啧啧啧，唔小心做咗好事~
话说今晚系动漫星城附近游荡然后唔觉意咁撞到一个小偷作案
靠，夜麻麻
如果唔系我5.2嘅视力都睇唔出条粉葛系用2根棍仔夹荷包嘅
前面个靓女被人夹咗荷包仲懵下懵下
条粉葛得手之后发现我系后面及实佢
佢又及翻我转头
个阵我仲未醒过嚟
因为我仲系第一次遇到D咁刺激嘅事
不嬲都系警讯之类嘅节目先有得睇
今日竟然被我撞到咗
我应该点做呢？
冲上去同佢搏命抑或系事不关己高高挂起？
万一佢附近有同党呢
斋系佢我都未必够佢打
系嗰一刹那，我承认我心虚了
我安慰自己人总有懦弱嘅一面......
就系我发牛窦个一阵
条粉葛已经行开一段距离
向人民公园方向撤退
几大就几大啦
大不了打瘀咗听日请假
我快步上前拍个靓女膊头话佢听佢被人扒咗荷包
然后就拉住佢去追嗰个扒手
条粉葛系动漫星城地下车库出口隔离嘅阶梯就慢咗落嚟
我哋当时离佢就5米左右
啊靓女就好似拜神唔见鸡咁讲
“死啦，我银包入面好多嘢噶！点算好啊......”
我当时那个囧rz 啊~
我无好气咁答，“有咩点好啊，问佢摞翻咯！”
我行前两步，摊大手板，“拿来！”
条粉葛射哩咁眼望咗我一下，又望咗一下靓女先心有不甘咁摞翻个荷包出嚟
当时荷包嘅钱已经被佢抄咗出嚟......
靓女见到自己个荷包立刻冲上去抢翻
然后缩翻我后面
扒手望住我望咗大概10秒先掉转头走人
顶佢，再望我嘅话我真系想讲
“望咩望，系未仲想我哎差人~”
人民公园个头好多人，佢想逃走就只有跑入人民公园
入到去怕且都系被人围住嚟砌
靓女同我讲咗声多谢，我同佢客套两句就走人了
觉得一身都轻松晒
但个心都仲系跳得好快
到最后都唔记得睇清失主究竟系未靓女，晕~
PS:到年尾，又系扒手搵年终奖嘅时间，大家行街小心D啊~
千奇唔好放个银包系衫嘅侧袋（最容易被扒手夹走了）
个只扒手系着西装偷嘢嘅，所以你米以为着西装就系正经人。 我的沙发~ 好难得做咗次好事，高调一下~
帮失主摞翻荷包，我觉得我都算系咁了
捉扒手去见差佬我仲未够本事
请原谅我放走了一个扒手~ 拖手仔真过瘾 靓女有无问你挪联系方式呢？ 不过瘾，貌似我嘅皮肤仲好过佢 无啵，我急急脚咁走咗
我当时仲要赶着搭6号线去上下狗
回复 7楼 为人有D狂 的帖子
果D女仔唔值得帮~~~哎~~基本噶野 尼个世界需要多D好人 :huffy: 我大一嗰时係直接同个扒手讲:攞出来!!!吓到佢傻咗~:lol: LZ有艳遇 原来10#系大一的时候就帮SR搵定病友 原来是要晒这个～ 小狂你系得既！:lol: 劲喔 戴左眼镜之后有5.2... 那个女的真tm好运
ps：我不穿西装作案的 6号线？6号车挂...
施恩莫望报嘛，小狂你是正确的，因为你已经有猪欣 靓女，你的贞操被人偷了:shy: sm帖~
从来吾觉得着西装噶有几正经…
我觉得乜野放衫袋都宁愿容易吾见~