餐盘攞唔攞走，系一个历史问题。系学生同饭堂长期嘅抗争之后，我地发现有人会攞走餐盘，另外嘅唔会。我地睇没一样嘢都要一分为二，每件事都系有佢嘅原因嘅。点解有人唔攞走餐盘？大家有唔谂过呢D人点解咁做，有无顾及佢地嘅感受。可能有D人会话：素质低咯，RP差咯。呢D只不过系片面嘅讲法。好多时候，佢地系受咗饭堂嘅气。大家都知道，饭堂服务差，呢D经历就唔使再讲。我可以讲一件我亲身经历嘅事情畀你地知。我大一嘅时候，有一次，打完饭，但系仲未攞筷子，当我离开座位去攞筷子再返到座位嘅时候，发现饭菜已经唔见咗。可能你地话呢种事情系无可能发生嘅，但系呢件事情就真真切切咁发生系我身上。果次之后，我都唔会主动咁攞走餐盘。点解？无解。饭菜嘅质量大家都好了解，每次去饭堂，有边个会一见到饭菜就会点嘎？每次我都系行返三四转先至可以下定决心去点菜，而且系非常痛心咁点咗果D“鸡肋”菜（点又唔会点食，唔点又无嘢食）。系呢种咁嘅饭菜折磨之下，仲点会有心情攞走个餐盘吖。仲有一个原因，就系贴系台度嘅果张死人“公益广告”：拿走你的餐盘，留下你的美德。你以为你有多到数唔晒嘅美德啊？留低美德，仲点揾得返啊？我非常之厌恶呢张广告，所以我睇到呢张嘢嘅时候，我一定唔会攞走个餐盘。最重要嘅系，饭堂赚咗咁多钱，会无钱请多几个工人嚟搞清洁？根本系无稽之谈。bullshit。呢种咁嘅态度系对学生负责，系对消费者负责咩？唔系。呢种根本就系为咗利益完全唔理D学生生死嘅行为。有见及此，边个仲会攞走呢D黑心js嘅餐盘？无错，唔攞走餐盘系会累人累己，我都深受其害。但系，呢种行为并唔单单系体现一种人嘅素质，修养嘅问题。呢种行为系需要讲求一种氛围。或者可以话系一种大众习惯。好耐以前，女人“露”系被视为淫荡，系一种耻辱。但系以家呢？可以睇到。呢种行为唔系话一日两日咁就可以解决，系要靠长时间好多人嘅努力先至得有比较好嘅解决。但系相对嚟讲，饭堂方面就可以解决好多问题。佢地可以将D饭菜做好食D ，工人请多D，环境搞好D。咁样，我地仲有咩借口唔攞走D餐盘呢？
有人话，我地要适应环境。无错，但系适应之前，系唔系可以尝试去改造一下，使佢更加容易令人适应呢？我谂有D改造系好难嘅，但系有D系非常之容易嘅。
this is possible。
愿舒心常与我们同在。
IP卡
狗仔卡
发表于 2005-6-11 20:37
显身卡
！如果有乜得罪的话请多多见谅！
