|
|
楼主 |
发表于 2006-8-26 04:08
|
显示全部楼层
25
“对唔住……”除佐讲对唔住，我真系唔知我仲可以讲乜，一直以来，口口声声话要保护俱，但伤害俱最多既人竟系我。
电话中既bobo，听佐我句对唔住之后，就收佐线，我谂，俱需要既系冷静，我已经唔敢奢望俱会见我了。
唔想返去，唔想再猜疑我同俱之间既问题，膝头好痛，个头又开始痛，拉高裤脚，沙布有血渗佐出来，望佐下周围，无门诊之类既野，广州唔系门诊多既咩，一间都无？想重新包过个伤口，但又怕等阵bobo会出来见我。我顶住痛，起俱学校门口稳个地方坐底佐，放平只脚由得俱流，谂住流下流下会唔流，应该会无乜事。
过佐一个钟，bobo仲未来见我，哩一次，我知俱唔会再见我了。个心好痛，头好痛，口好干，摸佐下额头，我谂我有小小发烧。唔理得甘多，继续等，以为奇迹会出现，但再过半个钟，依然见唔到bobo。成十二点了，个天开始落雨，早唔落迟唔落，而家先来落，东莞一连落佐几日雨无停，原来广州都好唔得去边。
爬起身，行佐入附近士多店，个老板娘见我成身湿晒，罗佐包纸币俾我，膝头上既伤口发滚，好热，我问个老板娘附近有无门疹、药店之类，个老板娘见我膝头流晒血，就叫佐俱个仔帮我用沙布重新包过一次。
“我建议你去睇下医生，哩D 天气，好容易发烧，一发烧对个伤口唔好既。你屋企边到呢？快返学校啦，附近无医院既，学校到应该有既。个老板娘好热心。
“唔使了，我唔系本校生，我东莞既。”
“哦，甘啊！”老板娘哦佐声，就罗佐几粒退烧药同热茶俾我，叫我食佐先。仲叫我快D 返东莞。
返东莞？唔返，甘辛苦来到，唔想就甘返去。
而且，bobo未出来。
我再次响俱电话，俱无接。个心冷晒。试问，俱对我狠心，我可以怪边个？
已经12点几了，雨似乎无停既迹象，隔住雨望住俱学校门口，见到有个女仔单仔把者出来，系俱，系bobo。
我已经唔 顾得甘多，拖住岩包好既脚，走过去。
“bobo……”或者俱都估唔 到我仲起到，好意外甘望住我。
“你唔 系走佐既了咩？做乜仲唔 走啊？你快返去啦！”俱无行埋来，离我米几远。
“我无走啊，你未出来，我唔 走。”原来俱以为我走佐。
“甘你而家快走啦。”依然好冷淡。
“你都肯出来了，证明你系关心我既。大家倾下好无？吓？”我求俱。
“我路过既咋，我无出来见你，你唔 好误会！”俱拧转面，成脸既不满。
“我认我死要面，我认我大男人，我认我衰，我认我衰自尊心强，我认我无用，但你唔 好学我呢！”我继续讲，“唔 通，我地真系就甘结束了咩？你唔觉得我地之间有太多既误会了？”
“系哦，你知你自己死要面了咩？就因为你既性格，一直企起想放弃与坚持之间，我一个人撑起二个人既爱情觉得好累哦，你知唔 知，当你想放弃既时候，我跌落地狱，你肯定甘话俾我知，话以后会改既时候，我又飞上天堂，我一次又一次甘期待你对我地之间有信心，我以为我已经俾到足够既信心你了，我以为你feel到既了，但系，因为我屋企人既说话，你就要放弃，因为睇到我同四眼仔一齐，你就要放弃，如果，我以后再同其它人一齐行，你系唔 系又要放弃了？我屋企人再唔 认同你，你系唔 系就打算就甘算了？”bobo越讲越激动，俱再一次喊，喊得好伤心。而我，无言以对。
脸流过既唔 知系泪水定系雨水，但感觉好热。
个头好痛，膝头好痛，手掌好痛，对眼好热，而我确实伤得俱太重了。完全唔 理俱感受。我谂我无资格爱人，无资料被爱。
望住俱痛苦甘喊，我晕佐过去。
26
之后发生咩事，记得唔系好清，俱打电话，之后有几个男仔扶佐我去学校既医务室，训起到，又打针，又包杂伤口，迷迷湖湖醒返之后已经系下午二点几，bobo起出面，隔着窗背对住我。唔 知俱做紧乜，我爬返起身，坐起到，望住俱个背景，突然之间觉得二个人既距离好远，系我离俱远定系俱离我无？唔 知，反正，有一层隔莫，就好似隔着既哩一道墙哩一块玻璃，令我觉得我已经唔再可以走近俱。睇得清却摸唔 到。
发佐阵呆，我试着落床走过去。
“我无乜事了！”
俱唔 知我醒佐，听到我把声好突然甘转过头来，嗯佐声。
“我地去果个亭到坐下好无？”我试着问，有D 野要解决既除早都要解决。
“好。”好意外，俱竟然同意佐。
雨停佐了，我地再一次来到第一次约会既地方，我坐底，正烦紧点开口既时候，俱开始讲野，
“点整成甘既？”俱问我个伤。
“片车。”我 答。
“嗯。”俱嗯佐声之后，大家都沉默了。
“我地……好像永远都有解决唔 到既问题甘。”我试着先开口。
“嗯。”俱再嗯。
“你可唔 要以讲下，你睇佐我写既故事之后既感受俾我听？”我再问，我想了解，当俱知道我当初选择放弃既原因之后，有乜谂法。
“嬲、无耐。”俱开始眼红了。同我一齐，离唔 开俱既系我俾俱既眼泪。
“嬲乜野？”
“你让我觉得，只系得我一个人。”吸鼻。
“点样得一个人？”
“我知我误会你同果个lie有野系唔岩，无俾机会你解释系唔岩，但你就睇到我同四眼哥哥坐起哩到，睇住我跟俱上车就认为我同俱一齐就系你唔岩。”越讲个头放得越底。
“你自卑，自卑你自己只系得架豪迈仔，自卑自己只系专科生，自卑自己无份好工，你由一开始就自卑了，我已经表态得好清楚了，你所谓既豪迈仔、专科生、未稳到好工，我有无介意，或者我爸同你讲个翻说话，系俱唔岩，俱只系担心我者，甘你米用行动去慢慢证明罗，你从来无同我讲过，我基本唔知发生咩事，你就一味自己同自己讲，系唔系所有男仔都一样，都唔钟意同自己女朋友分享认为唔光彩唔开心既事既？你一个人拍拖得了，唔使稳我啦。你左手同右手玩得了，唔使理我既存在了。”再吸鼻，泪水滴起俱既手背上，好想去揽住俱，但我无甘做。因为，我唔配。
“爱一个人，单系爱唔够既，我地之间缺少沟通啊，我无怪过你电话少佐，无怪你少陪我，我知你做野辛苦，所以我只系默默甘支持你，你话我同你讲既野少佐，或者系，果时就来毕业，要实习了，我好担心自己既前途，但你从来都问过我哩方面既野，你上来稳我，次次都失惊无神走上来，我系好意外啊，系好开心啊，惊喜啊，但系，你就系自把自为，都唔问过我既。你有无觉得，二个人既恋爱，变成佐你一个人既恋爱？你爱得累，我爱得又好爱，我而家先知，有阵时，原来被爱都系一种罪。”
“对唔住啊。”我明白晒了，我俾到俱既只系无尽既痛苦。即使再爱一个人，俾唔到爱既幸福感觉对方，只会让对方更辛苦。原来我唔岩俱。
“甘无耐呢？”我再问，我想知。
“你唔了解我，宝马又点，我坐得唔舒服啊，我钟意兜风啊，唔钟意受约束，你又唔知，一相情愿甘认为我钟意宝马，钟意有钱，钟意靓仔。你话‘当系俾D 时间我又系，俾D 时间大家又好，你愿唔愿意等我？我会俾心机做野，再稳你。’之后呢？半年了，半年你无稳过我啊。我手机号码换佐了，你都唔知啊。”
“对唔住啊。”唯一可以讲既都只有哩一句了。
27
“你知唔知我几时换佐手机号码啊？”俱望住我问。
“唔知。”
“我生日果日。”俱停佐停，“等佐你好耐电话，我以为你会俾电话我既。结果你无。我对你彻底失望，我同自己讲唔会再对你抱有任何既希望了，因为我唔想再受伤了。”俱继续哭。
“bobo，对唔住。如果俾你拣多次，你会唔会再选择同我一齐了？”我细声甘问，再讲太多都无用了。我既唔坚强，我既自卑，伤佐俱一次又一次。
“我可唔可以自私返一次？”bobo望住我，吸住鼻水。俱对眼喊到肿晒。
我明白了，我望住俱，唔再讲野，俱俾佐答案我了。
“你会恨我？”我再问，心唔再痛，但眼框好热。
俱再次望住我，无讲野。一滴泪唔小心又由俱对眼到流佐出来。
“我好似一事无成哦。”
“你唔系一事无成，你系太过要自尊。”
“对唔住。”
“对唔住讲佐之后，你会再讲对唔住，你唔会谂自己做错乜野，唔会去要求自己唔好再错一次。你可以奢侈甘对我讲对唔住，但就唔会同你自己讲，哩个就系你。”bobo突然之间企起身，“或者，我地分手，大家都会好过D 。我既存在唔会俾到动力你，只会一次又一次甘让你觉得自己无用，只会更自卑。而你，只会让我觉得更孤单。”bobo唔 再喊，讲哩翻话既时候好平静。
“嗯，对……”想讲对唔住，我即时收返，“希望你以后会幸福。”我同样企起身，虽然膝头好痛，手掌好痛，但头唔 再痛了。
“多谢，我送你去坐车。”俱行出佐亭仔，快5点几了，系时候返东莞。
俱送到我去车站，陪我买埋车票。期间，我地一句话都无讲到，只系默默甘一齐行。
等我上佐车之后，俱隔住玻璃窗对住我笑，挥手。
而我可以做既系挥手微笑。
返到屋企，成七点。我上Q，半年来第一次见到俱都在线，我主动同俱打招呼。
唔 再叫俱细猪，唔 再叫俱bobo,
(2006-05-28 19:18:01) 追★忆
我返到来了，影佐毕业相未啊？
(2006-05-28 19:18:46) bo儿
未呢。
(2006-05-28 19:19:02) 追★忆
几时返来？请你食饭。
(2006-05-28 19:19:17) bo儿
甘样，去边到先。
(2006-05-28 19:19:25) 追★忆
你想去边到，带你去罗。
(2006-05-28 19:20:00) bo儿
真唔真？
(2006-05-28 19:20:11) bo儿
想食瘦尸哦
(2006-05-28 19:20:20) 追★忆
好鬼好食，食起你生野。
(2006-05-28 19:20:49) bo儿
生就生罗，好过有人有得睇无得食啊。
(2006-05-28 19:21:21) 追★忆
鬼唔望你食到好似D 日 本妹甘又肥又矮又生虎牙
(2006-05-28 19:22:01) bo儿
车，有得食，生乜都无所谓啦。
(2006-05-28 19:32:12) 追★忆
宝，我地以后保持联系，我唔想无佐你既消息。
(2006-05-28 20:12:01) bo儿
嗯。
(2006-05-28 20:12:12) 追★忆
(2006-05-28 20:13:11) bo儿
^
^
^
^
^
^
故事完，唔 会再出续集既了。
大家对个结局系唔 系好意外？唔 好稳转头车我。仲有，片车无工伤补既。
由5月28号之后到而家，我地差唔 多晚晚倾Q ，有时仲会倾电话，但感觉已经唔 同佐，唔再亲密，唔 再要求对方为自己改变，唔 再刻意等对方电话，我地一齐食过一次瘦尸，坐过一次小站，倾过好多野，但相方清楚知道唔 会再有其它既发展，我好开心，完佐既恋情可以变成友情。
希望俱身体健康，肥返十斤八斤，即使俱话会肥到只猪甘，我都依然认为俱系最靓既。
真系唔 好用转头车我，我觉得同俱做得返朋友，好开心，远比做情侣开心。 |
|
IP卡
狗仔卡
发表于 2006-8-25 20:40
显身卡
