3号早上吃完早餐，九点几从新世界出发，同老妈子一起返深圳。
车啱开上北二环，安仔就打电话俾我。佢问我而家系边，我话我系返去既路上。然后佢又问我到边。

假期快递公司好多都休息，佢好唔容易稳到一间唔休息的，点知呢个时候，系统down左，但系d嘢一定要系3号果日送到广州，所以佢打算自己揸车送出来。咁啱得咁巧，果条友住系时代玫瑰园，即系新世界南边。

佢打俾我既目的系乜？唔使霖都知啦，梗系想我等佢出左来先一起返去，佢唔识路啊嘛！
但系佢迟左一步，我已经揸左三分一路程。事后我同佢讲：你明知我早起床架啦，你咁迟打俾我，有鬼用咩。佢反驳：你够知我晏起床架啦。9点对于我来讲已经算早架啦。

经过一番废话之后。我哋最后做左个决定：等我返到去之后再同佢一起出来。

11点几到左南头，将小黑摆左系佢屋企个车位之后，去好好味食完嘢，放完水，即刻去稳皮蛋。

估唔到，我哋三个人第一次去远足，居然系咁。

于是乎，我哋DHL快递三人组，就开始短暂白痴的广州之旅。冇阴功，一日之内行三次广深，我真系有病。
一路上就系度听安仔同人倾电话，皮蛋系度抱怨安仔呃我哋出来，讲就好听，话三个人可以借呢个机会倾下计，实质上就系听佢倾计，其次就系听皮蛋哦安仔，叫佢去行街，咁难得先出一次广州。安仔梗系唔会就犯啦。哈哈。

果两条友，唔使佢哋揸车梗系好啦，一路就问，仲有几耐先到。
2点我哋到咗新世界，带佢哋来睇下，费事下次唔识路。不过我觉得，就算来过，佢哋都系唔识既，sigh气。

皮蛋话佢肚饿，两点几边度有嘢食架，唯有去KFC，一人要左个新出既口水鸡腿堡，我觉得冇烤腿堡咁好食。
送完嘢俾人，已经差唔多三点了。掉头，走人。

加完油，系皮蛋既怂恿下，我坐左去As位，但系40分钟后，我又变返driver。
途中遇上半个钟塞车，返到南头5点半。傻到痹既一日结束啦。
因为买唔到鸡，睇来皮蛋果300蚊冻过水。

其实，我哋第一次trip，并唔系呢次。唔知佢哋两个仲记唔记得。呵呵。