<识女仔故事系列----情缘路专卖店>

Ken_Romeo

       各位同学,大家好!还记得我吗?我叫阿KEN,是"识女仔故事系列----北京路专卖店"这篇故事的作者,之前有位叫"可乐仔"的同学在这里转载了我的故事,好多谢他带给大家分享我的故事, 不知道他现在还在工大吗?答应过大家会将完整的故事发表在这里,,因为这段时间真的很忙,现在终于有时间了,最近我终于将故事的结局写完了,不知不觉已经过了大半年!
     在GZNET"蒲友一族"里面叫"我的一段识女仔经历"(可惜蒲版恢复后贴子不见了)
     我的笔名是"sundaymelody"

      77GO"蒲友一族"里面叫"<识女仔故事系列----北京路专卖店>"
      我的笔名是"ken_romeo"

        我只在这两个BBS发表过,其他为网友转载.
"识女仔故事"是一个系列,里面的故事有长篇,也有短篇, 是我的个人经历,里面的人名与部份内容我都作了改动. 我已经开始写第二个故事了......
        好了别的不说了,我将带有结局的故事一次过发表了,谢谢支持.

Ken_Romeo

识女仔故事系列------
                                   情缘专卖店

      2007年春节，行花街的第一晚，落班之后，我漫无目的地游荡在人潮之中，毫无节日的气氛，我是一个钟意热闹既人，但依家的我，只是感到寂寞。
      我，英文名叫阿KEN,生活就系每日拼命三郎甘做,,夜晚就疯狂甘去蒲,成班损友玩到好癫,虽然去蒲会识到好多女仔,但我知道自己系放唔到感情落去的...所以,我都系相信缘份可遇不可求......
     今日又约唔到人,好闷,一个人行左去北京路想衬下热闹,但真系好鬼多人!无奈我就行入某间专卖店系甘易睇下衫,睇岩左件(MODEL身上既衫),我稳唔到件衫放响边,.但又无SALES得闲招呼我(呢晚生意好好),终于有个女SALES行过来啦!
      她帮我稳果件衫,点知稳极都稳唔到,我话甘算啦,我要MODEL身上果件,她话甘唔好既,先生你等等我一定稳到比你,于是她入左仓去稳,等左一阵,她终于拿左件衫出来啦,点知行到半路比个店长叫住要她去收银,我话你顺便帮我拿去前台啦,她话唔好意思啊你等等,因为好鬼多人排队埋单,于是我坐左响张凳度等,她收下银,又望下我,笑笑,我地眼望望,我开始留意呢个女仔,她都几可爱架,她脸圆圆,眼大大,搽左少少眼影, 唔笑果时似个公仔甘,觉得她D头发好似芭比里面既公主造型甘,有个客买既衫可能部机度唔知道价钱挂,她要稳个好似叫"christine"既同事问,她系甘叫"叮叮,叮叮啊!"但果个同事好似听唔到喔~!个客又催...
     "叮厶鬼吖,出前一叮都比你叮到无水拉!姐姐仔,你好唔掂喔!"个男拖住条女,把口特别衰.
    她急啦,又行唔开,个样好无辜噢......(有D心疼添)
    帮她稳左个同事来,终于到我埋单啦,她好细心甘将件衫折好,放左落个袋度,我伸手去拿,她唔放手,我呆左...
"先生,我将张小票放落个袋度!"望望我,她笑啦......
     啊!莫非她写左自己电话比我?~!!!
    冲出人堆,飞快甘攞左张小票出来一睇,咩都无...拎转头,她又望住我笑啦!...傻仔啊!

     呢一晚,我第一次见到她......
     以后会唔会再见到，唔知道......

Ken_Romeo

       2007,过年果段时间,心思思想去识果个女仔!2月28日:约左个损友出来倾计,讲到我想识果个女仔,朋友就教我:递张纸仔问她拿电话,然后问她有无呢款衫?如果有就写反比我,哗!写纸仔?甘鬼老土既旧桥,仲边有人用?......好!我去试下先
3月1日,一早就写好左张纸仔,内容大概系"觉得你好得意,甘可爱既女仔我点可以唔识,想同你做个朋友仔"(我改过几次,好似写稿)呢一晚行去北京路她间铺果阵,个心卟卟甘跳好紧张,拿住张纸仔,觉得自己好似做紧无间道线人甘样....
一路上我谂紧她收左张纸仔之后会有咩反应:
1.随手丢左落地,话无呢款喔------好鬼绝啊!
2."阿边个同事,你帮我招呼呢位客人啦"-------高招兼无面比
3."我地无喔,你去其它店睇下啦"-------.......
4.扮唔知,将纸揸埋一旧,吃左------哗!唔系挂!
总之,我无谂过会顺利PASS......

Ken_Romeo

       3月1日晚, 9点:心口得个"勇"字,谂都无谂就行左入去她间店,但唔见她喔...好失望,可能无缘份..都系走啦......一拧转头.见到她一个同事望住我笑,又望住另一边(之前成日借D易去她间店及她,她个女同事认得我噢!)我望过去,就见到她抱住一堆衫行左出来啦!surprise!!!好鬼突然!噢...喔...点算.......傻更更行左过去她面前,,她抱住堆衫,望到我啦,望住我啦!...她d眼神好似知到我系来稳她既... "Hi~!你认唔认得我啊..."
"吓...认得...唔..咩事..."
"我...我有几只款既衫想你帮我稳下,有既话写返比我好无阿?"递左张纸仔比她
"哦..." 她收左张纸仔...
"吓------"她个头DUM低左一阵,望到我写D野...
又用D好迷惘既眼神望住我..."......"
(*_*)系窝...人地返紧工架,唔好阻住人地做野...
"写左比你啦,我走啦,bye-bye!"
"噢......"她有D不知所措甘一直望住我离开...
行左出去,先记得无问到她既电话，好蠢啊!~~!!!~~*_*

3月1日晚,十点:
                    专卖店果个女仔,她当时系着住一件黄色格仔T恤。扎住条辫仔，搽左好浅既粉底，抹左蓝色既眼影,她有长长既眼捷毛!...反紧屋企既时候就系度谂她会唔会复我...觉得做专卖店既女仔都应该好open下,不过她会系一个点样既人呢,她D性格系点样?系一个简单专一既女仔定系一个玩弄感情既蒲女?又或者系...gay,唔会挂!?----系点样我都唔介意！
        反到屋企,训悟着,...听MP3...XBF...fiona既歌...又望望时间：十一点几啦,55555衰左啦...人地都唔想识我...唔好谂啦......正系我down紧既时候...手机有信息喔:
"你好,我系ViVi!!你今日同我讲咩啊?唔好意思,今日悟舒服，完全听悟到你讲咩啊..."
系她,系她啊!系她发短信比我啦!依家mp3只歌系糖不甩，fiona...fiona...突然好钟意fiona!

3月1日晚上既短讯:
                             ViVi:"系啦我同事话你上次来稳我同Yuki既?我地都无上班!"
                               Me:"Suki系烟幕来咋,其实只系想识你...你可爱D"
                   (Suki系ViVi另一个同事,只系倾过几句,唔熟，Suki几靓女架,果种类型应多几多男仔追)
                             ViVi:" 我同Suki好F架!梗系一样甘得啦!系啦!Suki话有几次都系北京路见到你喔"
                               Me:"系咩...记唔记得第一次见你果阵,我排左好耐队先埋到单啊,果阵你好似差D收少钱喔,"
                             ViVi:"系咩?哈哈哈哈哈哈!个情形系点架"
                               Me:"你咯,系甘吶叮叮,叮叮,我前边个男就话,叮咩野啊,叮极都无人应"
                                      ......记得果晚就系甘样同ViVi互发手讯......手机都玩到无晒电......
   三月2...公司好多野做

                                  公司春茗,比上司劈低左,然后又断片...已经唔记得系边度训醒

Ken_Romeo

    三月五号
          好想见下ViVi,中午既吃饭时间,打TAXT去北京路!但唔见她返工啊,好失望!慌失失甘转左个圈,想走果阵又拧转头望下ViVi有无出现,个头拧返过来果时,见到Suki企左响我面前! (Suki系ViVi个同事兼F,),
          SukiI望住我,我又望住Suki!
          "你系YUKI?你好...HI"明知故问!又唔知讲厶好...
          "你稳ViVi啊?距返夜班,一个钟后会返来架啦!"讲完Suki,miu住个嘴,侧住个头望我,甘岩呢个时候,她D头发dum左落来,遮住她半边脸 (Suki系得喔,应该好多仔霖你啦!)   
           ...一个钟后?!我要返工啦...唯有夜晚再来啦,
           收工!去北京路,行行行~~无无聊行兜左几粒钟,等ViVi差唔多落班时间就行入去稳她
          "HIHI,你来左啊,"ViVi真系夜班喔!Suki已经落左班了.
          "无啊,岩收工,咪来帮衬下你咯" ......
           "收工啦,无货卖啦!"
           "你有无节目啊??"
           "要返屋企啊!我好眼训噢"
           "甘我送你返去吖"
           "吓~!?哦...你送我去车站就得架啦..."
           哗,我太直接啦,甘快话要送人返屋企...
           时间过得好快啊,一路上讲下笑下,就到左车站了!
          "系啦,你住边架?"
          "唔话你知!"话甘快,她部车到站咯!
          ViVi要上车啦,她行左几步又拧转身同我讲:
          "下次你送我返屋企果阵,咪知咯!"
          啊......
          ViVi响部车度挥手同我讲BYE BYE噢...
          望住部车,挥手,傻笑,
          离开个车站既时候,仲傻笑ING...
          傻仔......竟然无望真ViVi系上边部车走既......

Ken_Romeo

                                                   三月六号
    Part 1:罗密欧!?西门庆!?

    迎宾馆对面上二楼果间餐厅内:
    我自己：
    H君:损友之一,蒲场花心大少既后起之秀,未算得上大师级,但识女仔经验胜在够丰富,连捞妹都沟唔少,已经超越我
    C君:斋佬一名,去蒲玩到磨烂席都沟唔到女,唯一既长处系......      
    我地台对面系班学生妹,听到有个女仔话:"朱丽叶话一阵来"
    C君望住我:"喂,ken ken,朱丽叶喔!"
    我:"有代沟架,你甘留意人地妹妹仔做厶"
   "朱丽叶"来左,哗,好得...
    C君只系及左一眼::"叼,她都叫朱丽叶,甘我咪罗密欧"
    呢个时候:一直唔出声既H君讲左距最经典既果句台词:

"呢个世界甘多潘金莲,我宁肯愿做西门庆,都唔做罗密欧啊!"

    我:"甘又系,潘金莲又靓又姣,西门庆风流多情,罗密欧甘专一,到头来都系为朱小姐,瓜左!
        "但西门庆后来比武松打死左喔!!!"
        "依家仲边有武松啊!傻仔KEN"

     甘~~又~~系~!!!

     part 2 :D女

     吃完饭,H君建议去唱K,甘就去附近果间Xway!
     由中六地铁站附近开始,H君不停甘打电话约女......
     唔系唔接就CUT线,有D仲停埋机。.........

     ViVi,我好想约你，你，返紧工吗？

      带左距地去ViVi间专卖店，ViVi埋紧单，她见到我啦，但个样好似好愕然，个嘴郁左下，想讲野，又唔想讲甘，个头DUM低左......ViVi抬返起头果时我见到她既表情好苦,我唔识得点样形容...
     一个男仔从我身边行过，我有留意到，距好刻意甘望下我，距，好似都系店员
     算啦,她返紧工,我仲要带左两个男来......
    "果条女......"H君手指指....
    "走啦走啦,无阻人地做野"一手拉一个,两条麻粒佬比我拖走左......
        到喇,我地三条男人包左间MINI房.开拖.
     "ken ken,我今晚要片低你!"乱讲野既C君
     "系咪想同老细萝假?"(比我片低左,第日反唔到工)
      H君呢?望下距,仲玩紧手机......叼
      同C君撕杀得昏天暗地既时候,H君电话响,距出左去...
      返来既时候多左个女仔......
      着左件类似私家侦探甘既外套,头发无染但拉直左.      
      化左妆,20--22甘既样,个样但仲有D似妹妹仔未大透,貌似几得甘喔,
      H君介绍,但知道既系她个花名...先叫距D女

      我望住距...喂!你搞咩啊衰仔
      距低头,双手掩面... 意思是话比我知：他依家好无奈
      H君一坐低,就同C君密计,D女就坐左响我同H君既中间.
      凭我同H君多年互片既经验我知道,有阴谋!
      密计完,H君拉左C君去厕所.
      ......
      我问D女:"你,H君个F?"
      "系啊,系距旧爱啊"
      啊......唉......
      过左好耐,两条死仔返在来了,继续......   

      K歌,酒,色钟,男人大哎,女仔咔咔笑咯......

     "靓仔,我要同你倾计!"唔知几时,D女挨左埋来我旁边,我好鬼唔自然!
     D女自己点左支,拿左一支,放左落我口度,点着左
     D女果种既系一种带橙味既...
     唔记得倾左D厶,有野无野吹一大轮......
    "喂喂喂!我要唱呢只啊!帮我点吖靓仔"D女双手已经箍住我只手了...
    "我同你合唱吖!"     
     D女个头仲挨埋落我脖头度,但就望住H君果边...

     我知道,D女甘做,貌似稳我来激H君......

     君目无表情,更加当做咩都睇唔到,令我觉得距想将D女推比我"照顾"......
哎...贱人H，D女更加痴我...
"我都未知你叫咩名,你好似好怕羞喔"
呢种情况,我系唔知点做好!
然后...然后......
C君同H君唱紧"劲歌金曲"......
我就同D女系另一边色钟紧,我有D刻意甘同D女保持距离.
女仔热情...男仔冷漠...Oh,no,Why???

D女,何必感做呢...
H君,何必甘无情呢...

Part 3:迷......

     D女初初系稳我过桥,后来好似对我产生左兴趣,完全唔理H君，
我...越系同D女玩得忘我,就越想住ViVi...
点解,点解ViVi头先见到我果时表情甘苦,她系咪唔开心,仲有,果个男仔望我既眼神...

     好挂住ViVi,好挂住距!恨不得即刻跑去她间店度稳距!
我想见ViV......!
"唔玩住啦!我要出去一阵先!"
"你去边啊?我同你一齐去啦"D女要跟埋来
"我...我去买烟!"
落到楼下...
"你买咩烟啊"
"520,你帮我稳下好无?"
"哦..."
见D女行左去烟档,我就即刻跑左去北京路果个方向......

      就系Xway到ViVi间店既距离，我煲左两支...夜晚既北京路,好朦胧...广百顶楼既灯光...好迷幻...
点解呢种感觉甘似以前？！以前...
知道自己开始断片既时候...仲谂紧果时识既女仔，她个样，她所讲过既野...头好WING，周围既野转啊，转啊...我系咪醉左？
我有无醉？我无醉架系咪！好多...好多个谂法响我个脑里面乱转......
ViVi...你系一个点样既人？
......
ViVi,做我GF，好唔好？

Ken_Romeo

                                                 X,BF
      带住对ViVi既好多疑问，我好想知道答案,当我去到她间专卖店时，
ViVi系度发紧呆,我好小心甘走埋去ViVi身边...
“你今日做咩无晒心机甘既？”
"......"
ViVi DUM低左个头...miu住个嘴。
“好DOWN啊...唔开心啊..."ViVi讲得好细声，好细声,轻轻抬高左个头望下我...然后又DUM低左个头...折衫......
我企左去ViVi旁边,同她一齐玩折衫......
　“ViVi兄，嘻嘻!”一个女仔响我面前飘过，貌似又是她同事...
　"你傻左咩！" ViVi抢左我折紧果件衫，自己折...
　"甘你讲我知，为咩唔开心呢？ViVi..."
"哦...散左咯~!"
（我有机会啦?）
"我琴日短你,你又唔复我..."
"甘就算其它人稳我,我都无心情复架啦..."
ViVi哩左去一个少人见位置（MODEL后面），望望我,又继续(扮)折衫...
收到...当然系哩埋过去?...
"甘你唔开心系为左男仔定系女仔啊？"
“你无野丫嘛,梗系为男仔啦!”
"你又唔复我,甘快唔睬我拉?"
“甘我同紧条仔一齐点复你啊！"
"唔系散左咩?"
"散左果个系出面既,仲有一个...系店里面既..."好细声既ViVi
OH...我都好DOWN.....好迷....
。。。。。。
"你店里条仔系咪果个啊"就系头先望我果个男仔
“唔系！系另外一个...”
"甘距系咪LIKE你架"
ViVi无出声...
哎~？OH!...WHY??啊...
有客,ViVi走左过去...
我呆左一阵，先记返起,果次又走来ViVi间店,见唔到ViVi,就问她个女同事
她果种会意既表情,就好似:呵呵,ViVi又有男仔稳你了。
ViVi有BF,我一早预左既...
但有2个，或者3个，我又真系估唔到...
系咪真架!?
“ViVi,ViVi...”
"吓，咩啊？"
"其实我都唔差架,你稳悟到人陪你果阵，咪稳下我咯"
“哦...到时先算啦...”
“甘我打电话比你”
"发短讯比我啦...我手机接电话要钱,发短讯吾洗钱啊！"
我漫无目的甘在北京路游荡，不知不觉又行入龙藏街,为左等ViVi落班，在士多煲烟既地方.....
终于识到ViVi之后，以为会有一个好既开始...
"其实我都唔差架,你稳悟到人陪你果阵，咪稳下我咯"......点解我讲出D甘轻挑既说话
...D女果种烟...橙味好甜，但夹住烟味,又变得好苦...

        自从见到ViVi之后,就成日流连在呢条路，北京路，从前麻木地经过好多次，但从来无依家对我甘吸引过，之前既果种期待，行入ViVi间店想见下她，但悟见她返工,在北京路游荡几粒钟，都系悟见她返工...终于识到ViVi之后，以为有一个好既开始...但到此为止啦,如果我决定放弃的话......ViVi可能有几个BF，或者好多追求者...依家18-21左右既女他仔,系咪多数都甘样呢？同时拖住几条仔？我表妹一拖几,几时唔钟意果个咯,咪讲分手咯,不过，有时都会比男仔先讲分手，但有甘多选择，她唔会好伤......
    初中, 第一个女朋友,她一拖二,我去等她落课,我一直暗恋果个女仔(知道我钟意她)行出来,见到我，望一望我,唔出声，DUM低头行开左,她应该知我等紧边个，当时悟在乎，后来真系后悔到傻，因为我钟意既系她,而唔钟意距地班果个女...直到初三,上学期我放学唔记得拎书包,她来我地班补习,坐左我个位,我返到去唔见,她问我"你稳咩啊",然后她眼定定望实我几秒...再将我要稳既野比返我...
第二日,我唔见她,问人先知道,她已经移民去左香港...
    游魂左一阵,先记得返去唱K果度...
　"靓仔,我返来啦!!!"扮到好HAPPY甘...其实心里面系思乐冰加芝华士...
　"喂,你去左边啊!!!头先又撇甩我!"
  "哦...见到条友阿嘛...距争我数,咪稳距咯"
  "自队三杯先批准你讲野！"
队咪队咯...队左...
"你甘乖既，距地都无叫你队"
2 MAN一边偷笑......
玩我,！哼，队返你，捉住D女狂玩色盅...直到我地几个都有D醉意...
散场咯...！
"有缘再见啦靓女"
＂下次悟比撇甩我架＂D女对我讲，望一望Ｈ君，好似话中有话．．．   
我问D女拿电话,她拿左手机出来,她手机里面,有她同依家BF张相...
OH...女仔...你心里面，到底念边个?　
“我要去我老婆度，一阵你送她返屋企”H君对我讲
　你你你，呢个贱人（吕奇把声）
"帮你映返张相啦,凈系影你咋,"D女同H君讲，H君好快摆好左POSS
“KEN,望过来丫！”......闪
H君要去他条女度 我个心响ViVi度，我想去她个车站...结果，Ｃ君送D女......
越来越唔明白女仔的心...女仔...你心里面，到底念边个?　
呢一晚，我都系返左屋企．．．我打开手机既MP3,重复听住Fiona只歌,XBF......




没有说过第一个是你
但我最怕下一个是你
但这秒我正式得不到你
愿我失恋名单结尾最后一个是你
不要再有分手戏
其实犯遍了错误先碰着你
自信我会懂怎去爱你
盼望最喜欢那个是最后
但最后未想过放弃但被人放弃
变成前男友的你
走我没有阻止理由
早已知道能与你挽手都会分手
但最后让我点算过去男友
队伍中有你来过就够
还凭什么搏斗
盼瀑布过后是细水长流
或者我默言回首
旅途愉快过就够
若果你热情流走
有谁能说我未够
若碰上你是一个运气
大概我已用光了运气
热吻过教我怎舍得憎你
旧爱之中明显叫我最幸福那是你
只怪我太不争气
其实犯遍了错误先碰着你
自信我会懂怎去爱你
盼望最喜欢那个是最后
但最后未想过放弃但被人放弃
变成前男友的你
走要是更喜欢自由
相爱不够才以作借口都够分手
在最后就似所有过去男友
为了抛弃我才邂逅
走我没有阻止理由
早已知道能与你挽手都会分手
但最后让我点算过去男友
队伍中有你来过就够

Ken_Romeo

                                       三月 失望
剩低落来既３月...我每日都发一条信息比ViVi...
“落好大雨喔,有无带遮啊?无既话我会拎比你,几夜都会...”
" 如果你觉得闷想稳人陪，好想，你第一个稳既人系我,"
"你记唔得啊?我第一次见到你既时候..."
"好耐无见你拉，系咪以为我放弃啦？其实我一直好挂住你咯..."
但ViVi都无复我...三月就甘样结束左.....
在三月既最后一日，落左班之后，我对自己讲：
KEN，你想知道点解系咪？但有时候好多野，系无机会比你去知道点解，如果得唔到回应，就唔好太委屈自己......

                                      四月 迷 乱
        Go on ,Go on ......将呢段日子所有零碎既记忆拼埋一齐，再写埋出来,真系唔容易．．．
        好唔开心地过左三月最后果几日，四月到左......有一日,D朋友约左我去海猪广场附近某间CLUB度蒲,有女仔去,但距地只会约自己一早睇岩既目标问我约唔约到女仔,
哎...试下约ViVi咯...试下咋...我发左条短信：
"ViVi啊,我同朋友听晚去玩，想约埋你，可以带多个女仔来架,到时我来接你啦,好吾好？"
算啦，当系比返D希望自己，但今次ViVi复左我喔!
　    "吓?...我睇下听日我上咩班先啦,不过可能吾去啦，我男朋友悟钟意我出去玩啊！"
       点都好...复多条短信，发埋时间，地点...
        到左果晚,ViVi都无复我...
       "我真系好想你来架,无论你来吾来...我都留返个位比你..."又发左一条...
       全部人到齐晒，ViVi都系无来......
       "KEN哥仔,你D女无来啊，唔冼甘愁喔,我介绍女仔比你识"　哎......
       ViVi无来,好唔开心啊...系甘想队霖自己...饮...
      手机响左...肯定系边条斋佬打来问我响边，有无女....叼...
      "喂喂!系咪阿KEN阿?我系ViVi啊,我同个朋友系楼下!"
     "哦哦!我即刻落来！"
     ViVi~!!!日思夜想既ViVi...突然间出现左！！！
     “我以为你吾来拉...”
     "你唔系好想见到我咩？"她带左Suki来...
      ViVi来佐拉，但我已经有D wing wing 地...
     “你吾洗陪你男朋友咩？”
    “咩啊，我想出来玩啊嘛！！！”
    介绍完之后，就简好左PARTER,当然我会痴住ViVi...Suki呢？...Suki好受欢迎哦...有几个男仔都想撩她...
    玩左一阵,Yuki手机系甘响，她无接...

   "依,KEN哥!甘靓仔啊今晚"
    有个男坐左响我身边，吾熟，见过两三次...
   "你系？哦，啊边个的D朋友？上次我地见过?"
   "KEN哥,你身边条女...你得手未架?"
   "你想点？"
   "讲真，你悟得的话，比我上，OK？"
    .........
   "出得来玩,就当我争你既，我介绍条索女比你识"
   我点会吾知他想点？见我同ViVi坐得甘近，但又好似吾系LOVER...呢D人先系拆墙高手...
   个男借住D醉意，好厚面皮甘坐埋ViVi隔离，要同ViVi玩...
   他好Q贱!!!cheap佬!!!
   ViVi答紧他既时候......
   "ViVi...你今晚吾陪我，我会好闷咖，你吾会吾睬我架系咪？"
   "好啦好啦,陪你玩啦!"ViVi即刻转返来我呢边，无理到果条男人了
   如果依家ViVi系我GF,甘几好呢.....
  卡里面既灯光，好暧昧...我要睇真D ViVi...
   ViVi今日既打扮：好casual,她着左件深蓝色圆领短袖，里面好似系一件粉红色长袖，一条浅蓝色牛仔裤...
   今日她无扎辩仔，留住依家好兴果种前边剪齐阴，染左啡色既卷发,好长...偏瘦既ViVi脸圆圆，眼大大,
（事实上真系甘喔）搽左暗蓝色既眼影...,..
       "比次机会我拉，好无啊？"
       口疾疾...都唔知自己讲紧乜！一直想讲既野，到左有机会讲既时候，忘记晒...
       望住ViVi吾出声...
       "唔知啊，吾识讲啊!"
       唔理,咩都唔理...揽住左ViVi...
      越痴越埋...KISS...ViVi咪埋左双眼......
      唔理隔离D人点吵都好，我同ViVi好似身在另外一个世界......
      吾知过左几耐...就甘样挨住ViVi就好了...训左落她又长又卷既头发里面...ViVi...我已经醉左啦？
      她会悟会以为我真系醉到训着左?唔好意思叫醒我,比我一直挨住 ......
     "得米啦?KEN哥"头先果条友靠过来细细声问，我无理到距....
         我得到左啦？我吾觉得...因为ViVi就甘样五出声比我揽住，我反而有一种失落感...
         揽住ViVi既时候，我见到Suki同几个男仔玩紧，她有D面红红，系米饮多左？其它人呢...各自努力紧一早睇岩既目标...
         出来玩，系咪一定要灌醉人地,先可以得到自己钟意既女仔,又或者,女仔在自己半醉半醒既时候，先会比机会男仔？
         但我知,ViVi无醉,她甚至无点饮过酒......
         Suki又要饮了,她已经饮悟少了,因为我痴住ViVi,分开左距地,我......望到果几个男既淫笑?我觉得是淫笑...我一手抢左Suki杯酒......
         "Suki你陪ViVi啦！等我同距地劈过！"
　         
         一人为情所困，内心迷乱既时候，又饮左好多酒，望住飘散既烟圈，感觉好似...
我醉左，我知我系醉左，我自已拿来既......又散场啦系咪?
"喂．KEN,我同ViVi走架啦，你得唔得啊?"
"我...我送你地... " 我望住ViVi...
"做咩啊?"
"想你陪我耐D咯”我拖住ViVi只手，ViVi无反抗......
"唔冼喇...你今晚饮甘多，下次发短讯比我啦，我咪出来陪你咯 "
我坚持，ViVi无话唔比．．．
落楼梯既时候，我拖住ViVi只手唔放，大家都唔出声，
Suki好识做甘行左去前面...
...我,我想讲咩啊!?,我根本讲唔出任何说话!!!
ViVi手机响，她望左望,无接...
就快行完呢段楼梯了...
“ken啊...唔好甘啦...”ViVi低住个头, 讲得好细声...
最后一级楼梯......我松开左ViVi只手...
ViVi好小心甘，将自己只手抽走左
(原来甘就系放手既感觉，好无奈)
对面马路度企住一个高高地既男仔，望紧过来...
Suki，她好醒目,即刻转身行返过来,双手桥住我只手．．．
ViVi行左过去...
ViVi其中一个BF?定系...
他系咩样，唔重要...
"喂，Suki!"
"点啊!"
"今晚有人送啦,甘我地走先咯"　
”哦，Suki我走啦，ByeBye!”　
送ViVi走既人唔系我...
我无得反抗，我好乖......比Suki　Ku住 ．．．拉住我走...
拖住ViVi只手既感觉仲未消失...
点解三个人都好默契...
算罢啦,我已经麻木晒...

“得喇，我都要返屋企啦，你送我”Suki同我讲...　　
我唔出声......
“喂...哎,努力啦,哥哥仔,ViVi家阵又无话唔比你沟”
Suki仲一只手搭落我博头度，算是为我打气。

Ken_Romeo

                                      五月:不舍
       有一晚,我醉到不醒人事既时候.手机唔见左...我系比街坊抬返屋企既...
唔见左张SIM卡,当然无埋她既电话!无去补办,因为以为可以就此忘记....落班,又经过北京路,经过她间专卖店,我无入去...我只系在门外,静静地望入去,希望可以再见到她既身影..再见到她笑......
       望几眼,比我望多几眼,以后都唔行入ViVi间店了...当她既眼神望出来既时候,我转身走左...
       我唔补办SIM卡,她唔会稳到我,我唔行入她间店,我唔会稳到她......就此结束,当系我自己放弃...好唔好?
移动,点解到处都见到移动既营业厅......我都系唔舍得......终于补办左SIM卡兼打埋三月既通话清单......
在清单的通话纪录里面...终于稳返她个电话.....

Ken_Romeo

六月，结局

(1).Suki

      果晚送完Suki返屋企，Suki比左她个QQ我，之后我地都是用QQ联络，之后......ViVi同Suki都无做果间专卖店喇,我都无再稳ViVi啦....
      巧合既系,Suki无做专卖店之后,来左我间公司,即是Suki变左我同事,但我好快就要辞职了，我间咩公司？咪又系果D烂鬼香港电讯公司咯，可以脱离火坑，我不知几开心添阿！难为Suki又要入来火坑......递左辞职信之后，在公司既最后果段日子,吃饭既时候，我都会同SUKI倾下计既，Suki好多兴趣嘎！钟意睇BAND队表演，街舞，反正依家时兴，好潮既野她之前读书果阵都有份参与，但出来做野之后就无玩啦。
      呢一日，我约埋Suki一齐吃饭,倾倾下,突然间,我好认真甘背我在Suki个博客度睇到她写既日记,的内容：
“今日好伤心,爸爸闹我,于是我就同距嘈,之后好唔开心阿,..結果去用头撞衣柜度门,又用头撞牆...发觉撞衣柜唔痛，但撞牆就痛死!”

“下!你讲咩啊？”
“点解阿点解阿!？你点知嘎！”
“睇左，你写既日记。”
Suki谂左一阵，先记返起：
“妖，真系衰嘎，UP晒人地D鱼野出来！”
“甘你写得搞笑阿嘛！”
“系咩?好耐之前既事喇,你甘都睇到我写D野阿?哈哈?”
“系阿,你果时写D野好傻,好鬼傻！”
“妖，你偷睇人地D野!”
“你摆左上去都预左人睇架啦...”

“你系咪想追ViVi啊，我帮你约她出来喇！”Suki忽然间问我。

“几挂住她咯，唔知她呢排点阿？”

“打电话比她喇！”

“唔好喇...”

“妖！打喇，我叫你打就系喇”

“好拉，多谢你啊！”

第二日，我打左个电话比ViVi，话想约她出来，出乎意料既系,ViVi好爽快甘应成左。

Ken_Romeo

                                                                     (2).KUBY
      我要埋最后既年假,我稳左其中一日既时间,约左之前唱K识果个D女出来倾计，因为我觉得,我既经历,多少都与她有D相似，我应该点做，或者她可以帮到我。

      呢一晚，同她约左在文明路一间吧度坐低...D女,她有个好好听既中文名,但唔方便透露,她个英文名叫KUBY。

      第二次见KUBY，我地既话题当然离唔开我个朋友H君...KUBY同我讲左她同H君以前既事.......

      她忘记唔到旧爱,又未能够完全接受依家个男朋友,

      最记得她讲过既一句说话：
“如果你觉得捉唔住一样野，你就要学会点样去放手，放手既过程系好痛苦，但点样痛苦都要叫自己去接受。”

       KUBY继续讲:
      “好担心，唔知道，距到底钟唔钟意自己？根本唔知道距系度谂紧咩，唔知道距下一步会做D咩？有一日，你发觉，你身边既人，竟然系甘陌生，到最后伤心既人,只会是你自己......到最后...我只净低一样担心...就系距几时会同我讲分手...当时，我罐醉左自己，挨左响个F度，不停甘喊，但我在心里面同自己讲，我要忘记距......点知，再见返面之后，发觉自己都系忘记唔到他，虽然最近识左个男朋友，果晚，他约我唱K......”

       我记得喇，于是就出现左果晚在北京路唱K既情景......

       我唔知讲咩好，只好望住距，用最同情，最关心既眼神望住KUBY。

      “你想电我啊！？”

      “妖，我关心你皆，”

      “再同我饮晒距！”KUBY倒左一杯酒，要我饮晒！

      “唔好啦，唔饮得啦我......”

      “你上次撇哩我！我记得架！”

         ......饮晒！

       “我依家再罚你，落去同我买包烟，要橙味果只！”

      “上次咪罚左咯？”

      “加倍啊，你地D男人都系甘衰架啦！”

       买左烟返上来既时候，我见到KUBY响度讲紧电话，一个倾得唔系甘开心既电话......

       她望一望我，做左个叫我帮她点烟既手势，我帮她点左支烟，然后就坐左系她旁边......我地挨得好埋，我只手就放在KUBY条腰后面，随时都可以缆住她，但我无更过分既动作，但我地可以感觉到对方既体温，或者甘样，先可以增加我地之间既信任。

      我知道，我地都系寂寞既人......无论依家拖住边一个只手，唔可以同钟意既人一齐，个心里面，都系寂寞。

      男仔知唔知，原来女仔系甘受伤害，

      我心里边想到既系......

      唔好随便，玩弄感情。

        KUBY其实都只是一个单纯直接既女仔,几可爱,几多野讲!有她在你身边,你永远唔会觉得闷。

     只系,我唔知道,她心里面,到底隐藏住几多唔开心同烦恼? 但以她既性格,唔会轻易表露出来, 我地倾左好耐......

     同KUBY倾完之后，我有左我既决定，我，想约埋ViVi出来，开开心心玩一日。  

Ken_Romeo

                                              3.***dBye，ViVi
     到左同ViVi约定既果一日，时间，地点，心里面再重复一次，我好早已经去左约定既地点......
     回忆起呢一段日子，当我递左纸仔比VIVI,我好记得她唔知点算既表情,有D惊喜又有D迷惘......之后她发短讯比我,我好开心,以为有一段开心既恋情会开始...点知,世上既一切唔会按你的意愿,去发生...但如果，如果我再着紧D,会不会ViVi就属于我？她有BF但又唔会拒绝我稳她,会出来见我,有时又好似当左我是她BF,有时我会谂，就算她一拖二我都唔介意......算啦，我,唔再妄想啦。但,每一次见到她,只会更喜欢她......
       ViVi迟左少少先出现，她今日着左件白色带少少粉红色既Tee 贴身低腰既深蓝色牛仔裤,仲衬埋一只粉红色，好Q既卡通表，拉直左D阴，遮住左她个额头......

      当然，啡色既卷发，淡蓝色既眼影，长长既眼睫毛，是ViVi既特色

“要我等左甘耐，有咩补偿啊？”

“你等左好耐咩？你想要咩补偿啊！”

“我想拖你只手仔咯！”

“比只手仔你拖咯！”

     ViVi甘样讲，又伸左她只手出来，当我想拖住既时候，她又缩埋喇！

“你就想喇！哈哈哈”

     ViVi今日好似一个细路仔......

第一次，好自然地，拖住左ViVi。

“去边吖！？”

我地两个都无目的想去边，所以一于所有既地方，都去晒！呢一日既早上，去左行撞元坊，上下九，一德路，最后仲埋扮信徒入左石室教堂，
我：“去完教堂。系咪应该去拜下神啊？”

     ViVi:“傻啦你！”

同VIVI一齐，我变得好似个细路仔一样,我地行左好耐,都唔觉得累...

     ViVi唔系果种攻于心计既女仔，她系一个经常需要有拖拍先会开心既女仔,如果唔系,她就成日会慌失失,成日做错野架,

中午既时候，我地约埋Suki出来,我地三个一齐吃饭,如果以后可以经常甘样，就好啦......

之后,陪距地去顶好简下D女仔野。

     ViVi有一个坏习惯：大头虾!成日唔记得拿返自己D野,岩岩在顶好买既耳环啦，吃完饭起身又唔记得拿手机喇！

“呢个咪好过你依家果个咯，不如换呢个啦？”Suki讲笑甘对ViVi讲。

“好啊，考虑下！哈哈！”ViVi又好似讲笑甘答左Suki，ViVi好钟意笑......

‘ViVi，可唔可以，做我女朋友’呢句说话，我一直想讲,从见到ViVi之后想讲，今日都想讲，但已经讲唔出口，我知道就算讲出口，都收唔到ViVi肯定既答复。

唔想做第三者，亦唔想做第二位。

送左Suki上车之后，我同ViVi又行左一阵，又返到北京路果附近...

行左入一条街里面，条街好静...我地稳左一位置，坐低在，突然间ViVi成个人静晒落来，她既情绪，会随住环境而改变。

    ViVi饮汽水，我饮啤酒......        

“Ken阿，走咯，我要返屋企啦...”

“唔好啦,倾阵计先喇”

     ViVi:“哦...”

对面士多摆住既DVD上面有《转角遇上爱》。

我：“我地似唔似小猪同大S阿？”

     ViVi:“唔似！你无小猪甘靓仔！”

我：“车，你够无大S甘可爱咯！”

我：“小猪同大S都唔衬....同小S衬D,有无睇过小猪同小S果只MTV皆?”

     ViVi:“我觉得同小s更加吾衬喔 !”

我：“同大S就好似姐弟恋!”

     ViVi:“小s个样甘老 !”

“无计啦...如果系姐妹,都系家姐靓D架...”

     ViVi:“哈哈哈哈! 你甘讲 ``~ 我妹听到一定嬲吖 !”

“你指SUKI啊!?"

     ViVi:“nono!唔系啵！系我个亲妹吖!我同suki似样咩 ?”

我：“亲生架?正啊!似你吗?”

     ViVi:“细我几年!”

我：“我都系觉得家姐会靓过妹咯!我识过甘多对姐妹都系甘!!你睇下人地2R!好明显个家姐靓D”

     ViVi:“系阿!卫兰 ``!!”

“ViVi,你今日好靓......”

     ViVi:“系咩，多谢！”

“可唔可以，介绍你个妹妹比我识...”

     ViVi:“吓！？点解啊？”

“如果唔可以同家姐一齐，识左她个妹都好咯...”我系度自言自语，根本就是自我安慰，越讲越细声，都最后，连我自己都听唔清楚.....

     ViVi，她开始唔出声喇，只系默默地听住我讲，连我自己都唔知道我讲紧咩，既说话......

突然间,ViVi眼定定，望住我。

呢个过程,变得好长好长......初中我暗恋果个女仔,在我地最后见面果一日，她望我既眼神......而果个女仔个样，已经离我越来越远.......在我面前既人，又变返ViVi......突然间，一瞬间,就只得瞬间,我好似见到VIVI以后个样,她变左样，无染发,头发拉直左,无画眼影，但眼睫毛仲系甘长,ViVi变得...变得似一个好乖既女仔，她结左婚啦？

呢一刻，想望真下ViVi，我避开左ViVi既眼神，只系好执着甘拖住她只手......

无信心加入三角恋里面,系唔想有更多既烦恼？唔系！系我自己好惊，好惊等我深深爱上ViVi之后，失去她既人，是我。

“ViVi，可唔可以，做我女朋友”

呢句说话，上次对ViVi讲过一次，今日想讲，但已经讲唔出口，我知道就算讲出口，都收唔到ViVi肯定既答复。

送ViVi去车站...最后，锡左ViVi一啖，只系锡她个额头,锡左落她前面D头发度......

“BYE-BYE！”ViVi上左车之后，向我轻轻挥下手，她终始都系甘可爱......

问自己系好爱ViVi咩,就算自己话系,但有咩根据? 我地识左唔耐,我地从来未正式开始过,但,我真系好想同ViVi一齐。

    ViVi, 我知道,终有一日,你会从我既记忆里面,变得模糊,以后,我会唔会忘记左你喇? 但在呢一刻,我真系唔想去忘记你
呢几个月唔算长，我记得，未识到ViVi果阵，打的去北京路，及下她在唔在间店度，点知唔见ViVi，返去果阵又截唔到的士，要等公交！以前得一个钟吃饭时间，所以搞到迟到要补钟......真系傻。

夜喇，个天开始暗落来喇......

    ViVi，我想记住你,记住你既笑容,你卷发既颜色,你长既眼睫毛,浅蓝色既眼影......

可能只是短时间，但我曾经真的，喜欢你，

好想有一个好似你既女朋友......

会唔会现见到你呢？但依家，我在心里面,对你讲:

再见啦,ViVi。
                                                                                                                            -----------Ending

                                                                                                                            Thank You All!

寂寞

So long to see,Pls cut down it,just my feeling.

假面ポん佬で

龙船装狗屎

yaohu

太长，
一目百行，
不知所云，看完

destiny

将近两万字，蛮感人的说。

晴晴

不是阿乐自己写的吗..........