一些广东俗语的由来
"放飞机"由来何为放飞机呢？话说旧香港。有一日，就要上演飞机飞行。香港有史以来第一次有飞机睇！仲要部水上飞机添！全香港万众期待：有人要放飞机睇啊！第一日到来，因为打风，得开，众人失望而归；第二日，天朗气清，各人以为有睇，点知个飞机师病，要推到第三日。而第三日呢，到部机个引擎出事，修理唔到。跟住就──bye bye喇！所以人就用放飞机形容讲去做，又唔做人行为！
"巴闭"由来
"巴闭"来自广洲话，好耐好耐以前系学习自印度话，汉朝既时候广洲已经同东南亚及中东等国家人民做生意， D印度商人好鬼嘈，成日叫："BAP RE, BAP RE！"，呢句意思"我的天呀！"，于是广洲人就学地讲，讲下讲下就变成今日"巴闭"喇！
"混吉"既由来
原来系因为以前既小型饭店，只要你去帮衬就会免费奉送一碗清汤，饭店每日所售鸡鸭鹅猪牛肉，都用呢一锅水整熟既，所以汤入面有肉味，然后落一堆味精，就系一碗清汤啦！因为系清汤，所以入面乜料都无，即系空空如也，香港人觉得"空"等于"凶"，所以就改成"吉"，所以碗汤就叫做"吉水"。
当时，有好多穷人，入到饭店，一坐低，伙记就摞一碗"吉水"，D穷人一口气饮完，静鸡鸡就走左去，因为呢碗汤系免费，所以饭店唔可以捉，所以伙记就叫呢种混骗行为叫做"混吉" ！
"杯葛"的由来
其 实，"杯葛"是英文BOYCOTT的译音，意思即系"反抗和抵制"，唔讲你唔知，此BOYCOTT原来系一个人名，全名叫做 CharlesCunninghamBoycott，生于1832年，死于1897年，系北爱尔兰一个恶汉，专替贵族大地主等收租，手段凶残，专逼害那些穷困的佃户，一遇到钱交租，就会诸多逼害。于是，呢班佃户一呼百应，联合起来对付逼害者。杯葛打唔过地，惟有落荒而逃，自始面目无光，备受困扰痛苦而死。爱尔兰佃户今次打胜仗，轰动一时，影响很大。此后但凡抵制或断绝关系，成为政治经济斗争手段，就以此位爱尔兰收租佬的姓氏命名，叫做"杯葛"也。
"大耳窿"由来
原来开阜初，香港洋人印（度）人大集会，而放贵利的多数系"白头摩罗"，这些"摩罗差"戴白头巾，所以人人都叫地做"白头摩罗"。白头摩罗扮相古怪，爱戴一只大如铜元的耳环，所以耳朵要穿个耳洞，港人觉得可憎，称他们为"大耳窿"。不过，还有一个说法，当时放贵利，都是放小额款项如三几角钱，给劳苦大众，为使人们知到他们有钱借，便把一个银元塞在耳朵的耳窿，作为记号，令人认得。
"一蚊鸡"由来
原来我地所讲"一蚊鸡"系与塘西风月扯上关系；话说去塘西召妓，初步手续先写一张"花纸"，而格式亦有一定，先写自己名号(以几多自称)，中间写ji女名字，最后一行写妓院名称。写好之后，便交由酒楼杂役带去妓院，那些阿姑接到"花纸"，便应召"出局"。ji女每次局票收一元，而省港人士向来称ji女为"鸡"，既然一元召得一" 鸡"，后来就索性称一元做"一蚊鸡"。顺带一提，这一元只是陪酒谈笑而已，属"体面上"的手续，如果饮客要有更进一步的行动，还要花很多很多钱，这"一蚊鸡"只系美梦开始！ 很好,加分了 版主深夜加分哦，多谢晒啦！ 顶！！！！！！！！！！ 很好很强大 几好。。。以前系电视度睇过 唔知来由 一蚊鸡~~~~~~好呀! 追究起来 都几复杂 学到野!第日可以系女仔面前抛下书包 虽然系广州大但系关于尼度既典故真系知得好少啊~~~
多谢LZ~~本来想加少少~~ 但加唔到无计~~~
[ 本帖最后由 纤纤秀影 于 2008-8-8 11:11 编辑 ] 无噶拉 /??
我中意听古仔..! 顶顶！ 学到嘢了！ 真相帝.......
页:
[1]