开篇声明下，如果万一假如若果有广工嘅朋友仔睇到我哩篇抑郁咗好耐纯发泄包含某d令人觉得係恶意中伤嘅言语，表激动。我讲嘅唔係广工嘅人。而且哩篇嘢係日记，唔算公开言论。咪砸我砖头，pls..

唔想繙学，一谂到繙学就好惶恐。我嘅语言功能又将受到再一次嘅封锁。不断呈现无语状。我会癫咯。我成日质疑係咪因为学英文嘅女人，感性过头。同我沟通有障碍呢？

係宿舍绝口不提广州嘅任何消费性娱乐性嘅嘢，唔係就等于自讨没趣。俾人觉得我係到晒命。问题係，广州唔係我噶。广州随时打开大门欢迎伱地。几多唔係广州嘅人都係广州娱乐工作生活地多姿多彩。我几时有因为地域问题歧视过伱地？反而一开学仲俾你地攻击，一副广州人又点嘅态度。

好喇 咁讲新闻。距地对待新闻永远得2种态度。哇，好惨吖~哇，乜d人咁衰噶！作为一个大学生，对问题嘅认识只停留係浅层嘅感性认识。问题背后嘅背后係边个责任缺失，显露出社会政府存在乜嘢嘅问题，社会发展趋势係咩前景係点。我一提到稍理性少少嘅嘢就无人接腔。好无奈，唯有继续陪距地讲，係啵，真係好惨吖~乜啲秂咁都做得出噶。于是就听到一片，係咯係咯嘅应答。当场汗颜。

然后呢，讲睇戏喇。坐埋一齐睇戏，特技就实有少少。距地有啲觉得好神奇。但係大家都有上过物理化学课，完全解释到。我同距地讲，距地就会觉得我破灭咗距地神话嘅感觉。哩啲情况同样出现係讲就业问题，社会问题。距地一直愿意相信住距地嘅神话，就算间中觉得神话边到有咗少少bug,都听唔入人地讲少少分析少少有根有据嘅事实。大学生吖，大学生喔~

所以 基本上得繙嘅话题就係闹学校。由伱根本见都未见过一眼嘅学校建筑嘅设计师，到校长主任，饭堂阿姨 充卡嘅啊婶 路过嘅大妈………….到可怜嘅楼下看更只狗都唔放过。基本上人地门口个花基种乜都关距地事。哇 听距地咁留心嘅观测，我觉得我真係好孤陋寡闻，唔关心学校。唉 每日就听距地係咁闹，反正时间多得是。其他距地都无兴趣嘅。

其实我真係一个好无学识好无内涵好无知嘅小妇孺。但係，我觉得作为一个大学生要对自己有要求咯。我会自己搵好多学到嘢嘅书睇。我亦觉得作为一个英文系嘅人都应该要理性，要深沉。我更加觉得无论离自边个地方，读咗咁多年书，眼界一定要开阔。要知道自己深浅，要有不断去求知嘅谦逊心态。可惜我真係搵唔到一个同路人。不过，我知道係进步嘅路上我唔会孤独。因为有好多人，好多虽然我现在唔识嘅人，同我选择一条共同嘅路。That’s why我唔係广工人但会选择广工嘅论坛。