?"(比我片低左,第日反唔到工)
H君呢?望下距,仲玩紧手机......叼
同C君撕杀得昏天暗地既时候,H君电话响,距出左去...
返来既时候多左个女仔......
着左件类似私家侦探甘既外套,头发无染但拉直左.
化左妆,20--22甘既样,个样但仲有D似妹妹仔未大透,貌似几得甘喔,
H君介绍,但知道既系她个花名...先叫距D女
我望住距...喂!搞咩啊衰仔
距低头,双手掩面... 我好无奈
H君一坐低,就同C君密计,D女就坐左响我同H君既中间.
凭我同H君多年互片既经验我知道,有阴谋!
密计完,H君拉左C君去厕所.
......
我问D女:"你,H君个F?"
"系啊,系距旧爱啊"
.............................
过左好耐,两条死仔返返来了,继续片!
K歌,酒,色钟,男人大哎,女仔笑......
"靓仔,我要同你倾计!"唔知几时,D女挨左埋来我旁边,我好鬼唔自然!
D女自己点左支,拿左一支,放左落我口度,点着左
D女果种既系一种带橙味既...
唔记得倾左D厶,有野无野吹一大轮......
"喂喂喂!我要唱呢只啊!帮我点吖靓仔"D女双手已经箍住我只手了...
"我同你合唱吖!"
D女个头仲挨埋落我脖头度,但就望住H君果边...
我知道,D女甘做,貌似稳我来激H君......
H君目无表情,更加当做咩都睇唔到,令我觉得距想将D女推比我"照顾"......
哎...贱人H.
D女更加痴我...
"我都未知你叫咩名,你好似好怕羞喔"
呢种情况,我系唔知点做好!
然后...
C君同H君唱紧"劲歌金曲"......
我就同D女系另一边色钟紧,我有D刻意甘同D女保持距离.
女仔热情...男仔冷漠...HDK
D女,何必甘做呢...
H君,何必甘无情呢...
D女初初系稳我过桥,后来好似对我产生左兴趣,完全唔理H君.
我...越系同D女玩得忘我,就越想住ViVi...
点解,点解ViVi头先见到我果时表情甘苦,她系咪唔开心,仲有,果个男仔望我既眼神...
好挂住ViVi,好挂住距!恨不得即刻跑去她间店度稳距!
我要见ViVi~!!!
"唔玩住啦!我要出去一阵!"
"你去边啊?我同你一齐去啦"D女要跟埋来
"我...我去买烟!"
落到楼下...
"你买咩烟啊"
"520,你帮我稳下好无?"
"哦..."
见D女行左去烟档,我就即刻跑左去北京路果个方向......
Part 3:HDVD
就系Xway到ViVi间店既距离，我煲左两支...夜晚既北京路,好朦胧...广百顶楼既灯光...好迷幻...
点解呢种感觉甘似以前？！以前...
知道自己开始断片既时候...仲谂紧果时识既女仔，她个样，她所讲过既野...头好WING，周围既野转啊，转啊...我系咪醉左？
我有无醉？我无醉架系咪！好多...好多个谂法响我个脑里面乱转......
ViVi...你系一个点样既人？
......
ViVi,做我GF，好唔好？ (续3月6)
XBF
帶住对ViVi既好多疑问，我好想知道答案,当我去到她间专卖店时，
ViVi系度发紧呆,我好小心甘走埋去ViVi身边...
“我今日见你无心机甘既？”
"......"
ViVi DUM低左個頭...
“好DOWN啊...唔開心啊..."ViVi讲得好细声，好细声,然后DUM低左個頭...玩折衫......
我企左去ViVi旁边,同她一齐玩折衫......
“ViVi兄，嘻嘻!”一个女仔响我面前飘过，貌似又是她同事...
"你傻左咩！" ViVi抢左我折紧果件衫，自己折...
"甘你讲我知，为咩唔开心呢？ViVi..."
"哦...散左咯~!"
（我有機會啦?）
"我琴日短你,你又唔复我..."
"甘就算其他人穩我,我都無心情复架啦..."
ViVi哩左去一个少人见位置（MODEL后面），望望我,又继续(扮)折衫...
收到...当然系哩埋过去‧...
"甘你唔開心系為左男仔定系女仔啊？"
“你無野丫嘛,梗系為男仔啦!”
"你又唔复我,甘快唔睬我拉?"
“甘我同紧条仔一齐点复你啊！"
"唔系散左咩?"
"散左果个系出面既,仲有一个...系店里面既..."好細声既ViVi
OH...我都好DOWN.....好迷....
。。。。。。
"你店里条仔系咪果個啊"就系頭先望我果個男仔
“唔系！系另外一个...”
"甘距系咪LIKE你架"
ViVi无出声...
哎~？OH!...WHY??啊...
有客,ViVi走左过去...
我呆左一阵，先记返起,果次又走來ViVi间店,見唔到ViVi,就问她个女同事
她果种会意既表情,就好似:呵呵,ViVi又有男仔稳你了。
ViVi有BF,我一早預左既...
但有2个，或者3个，我又真系估唔到...
系咪真架!?
“ViVi,ViVi...”
"吓，咩啊？"
"其实我都唔差架,你稳悟到人陪你果阵，咪稳下我咯"
“哦...到時先算啦...”
“甘我打電話比你”
"發短讯比我啦...我手机接電話要錢,发短讯吾洗钱啊！"
我漫無目的甘在北京路游荡，不知不觉又行入龙藏街,為左等ViVi落班，在士多煲烟既地方.....
終于识到ViVi之后，以为会有一个好既开始...
"其实我都唔差架,你稳悟到人陪你果阵，咪稳下我咯"......点解我讲出D甘輕挑既說話
...D女果种煙...橙味好甜，但夾住煙味,又变得好苦... X,BF
自从見到ViVi之后,就成日流連在呢条路，北京路，从前麻木地经过好多次，但从来无依家对我甘吸引过，之前既果种期待，行入ViVi间店想见下她，但悟见她返工,在北京路游荡几粒钟，都系悟见她返工...終于识到ViVi之后，以为有一个好既开始...但到此為止啦,如果我決定放弃的話......ViVi可能有几个BF，或者好多追求者...依家18-21左右既女他仔,系咪多数都甘样呢？同時拖住几条仔？我表妹一拖几,几時唔鐘意果個咯,咪講分手咯,不过，有時都會比男仔先講分手，但有甘多选择，她唔会好伤......
初中, 第一個女朋友,她一拖二,我去等她落課,我一直暗戀果个女仔(知道我钟意她)行出來,见到我，望一望我,唔出声，DUM低頭行开左,她应该知我等紧边个，当时悟在乎，后来真系后悔到傻，因為我鐘意既系她,而唔鐘意距地班果個女...直到初三,上學期我放學唔記得拎書包,她來我地班補習,坐左我個位,我返到去唔見,她問我"你穩咩啊",然后她眼定定望實我幾秒...再將我要穩既野比返我...
第二日,我唔見她,問人先知道,她已經移民去左香港...
游魂左一陣,先記得返去唱K果度...
"靚仔,我返來啦!!!"扮到好HAPPY甘...其实心里面系思乐冰加芝華士...
"喂,你去左边啊!!!頭先又撇甩我!"
"哦...见到条友阿嘛...距爭我數,咪穩距咯"
"自队三杯先批准你讲野！"
队咪队咯...队左...
"你甘乖既，距地都無叫你队"
2 MAN一边偷笑......
玩我,！哼，队返你，捉住D女狂玩色盅...直到我地几个都有D醉意...
散场咯...！
"有緣再見啦靚女"
＂下次悟比撇甩我架＂D女对我讲，望一望Ｈ君，好似話中有話．．．
我問D女拿電話,她拿左手機出來,她手機里面,有她同依家BF張相...
OH...女仔...你心里面，到底唸边个?
“我要去我老婆度，一陣你送她返屋企”H君对我讲
你你你，呢個贱人（呂奇把声）
"帮你映返张相啦,凈系影你咋,"D女同H君讲，H君好快摆好左POSS
“KEN,望过来丫！”......闪
H君要去他条女度 我個心响ViVi度，我想去她个車站...结果，Ｃ君送D女......
越來越唔明白女仔的心...女仔...你心里面，到底唸边个?
呢一晚，我都系返左屋企．．．我打开手机既MP3,重复听住Fiona只歌...
<XBFXBF
没有说过第一个是你
但我最怕下一个是你
但这秒我正式得不到你
愿我失恋名单结尾最后一个是你
不要再有分手戏
其实犯遍了错误先碰着你
自信我会懂怎去爱你
盼望最喜欢那个是最后
但最后未想过放弃但被人放弃
变成前男友的你
走我没有阻止理由
早已知道能与你挽手都会分手
但最后让我点算过去男友
队伍中有你来过就够
还凭什么搏斗
盼瀑布过后是细水长流
或者我默言回首
旅途愉快过就够
若果你热情流走
有谁能说我未够
若碰上你是一个运气
大概我已用光了运气
热吻过教我怎舍得憎你
旧爱之中明显叫我最幸福那是你
只怪我太不争气
其实犯遍了错误先碰着你
自信我会懂怎去爱你
盼望最喜欢那个是最后
但最后未想过放弃但被人放弃
变成前男友的你
走要是更喜欢自由
相爱不够才以作借口都够分手
在最后就似所有过去男友
为了抛弃我才邂逅
走我没有阻止理由
早已知道能与你挽手都会分手
但最后让我点算过去男友
队伍中有你来过就够 担凳仔~霸头位~!哈哈~
is it turely story??
LZ好可怜喔``` BUT小朋友系米5应该插楼?? 仲有无下文噶~?
期待故事ING~~ =结局而已 欲知后事如何~且听下回分解~!!
哈哈~ 顶丫~~LZ继续~~ 挤进第一页，哈哈！ LZ仲未有动静~~哈~
半夜三更路过ING ~! 剩下的３月
剩低落来既３月...我每日都发一条信息比ViVi...
“落好大雨喔,有无帶遮啊?无既话我会拎比你,几夜都会...”
" 好想你第一个稳既人系我,"
"你记唔得啊?我第一次见到你既時候..."
"好耐无见你拉，系咪以为我放弃啦？其实我一直好挂住你咯..."
但ViVi都无复我...三月就甘样結束左.....
四 月
Go on ,Go on ......将呢段日子所有零碎既记忆拼埋一齐，再写埋出來,真系唔容易．．．
直到有一日,D朋友約左我去海猪广场附近某间CLUB度蒲,有女仔去,但距地只会约自己一早睇岩既目标
问我约唔约到女仔,Er...试下约ViVi咯...试下咋...
"ViVi啊,我同朋友听晚去玩，想约埋你，可以带多个女仔來架,到時我來接你啦,好吾好？"
算啦，当系比返D希望自己，但今次ViVi复左我喔!
"吓?...我睇下听日我上咩班先啦,不过可能吾去啦，我男朋友悟钟意我出去玩啊！"
点都好...复多条短信，发埋时间，地点...
到左果晚,ViVi都无复我...
"我真系好想你來架,无论你来吾来...我都留返个位比你..."又发左一条...
全部人到齐晒，ViVi都系无来......
"KEN哥仔,你D女无来啊，唔冼甘愁喔,我介绍女仔比你识" 哎......
ViVi无来,好唔开心啊...系甘想队霖自己...饮...
手机响左...肯定系边条斋佬打来问我响边，有无女....叼...
"喂喂!系咪阿KEN阿?我系ViVi啊,我同个朋友系楼下!"
"哦哦!我即刻落來！"
ViVi~!!!日思夜想既ViVi...突然间出现左！！！
“我以为你吾来拉...”
"你唔系好想见到我咩？"她帶左Yuki來...
ViVi来左拉，但我已经有D wing wing 地...
“你吾洗陪你男朋友咩？”
“咩啊，我想出来玩啊嘛！！！”
介绍完之后，就简好左PARTER,当然我会痴住ViVi...Yuki呢？...Yuki好受欢迎哦...有几个男仔都想撩她...
玩左一阵,Yuki手机系甘响，她无接...
"依,KEN哥!甘靚仔啊今晚"
有个男坐左响我身边，吾熟，见过两三次...
"你系？哦，啊边个的D朋友？上次我地见过?"
"KEN哥,你身边条女...你得手未架?"
"你想点？"
"讲真，你悟得的话，比我上，OK？"
.........
"出得來玩,就当我争你既，我介绍条索女比你识"
我点会吾知他想点？见我同ViVi坐得甘近，但又好似吾系LOVER...呢D人先系拆墙高手...
个男借住D醉意，好厚面皮甘坐埋ViVi隔离，要同ViVi玩...
他好Q贱!!!cheap佬!!!
ViVi答紧他既时候......
"ViVi...你今晚吾陪我，我会好闷咖，你吾会吾睬我架系咪？"
"好啦好啦,陪你玩啦!"ViVi即刻转返来我呢边，无理到果条男人了
如果依家ViVi系我GF,甘几好呢.....
卡里面既灯光，好暧昧...我要睇真D ViVi...
ViVi今日既打扮：好casual,她着左件深蓝色圆领短袖，里面好似系一件粉红色长袖，一条浅蓝色牛仔裤...
今日她无扎辩仔，留住依家好兴果种前边剪齐阴，染左啡色既卷发,好长...偏瘦既ViVi脸圆圆，眼大大, （事实上真系甘喔）搽左暗蓝色既眼影...,..
"比次机会我拉，好无啊？"
口疾疾...都唔知自己讲紧乜！一直想讲既野，到左有机会讲既时候，忘记晒...
望住ViVi吾出声...
"唔知啊，吾识讲啊!"
唔理,咩都唔理...揽住左ViVi...
越痴越埋...KISS...ViVi咪埋左双眼......
唔理隔离D人点吵都好，我同ViVi好似身在另外一個世界......
吾知过左几耐...就甘样挨住ViVi就好了...训左落她又长又卷既头发里面...ViVi...我已经醉左啦？
她会悟会以为我真系醉到训着左?唔好意思叫醒我,比我一直挨住 ...... "得米啦?KEN哥"头先果条友靠过来细细声问，我无理到距....
我得到左啦？我吾觉得...因为ViVi就甘样五出声比我揽住，我反而有一种失落感...
揽住ViVi既時候，我见到Yuki同几个男仔玩紧，她有D面红红，系米饮多左？其他人呢...各自努力紧一早睇岩既目标...
出来玩，系咪一定要灌醉人地,先可以得到自己鐘意既女仔,又或者,女仔在自己半醉半醒既時候，先会比机会男仔？
但我知,ViVi無醉,她甚至无点饮过酒......
Yuki又要饮了,她已经饮悟少了,因为我痴住ViVi,分开左距地,我......望到果几个男既淫笑?我觉得是淫笑...我一手抢左Yuki杯酒......
"Yuki你陪ViVi啦！等我同距地劈过！"
一人为情所困，內心迷乱既時候，又饮左好多酒，望住飘散既烟圈，感觉好似...
我醉左，我知我系醉左，我自已拿來既......又散场啦系咪?
"喂．KEN,我同ViVi走架啦，你得唔得啊?"
"我...我送你地... " 我望住ViVi...
"做咩啊?"
"想你陪我耐D咯”我拖住ViVi只手，ViVi无反抗......
"唔冼喇...你今晚饮甘多，下次发短讯比我啦，我咪出来陪你咯 "
我坚持，ViVi无话唔比．．．
落楼梯既時候，我拖住ViVi只手唔放，大家都唔出声，
Yuki好识做甘行左去前面...
...我,我想讲咩啊!?,我根本讲唔出任何说话!!!
ViVi手机响，她望左望,无接...
就快行完呢段楼梯了...
“ken啊...唔好甘啦...”ViVi低住个头, 讲得好细声...
最后一級楼梯......我松开左ViVi只手...
ViVi好小心甘，將自己只手抽走左
(原來甘就系放手既感觉，好无奈)
对面马路度企住一個高高地既男仔，望紧过來...
Yuki，她好醒目,即刻转身行返过来,双手Ku住我只手．．．
ViVi行左过去...
ViVi其中一個BF?定系...
他系咩样，唔重要...
"喂Yuki!"
"点啊!"
"今晚有人送啦,甘我地走先咯"
”哦，Yuki我走啦，ByeBye!”
送ViVi走既人唔系我...
我无得反抗，我好乖......比Yuki Ku住 ．．．拉住我走...
拖住ViVi只手既感觉仲未消失...
点解三個人都好默契...
算罢啦,我已经麻木晒...
“得喇，我都要返屋企啦，你送我”Yuki同我讲...
我唔出声......
“喂...哎,努力啦,哥哥仔,ViVi家阵又无话唔比你沟”
Yuki一只手搭落我驳头度，算系为我打气......
------------------待续
页:
[1]