口哑哑既处女面－－Tencent一面归来
平时既我比较低调，一般情况下都唔中意周围扬自己既事。不过作为一个应届毕业生，我主要既招聘消息来源都系黎自后院，为佐感谢后院众多既XDJM，小女子今日就献丑，写低今次既面试经历，希望可以帮到后面参加腾讯面试既XDJM喇↖(^ω^)↗关于投简历
其实当初参加腾讯网申，都系因为周围既人都有投，所以我都抱住唔好执输既心理，试一试既态度投既（系度要告诫各位，其实只要你去投，几率虽然细，但系起码都叫有机会啊，如果你连投都唔投，笔试、面试机会系唔会从天上面跌落黎咖）。系一个好突然既情况下，肥猩猩竟然话我知笔试名单出佐黎，其中有我果名喔，当时唔系好信，不过确定真系有份果时都几激动咖，因为都算系自己第一次获得既笔试机会啊嘛，虽然当时都抱住去罗经验既心理去笔试，但系都好开心喇:biggrin: 。
关于笔试
笔试分两part喇，第一部分就系大家都好熟悉既所谓既性格测试类题目，30分钟，题目都比较简单，只要做题唔系非常非常之慢既人，一般都可以完成咖喇。第二部分就系纯编程题。噢，系度先记起，本人投既系软件开发－客户端，不过貌似投软件开发既题目都一样喇。有十题选择题、十题填空题and一题30分既附加题。题量唔算多，所以考察得唔深，主要涉及C，指针，数据结构，计算机网络，WEB。记得比较清楚既就系其中有题二叉树既前序遍历既选择题，因为系我最有把握既一题，所以记得比较清楚喇~~只要平时对C、C++有稍微既了解，一般都会识做喇，因为其实我都好差既
具体题目我就唔方便讲喇，因为有签保密协议啊嘛，作为新时代既大学生，仲系要注意下诚信既（其实系具体题目我已经忘记得七七八八喇~嘻嘻）
笔试就系我估夹撞既情况下完成佐，当时觉得机会应该唔大咖喇，因为填空有几个无做，附加题完全空白，选择题又靠撞喔。面试名单出黎果时，我都系叫一齐参加笔试既舍友顺便帮我睇下有无我既，因为我觉得机会唔系好大。点知距话有我名喔，我埋去确认简历号，A~~原来真系我喔，当时高兴到跳佐系身，心谂，我既处女笔同处女面竟然都系Tencent，真系唔知系好事定坏事喇
接落黎出现佐一个好严重既问题，我发觉我仲未准备正装啊~~之前谂住应该唔会甘快有面试机会既，所以一直都唔急。拿，系度又要再次罗嗦甘告诫各位XDJM喇，稳工作之前一定要做好充分既准备，包括服装，千奇唔好似我甘“临急抱佛脚”啊
系哩度就要赞扬下Icely同小旋旋喇，多谢距地冒住被点名同烈日下晒伤皮肤既危险，逃课陪我去买我既PP衬衫喇，真系好多谢距地，亲爱滴，谢谢
关于笔试
讲佐甘耐，终于到正题喇，就系今日被人问到口哑哑既一面。今日系腾讯面试既第二日，问佐之前参加既人，距地话去到会等好耐先轮到喔，如果系10点既可能都要等到11点半，所以我就同小黑就悠悠闲闲甘去到新珠江大酒店，再慢吞吞甘填登记表。点知系填既过程中，有个MM竟然叫小黑喔，原来今日情况好唔同，唔单只唔洗等，仲可以提前喔。由于当时表先填到一半，所以剩低果D小黑都系好求其甘填完既。所以大家面试时都系提早小小去比较好。
小黑上佐去面试无几耐，果MM就点我名喇，好采我已经填好喇。距好nice甘叫我宜家既可去603等喔。所以我又带住我忐忑既心情同岩填好既登记表转战603喇。
因为系在线写，惊写佐甘多会唔见，所以都系发表先喇。等各位XDJM俾D动力我，再写剩低果部分。嘻嘻
多谢各人XDJM滴支持，我已经补充好能量喇，甘继续喇....
去到603，门口企住个GG，貌似都系等住要入去面试，乘有时间，抱住“多结交朋友准没错”滴精神，所以我就主动同距倾计喇。原来距系华工软件工程既，之前系隔离室，后尾人地觉得距比较适合客户端，所以就被人踢佐过黎。距话距暑假时都有参加腾讯实习生既面试，不过俾BS佐，而且腾讯系距既dream company 所以距好希望可以入到喔。无几耐，门打开佐，有个GG行佐出黎。华工GG同我讲佐声加油，就入佐去喇。我捉住机会问岩出黎个GG咩情况，距话果HR好nice，好好倾既，几好人。听到哩度，虽然都系好紧张，不过个心稍微定佐D。
两分钟之后，果华工GG居然行出黎，话HR话距唔合适哩个职位，又叫距去隔离喔。唉，真系果可怜滴小孩，被人当皮球甘踢黎踢去，同情
终于到我出场喇，我敲敲门，“请进”一把都算好听既声音传佐出黎。系一个都几handson既HR。我行埋去交简历同登记表，距突然伸出友谊之手，当时我吓佐一跳，因为系第一次面试，唔熟哩D礼仪，不过我即刻伸出我雪白既小手，同距握佐握，当时都几怕丑咖，好少同人握手啊嘛，嘻嘻
接落黎就系我地两个既对话，用普通话表述。
HR：首先介绍以下自己吧
我：我从性格、学习、社团几方面和他谈了谈，我说性格的时候，说到“我从小就比较倔强，觉得女生不应该比男生差”，听到这句的时候，HR就笑了笑
HR：谈谈你对女生从事编程行业的看法
我：balabala
HR：工作的时候如果遇到很大压力，会怎样
我：其实最近都觉得有很大压力了，大家都再找工作，而且我们这一届又遇到金融风暴，找工作更难了...
HR：那好，先做做这几道题吧（他拿出了几张纸，挑了其中一张，指了指，要我做其中的一题，是个判断程序有什么错误的题，是关于C的）
我：balabala
接落黎，距又稳佐四、五题给我做，我记得其中有题系要我写strcpy函数既实现，当时狂晕，我学D野都好皮毛既，点识写啊
睇到情况唔妥，我就好婉转甘同距讲，“其实如果要我写程序的话，我会写得很不完善的”，我主要想表达我唔识，但系距竟然话“现在要你们现场写，我都知道不会写得太完善的，不过不要担心，照写就好了”。唉，当时既我唯有默默甘埋头开始写。不过埃佐一两分钟，我都系写唔出咩比距，距都发觉我应该都写唔出喇，所以就又换佐题，哩次既题目系“写一个函数，实现找出整型数组中第二大的数”。初见到题目，貌似几简单，但系当我拿起笔要写果阵，先发觉我真系太差喇，连甘既都唔识写，最后我投降，同HR讲，“不好意思，要我写真的写不出来，可以用说的吗？”距应承佐，之后我balabala讲佐一堆，距听完，又叫我将我讲既写出黎。唉，我真系唔识啊嘛，点都唔识咖喇，又僵持佐几分钟，我最后都系好诚实甘话写唔出，最后距都放过我，唔洗我再写喇。
之后问佐我几个问题，windows的内存分配机制有几种，指针和引用的区别，仲有就系TCP/IP同UDP的区别，当时答得超唔好，翻黎听同学讲先知，原来腾讯系用UDP既，所以距会问甘既问题。
最后距问我有无咩问题问，我就话“如果要给我今天打分的话，1到100分，我可以拿几分，进的机会大不大”。HR讲“其实很多面试的人都问过我相同的问题，我在这里真的不好评论什么，到时候我们还要讨论以下，才能决定要不要”。听到哩度，我果心即刻凉佐一大截，讲到甘含蓄，意思即系我无机会喇，唉~~
后尾问我有无其他问题，我话无。之后距又伸出距果只友谊之手，我地握佐握，同距讲佐声拜拜，就甘结束佐我超鱼既处女面。
后话
之前觉得腾讯离我系几甘远，完全无谂过我竟然会有机会参加距既面试，虽然最后都系惨败，不过人生中有哩个甘难得既机会，都唔错啊。对于宜家或者以后想入腾讯既XDJM，我想讲既就系，如果你想入腾讯既话，就快D罗出风尘佐好耐既C/C++、数据结构，计算机网络等出黎，好好甘复习下喇，尤其系指针方面既，因为我问过其他面试既人，距都系被问到类似既问题，如果之前有学既，对于面试时既问题，基本都会识答咖喇。因为小女子大一、大二果时过于贪玩，C同数据结构完全无学过，之后又无复习，先搞到甘惨。
借此贴，要特别鸣谢，icely对我服装同自我介绍内容既指导；仲有可爱滴小旋旋陪我行佐成日街；仲有果个点我睇数据库既肥sue，虽然完全无问到数据库既问题，不过都要多谢距；当然仲有陪我一齐去面试既小黑喇，如果唔系距，我一个女仔去甘远面试都会惊惊既~仲有好多好多亲爱滴XDJM，多谢你地
以后既机会仲有好多，希望同XDJM一齐努力，早日入到自己既dream company 喇
[ 本帖最后由 芯芷 于 2008-10-28 23:41 编辑 ] 哈哈，坐沙发，舒服一下先 不错，LZ我喜欢你，继续写，我搬个凳子坐这里等~~ 厄....
居然有人说喜欢我，那我不写都不行喇 MM??什么职位的?居然是603???技术开发??? 多谢lyhiving 和卷毛兄的评分，我有了继续写下去的动力了。嘻嘻 是啊，软件开发－客户端嘛 期待，如果我进了2面我也写一篇出来... 速度 入正题 期待後續 继续啊 偶都好中意你哦 但是我不中意你喔，我可是吃荤滴
回复 14楼 芯芷 的帖子
冷...and 汗 点啊？有无二面啊？ 二面名单未出，天日仲有人面试...不过应该都无机会喇，甘多唔识答 虽然你最后都进不了,但能面试都学都唔少嘢啦。。。。 原来二面仲未出，我收番果句话，祝你能够成功。。。。 TCP/IP同UDP
好像每届都问