追忆过去，我后悔<66仔同bobo故事>

寻人启事

依家吾使寻人啦,因为揾到女主角啦,个作者都发咗续集啦!!

嘻嘻,想睇续集第三页到啦!!

故事开始了！！！请大家专心的去听！！！
01

我今年25岁，其实系24，不过过佐今年生日就正式踏入25既了。

我个人比较高傲，朋友唔多，知心既只有几个，一个由细玩到大既阿lo ,另一个系而家大学识既jie，lo同埋阿jie都系东莞既，因为我既关系，jie都识佐lo，我地三个一有时间经常出去玩，玩，唔系出去蒲果种，唔怕讲句，我地三个都几正经既，行山、行街、行书店、去机铺…… 就系唔去酒吧埔既果D 人来既0，但我唔钟意同陌生人讲野。


04年署假，阿jie识佐个女仔之后，就经常爽约。我同lo二个人去玩又觉得无乜意思，所以成个署假大部份时间，我都系起屋企过。


果阵，无聊聊都会上下东聊，起网到识佐一个女仔，我起哩到叫俱做bobo，俱个人好得 意，几可爱，后来加佐俱Q ，原来俱同我系同一个镇既。


识佐俱之后，同俱倾过好多次计，有时觉得俱几天真，我讲既野信到十足，开头既时候，我话我今年30，俱又会好客气甘叫声我阿叔，我话我系做司机既，做野好累，俱又会叫我哩个阿叔去进修，学下其它野，唔好放弃。有阵时仲会同我分享俱屋企既野同埋身边既野，有乜烦恼就会来请教我哩个阿叔，觉得俱个人都几容易相处，但系，直觉觉得甘既女仔好容易俾人呃。因为俱都几单纯。

同俱相处好轻松，久而久之，我都变得好钟意同俱倾计，整个署假，我都系起网到陪俱度过既。当然，之前呃俱话我30、系做司机哩D ，最后因为同俱倾得多，都坦白讲佐俾俱知我既真实年0同埋身份。

讲佐甘多，起哩到介绍下bobo先，
bobo,细我三年，起04年既时候岩20岁。但就同我一样读紧大二，俱系广工，我系理工，俱读书罗奖学金，我读书俾训导主任批评话我训觉，高中俱成绩排级前几名，我就重读一年先考到。我唔系睇唔起自己，但都觉得自己配俱唔起。

所以，一直都只系同俱保持朋友关系。

直到有一日……

02

好记得哩一日系9月2号，bobo话俱大学既学生会长叫俱做俱女朋友，俱问我应该点做好。

我当时定起到，谂唔到野。又系既，一个甘优秀既女仔，虽然唔算大美人，但都系清纯可爱型，哩类型既女仔通常追既人都好多。
我唔知点俾意见俱，因为我甘大个仔只系拍过一次拖，半年就衰佐，理由系我少陪俱。从此之后，我就觉得拍拖好麻烦，好晒时间。所以，自之前一次拍拖之后我都无拖过，应该有三年无拖过。

问我感情既野哦，直头系白痴。但我就直觉唔钟意有人追俱。

我同bobo讲，叫俱唔好拍拖，我话读书紧要，又话俱仲细，坏人多，容易俾人呃等等……总之就系想尽办法叫俱唔好拍。

俱都好听我意见，话打S 都唔拍。
当日俱就拒绝佐个学生会会长。巴之闭，学生会长又点样。哼。当时我好嬲。不过无表现出来，总之bobo话唔同俱拍拖我就好开心。

3号，我去佐我阿叔到，返来又夜无上到网，4号又停电，5号上网既时候，收到俱好多既留言，俱话个学生会长到处同人讲话俱系俱女朋友。而家唔知点算。问我点做好。仲复佐好多俱同第二个同学既聊天记录俾我睇，原来个变态学生会长真系到处同人讲话bobo系俱女朋友，搞到俱D 同学仲向俱求证，问系唔系事实。

果时bobo未返学校既，俱话俱8号先正式上课，同我一样，仲可以玩多几日。

我就即时复俱，问俱罗电话号码，话打话电话俾俱，救俱点做。

可惜，俱一直都无上。

唔知系俱无上，定系无复我。

而我只好一直起到等……

一直到俱返学前一日，都无收到俱信息。

9号，我都返学了，网线未拉，想上网都难。

03理工办事效率劲差，申请佐拉线，拉佐足足一个星期先拉到。

咋咋淋上网睇下bobo有无复我。

一打开个Q，全部信息都系俱发既，一直响佐成十分钟先停。

我好认真甘继条继条睇完，bobo话俱已经返佐学校，个学生会长到处传俱同俱拍拖，本来系宣传部长既俱，都因为顶个会长唔顺辞佐职，但学生会唔批，老师更加唔批。而家俱都唔敢出门，无课上既话就哩埋宿舍睇书。

宣传活动都交俾个副部长来搞。

仲问我做乜唔上网稳俱。

留佐个宿舍电话俾我：020877292xx（最后二个号码唔讲你地知）

我睇到个电话号码，起到谂紧，打好唔打好呢？

晚上，jie又去佐陪女，宿舍D 佬个个打机打到入晒脑。

我就起到发呆，望住个电话号码真系好想俾电话俱，但又唔知好唔好打。

毕竟我地只系普通既网上朋友。

后来隔离宿舍条佬走来问我借电话用，话想打电话俾条女，自己宿舍既电话湿鬼佐。

见俱倾得甘开心，我就继续起到发呆，大概半个钟之后，条佬就UP 佐线了，走过来同我讲话而家打电话真系平，201卡邦定个亲情号码真系有排讲，仲问我要唔要201卡，顺手扔佐一张俾我。50蚊既。

等俱走佐之后，我就真系乜都无谂，搬通佐bobo个号码，电话另一边传来把女仔声，突然之间醒唔起要稳边个，就硬住话稳bobo，点知个女仔话等阵。

心跳加速，估唔到俱真名又叫bobo……

之后听到把类似未训醒既声，好性感，好好听。

“喂……”

“乜你上网都用真名架，唔俾人呃你至奇哦！”

“啊？……”依然未训醒。

俱啊一声，我都变得唔识俾反应，唯有电话二头都沉默……

[ 本帖最后由 寻人启事 于 2006-8-26 04:05 编辑 ]

寻人启事

04

“阿叔？”大家沉默佐N 分钟之后，电话另一边既俱好惊奇甘叫佐出来。

“仲系阿叔啊，无30岁架……”之后，我地二个好似平时上Q 甘倾，倾得好开心。

开心既时间真系过得特别快，足足同bobo倾佐成粒钟，我都系第一次同一个女仔倾甘久，真系倾到耳仔都红埋。

倾乜？唔记得罗，天南地北，乜都倾，俱话我大俱三岁，以后都叫我大叔。

我讲俱唔过，唯有俱叫乜我应乜。

收线既时候，俱问我几时再打电话俾俱，我话睇心情。

俱咯咯甘笑，话甘到时俱都要睇心情睇过听唔听哦。

俱口材好得，呃女，电话中既俱，觉得比较理性，唔同得起网到，成个细路女，但都有大头虾既一面。

之后既日子里面，我都会一个星期俾一次电话俱。

有一次，倾下倾下系统话得返一分钟既通话时间，靠，张卡无钱。

后来，我用手机打返俾俱，俱问我手机号码，仲倾到成十一点，俱话要训，我地先收线。

收线无耐就收到俱既信息，“大叔，哩个我号码，发信息唔先钱，讲电话好贵，以后唔好讲甘多啦！”

果晚，就复信息，我地都复到成点几二点。

直到罗到俱手机号码，我同俱已经系识佐四个月之后了。

我知我自己对俱有D 野既，俱活泼既性格似乎都慢慢甘影响住我。

起识佐俱四个月后既第一个星期六晚，俱发信息俾我，问我可唔要以帮俱一个忙，我话你讲啦，之后俱话个会长好烦，想我扮俱男朋友一次，个会长可能会打电话俾我，叫我认住先，话以后请我食饭。

一直都有听俱讲开个变态会长自恋得有D 痴线既了，我紧系话好啦。

过佐二日真系收到广州打来既电话，个佬好恶甘问我同bobo系咩野关系，我就好恶甘同俱讲，叫俱以后唔好烦住我女朋友。叫俱滚完D 。

个佬讲佐一大堆唔知乜野，又话唔信，又话唔会甘容易放弃之类既野。

我当俱傻既，反正一直以来我都当俱傻既。

后来，bobo同我讲返，话个会长走上宿舍问D 人，问俱系唔系最近经常讲电话，俱宿舍D 人话系，仲讲得好开心。个会长就头得得甘走佐。

我谂俱应该唔会再烦住bobo了。

05

自此之后个乜乜会长应该再无稳过bobo，因为bobo无再同我提起俱了。

但为佐继续唔使俱俾人烦，我由一个星期一个电话变成二日或者三日，又或者想打既时候就打。慢慢，我地既话题多佐。

bobo讲佐好多俱学校既野俾我听，真系好精彩，而我，老实讲，唔使补考已经算系万幸之中既万幸。

好似俱甘优秀既女仔，我边配得起俱？系，我对自己无信心，一个以前完全唔在乎其它人眼光既我慢慢在乎俱对我既睇法。

我变得积极佐，参加佐院校既乜乜证考试，谂住多一个证傍身，将来稳野做都易D 。

lo同埋jie有留意到我既变化，个个呆晒眼，问过我几次，我都算系有提过下bobo既存在，但无提过系乜野关系，因为事实上，我同俱都只系网友关系，俱仲叫我做阿叔。连我正名都无叫过，虽然俱知我正名。但一次都无，事问我有咩资格同俱地二个讲bobo系我乜人？

04年11月中，学校有个校院篮球比赛，我班好辛苦先打入决赛，我系中峰。

起比赛前二日，我同bobo讲，话17号我要比赛呢，挣冠军哦。

俱问我着几号球衣，我讲佐俾俱听，俱话返来睇我比赛，问我好无。

我紧话唔好啦，俾俱睇到我个样，好怪既，我话，“你要返学哦。”俱哦佐一声之后我地就转佐话题。

之后二日我都无俾电话俱，信息都无。因为好忙。

17号到佐了，早上九点开始。我真系无谂过会有人来捧场睇我比赛，但果日，我好记得，起我入佐一球二分球之后，有人好大声甘叫佐声，“阿叔，你好得啊！”

我呆佐，起球场到呆佐，系俱把声，周围望，但我唔知边个系俱。

我唯有继续打，但即使再有入球，都没再听到俱把声了，最后四分之差，我地输佐。

比赛完之后，我好急住稳手机，因为我要知道俱而家到底起边到。

我罗到手机，原来俱有发信息过来，俱话，阿叔，你要俾心机打。

我无复，直觉觉得俱附近。就直接拨佐俱既号码。

“我难过的是忘了你 忘了爱 尽全力 忘记我们 真心相爱……”系5566的歌……

俱离我好近。

06

我望返后面，一个细细粒既女仔（对我来讲俱算细粒了，我178，俱大概158到），长大发过佐肩，皮肤好白好白，望住我笑咯咯……

“阿叔。”俱笑笑口甘叫佐我一声，递佐支水俾我。

我接过支水，望佐俱好久，唔识得俾反应，我个人就系甘，钟意发呆，望俱既时候更加只会让我发呆。

俱着住件白色衫显得更架白，比平时视频睇落仲要瘦，我问俱，“你无饭食架？甘瘦架？”

可能俱估唔到我会甘同俱讲，俱块脸红晒。

之后，我同俱一齐去食饭，本来打算带个去东城据扒既，点知俱话想去食煲仔饭，仲指定要去学校对面街果间，我好晕。估唔到第一次同俱食饭系食五蚊甘煲仔饭，更加估唔到既，哩餐系俱请。俱话要报答我帮俱搞电个会长，特灯返来请我食既。

对住俱有时真系无晒办法。

食完饭，我问俱想去边，俱话想周围行下。

跟住就只好带住俱当佐下学校，唉，一入门口就撞到jie同俱女朋友，俱女朋友好似发现新大陆甘，发晒青光望住我同bobo，“你就系bobo啊？”，jie只S 仔仲激气，“阿大，有眼光卜！”。

我晕，解释都晒气，成身兴晒。俱块脸，好红，哈。

jie话佐句有眼光之后,俱女朋友即时都拉俱走。

得返我同俱，大眼望细眼。

算，唯有顶硬上。

我带俱去佐我宿舍楼下，同埋我经常打球既地方。

一路得个行字，大家都唔出声。

最后来到小卖部，我问俱食雪糕无，俱落一落头表示食但无讲野，我地就甘起小买部到坐，坐到我饮佐三支水，俱食佐三个雪糕之后，俱终于顶唔顺，肯开口讲野话唔食，我地对望，咔咔甘笑，之前尴尬因为我饮水俱食雪糕最后都一扫而空。

我无问俱点解无拉拉走返来，无问俱要唔要上课，我地又好似之前起Q 到甘乱讲一通。

时间又过得好快，下午5点左右，我话送俱返屋企，点知俱话送俱去车站得了。原来，俱听日仲有课。

寻人启事

07

04年11月17号，永远记得哩一日，我同俱第一次见面既日子，起认识佐五个月后，我地见过面了。

果晚俱返到广州之后主动发信息俾我话，“我返到来了，阿叔。”

阿叔……阿叔……系，俱依然叫我阿叔。

我复俱，“细路女以后唔好甘任性。”

俱发佐微笑既附号过来，之后就话要冲凉训觉。俱当时返到学校都成十点几十一点了。

之后一个星期，我都无俾电话俱，我唔知点解，我唔敢俾电话俱。

直到下个星期既星期五，唔记得几号了，俱发信息来话哩个星期返屋企，问我星期六得唔得陪俱去电脑城，之前有话过等俱返来陪俱去电脑城装返部新主机。

我好爽快甘答应佐，期待又有D唔知点样既感觉。

结果果晚失眠，哈，真系唔敢相信。我谂我真系钟意佐俱了。

第二日朝早，我好早就俾俱叫醒，俱9点就起东日一期正门到等我，而我9点半先到，迟到半个钟，俱好嬲，一见到我就拧我耳仔，我牛高马大俱都敢拧我，如果俾lo、jie俱地见到直头笑懵俱地有份。

请俱食早餐陪罪之后同俱装佐部主机，2200几，差唔多哩个数。

仲帮俱装埋送佐俱返屋企。

俱话好开心，有新电脑用，成个下午都笑咯咯，原来望住自己钟意既人笑系一种幸福。

返到宿舍之后，jie S望住我 ，“春光满脸，得啦你！”

我话无野发生。但系，哩一日真系好开心。

冲完凉出来，望下部手机，收到俱既短讯，“俾D 时间我考虑下！”

啊？咩回事？咩时间？考虑咩野？一连串问号搞到我头柠柠，jie坐起一二边咔 咔 甘笑。

我再睇返发送记录，发懵，jie用我既手机发佐条信息俾俱，“其实我一直都好钟意你，做我女朋友啦，好吗？”

好晕……今次唔知点收科。

个S jie。


08

俱话考虑下，我一D 都唔紧张，因为我知道bobo唔会拣我甘既人。

我24啦，唔细了，唔系20细D 细路仔，对于感情唔敢俾太多既承诺。更何况，我而家乜都无。我专科，俱本科。或者我大男人啦，仲S 要脸，系，我事实上系好大男人。

正因为我无谂过俱会拣我，所以从来都无期望过，但系始终怕听到俱拒绝既答案。更怕以后朋友唔知有无得做。不过怕来都无用既。要来既始终要来既。

跟住来既哩个星期，只系俾过一次电话俱，晚上9点，俱宿舍D 人话俱去佐图书馆，未返。叫我迟D 再打来，但我无打到。

识俱甘久都未听过俱去图书馆睇书既。避开我唔顶罗。

jie见我无晒瘾，周不时聊我去打球，打球？依然都系觉得无瘾。

跟住好颓废甘过佐一个礼8。

到12月啦，天气开始有D 冻，有晚，收到俱既信息，俱话想听我把声，问我宿舍咩电话。我即时打返过去，俱好兴奋甘同我讲话俱过佐专四，第一时间要讲我听。

我都好登俱开心，跟住，俱就问我系唔系打过电话稳俱，之后又无打多一次。我S 口唔认，俱有D 嬲，“你都唔重示我，我唔敢俾机会你哦！”

电话到既我只好沉默，我问俱，我应该点做？

点知，俱好无心机甘讲佐句，“无野啦！”就吸佐我电话。

电话传来既DODO声一直响，果晚我又失眠。

由俱吸佐线既果一刻起，个心开始痛。

跟住来既一个星期，我晚晚都有俾电话俱，我唔知点解，打亲去，俱宿舍D 人都话俱唔起到，唔系去佐图书馆就系出佐去买野，俱地每次都会叫我迟D 再打，但我无一次敢打。

真系可笑，有勇气打第一次，就无勇气打第二次。

直到我第七次打俱宿舍电话之后，接既人终于系俱了。

俱扮到无野甘继续同我有倾有讲，但我就心不在言，俱问我乜，我只系答俱哦，啊，吓？之类既野，最后俱都好无心机甘话要收线。

我个心又扯住扯住痛，点解我会甘既呢？明明钟意对方却唔敢讲出口。

起俱收线既果一刻，我对住个电话讲，“其实我好钟意你。”

以为俱听唔到，点知俱罗起个电话，“舍得讲啦？”

仲咯咯甘笑……晕，真系无晒俱办法。

09

跟住我地二个点？嘻，系，我地起埋一齐了。

头一个星期，我过去陪俱，俱带我去北京路，撞人坊，行街食野睇戏，普通情侣既拍拖过程，虽然好累，但系，我地好sweet。永远都有讲唔完既话题。

跟住，俱二个星期返来一次，我就二个星期上去广州陪俱一次。

lo、jie都话我变佐，变得好开朗，原来钟意一个人，系会将自己改变。而我都好开心俱改变佐我。

时间过得好快，学期考试了，我地尽量减少讲电话既时间用来复习，无耐我地都考完试，俱就返佐来。

相隔二地既二个人终于可以真真正正甘起埋一齐。

我无再谂我衬唔衬得起俱，因为俱话一齐最紧要开心。

面包将来会有既，在乎既只系二个人起埋一齐既感觉。

我都答应俱毕业之后要俾心机做野，挣钱养老婆。（05年7月我就正式毕业了）听到我甘讲，俱都会起到傻笑半日。

过年既时候，我带佐俱返屋企，阿爸话未毕业就拍拖，开头既时候就唔系几钟意，但bobo系个细心既女仔，又讨人钟意，无耐屋企人都接受佐俱，仲叫我多D 带俱返屋企食饭，我真系觉得我地既将来一定会好幸福，因为我地既爱情得到屋企人既认同。

俱有话过带我返俱屋企，但我谂住俱仲细，而我未有事业，想有一定既经济基础之后先跟俱返去。相信大多数男仔都会认同我既谂法，而bobo 俱都好通情达理甘同意佐。

有钟意既人相伴，真系每日都新鲜，但系，万万无谂到，我自以为好既感情起对方唔能互相信任之下出现问题。

寻人启事

10

我同俱之间发生咩野事呢？

系甘既，放完假之后，俱就返学校了，而我就实习出来稳野做，稳野做真系好难，由其系起东莞哩个地方，无人事，无经历，再有实力都系好难稳到好工既，我读既系计机，当然想稳返讯息方面既工作，稳佐二个几月一直都无稳到，bobo一直鼓励我，叫我唔好灰心，慢慢来。但系，哩D 野，边有话唔急既。

更何况，我同我自己讲一定要尽快稳到野做，挣钱，甘先可以起将来既日子里面俾到好既生活俱，为佐我地既将来，我真系好努力。

我仲打算，等俱毕业，我挣够钱就要向俱求婚。只可惜，世事往往都系出乎人意料之外既，仲系期望得越高失望就会越大。

4月19号，系俱生日，工未稳到，但都好想上广州陪俱一齐过生日。于是，我无话俾俱听，自己一个人神早就落佐广州，仲订佐个蛋糕仔，买佐条手链谂住同俱过生日，点知，当我去到俱学校门口既时候，竟然见到俱同另一个男仔一齐行佐出校门口，仲有讲有笑，俱近视，但唔钟意戴眼镜，所以，俱望我唔到。

我无跟住俱，因为我相信俱，而且俱地二个行得唔埋，一睇就知唔系情侣。

我起俱校门口对面既小买部等，当时系11点半，我一直等，等俱返来。

但等到1点半，先见到俱返来，系一个人返来既。

我好大声甘叫俱个名，“bobo！”

俱转过头来，见到我，飞甘捕埋我到，睇得出俱好开心同埋好惊喜。

俱拖住我入佐学校，带我去俱经常去既地方，最后我地拣佐个亭仔坐底。我拖住俱只手唱生日歌，永远记得哩一日。

俱头靠起我肩头到，静静甘听我唱完，之后一齐吹蜡烛一齐切蛋糕。

我将条链戴入俱只手到，好衬，俱好白，戴乜都好睇。

食完之后，都差唔多四点了，我系时间返去东莞了。好唔舍得。但都要走。

走既时候，我问俱朝早去佐边到，去到甘迟先返既？

俱无望住我，就话一个人出去佐买野。

我问俱，“你买既野呢？”

俱吱吱唔唔，唔佐好久先话后来无买到所以返佐来。

我直觉俱讲大话，俱唔识得讲大话既，一讲就会脸红，虽然俱扮到无野，但我就系直觉俱讲大话。

但我无出声，俱送佐我出校门，我就自己一个人走佐。

走既时候，岩好撞到早上同bobo一齐出去既男仔，俱手到拧住个蛋糕，我谂大概系同bobo庆祝。

第一次，以有D 伤心，心痛既心情离开俱既学校。

11

7点几返到屋企，好想俾电话俱，但系唔敢俾，我谂俱今晚应该唔得闲既了。

10左右收到俱信息，“你返到去未呢？做乜唔发个信息俾我？我唔知你返到去未，好担心既，你而家起边呢？猪猪，复我。”

我话我返到啦，起屋企。

于是屋企既电话响，我接佐。

系俱打来，“猪，你返到屋企俾个信息我哦，人担心你既！”俱果边好吵，应该未返宿舍，可能D 同学同俱庆祝紧挂。

我好无心机甘哦佐一哦，俱就问我做乜啊？

我依然无出声，我个人就系甘样，遇到唔开心既野就钟意收埋，宁愿唔发表任何野，应该系属于唔肯面对现实既果种人。

俱终于发觉我有D 唔对路，“大猪，做乜呢？你唔舒服啊？”

唔好睇我牛高马大，我唔坐得车既。次次上广州稳俱返来都会晕几日。

我终于忍唔住了，问俱，“你起边到啊？甘吵既？D 人同你庆祝生日啊？”

俱话，“我起学校舞厅，班主任同我同一日生日呢，而家同俱庆祝紧，不过D 人唔 知我都系今日生日哦，俱地玩得好癫呢。”

我又系哦佐一声，信好唔 信好呢？唉……

bobo可能见我无乜反应，就叫我早D 训，因为电话另一头听到有男仔声叫俱过去切蛋糕。

我同俱讲佐句生日快乐同埋叫俱返到宿舍俾个信息我之后就收佐线。

我应该信俱既，俱都话个班主任生日，系同老师庆祝者，我唔应该甘专制既。

俱系我女朋友，我更加要相信俱先系。

但系，最后果阵听到有人叫俱切生日蛋糕，我个心就一直都好似旧晕甘飘下飘下，定唔到。

哩一晚，我等佐俱发息俾我等佐一晚，而且再一次失眠。

12

第二日朝早，大概六点几真系觉得好累顶唔信终于训着佐，一直训到饿醒，果时已经十一点了，我望下手机，依然无收到俱既信息。

俱寻晚返来都唔复个信息俾我报个平安。

等到十二点既时间，俱应该返佐宿舍，我俾佐个电话俱，俱宿舍D 人话俱未返，中午可能唔返来。

中午唔返？好少河见俱中午唔返既，我就问俱宿舍D 人啦，问俱做乜唔返既？俱宿舍既人话学生会中午要开会哦。

我讲佐个唔该之后收佐线。

开会？点解俱唔同我讲哩D 野既？

我开始慢慢觉得俱有野唔同我讲了，俱平时唔系甘既，好似只雀仔甘吱吱咋咋乜都讲一大餐，但寻日俱生日话自己一个人去买野结果又无买到，话同个老师庆祝生日，返宿舍又唔发个信息，加上今日既学生会会议，俱都无同我讲声。

点解既？无同我讲既？因乜事？

我回想紧最近俱既变化，但又觉得无野发生。或者真系我多心挂。

想发信息俾俱叫俱注意身体，做野还做野，要多D 休息，因为俱身体一向都唔系几好，易感冒。

但怕会影响俱开会，所以最后都发到信息俾俱。

出街食佐个饭之后，下午继续颓废。

但我个心一直都扯住扯住。唉。

下午三点左右收到俱信息，俱话俱返到来啦。

我就即时俾个电话俱，俱把声沙晒，我就问，“寻晚食佐热气野啊？把声沙晒既？等阵去买杯凉茶饮。”

俱话好。

见俱好似无乜心机甘，大概系精神唔系好好，但我又想问清楚，“寻晚几点返啊？唔发个信息俾我既？”

“寻 晚？点几哦，差D 返唔到来，后来班主任来同个舍监讲我地先入到来，谂住你训佐，怕吵醒你所以无发罗。”

原来系甘，“细猪啊，以后无论点都发个信息俾我，我见到你信息，我会训得好D 既。”我叫俱细猪既，俱叫我大猪。

“好，好累哦，寻晚夜训，今早有课，中午要开会，开到而家，我想训阵。”

见俱甘累，我都想俱早D 休息。

就收佐线，虽然个心定佐落来，但都好担心俱会因为喉咙痛又热气搞到发烧。

唉，原来爱一个人有时真系都几累，担心既野好多。

我只系想做一个细心同埋识得照顾俱既人，等俱有安全感，随时随刻都谂起我者。但估唔 到，我既过份关心会令俱觉得烦同埋话我唔 成熟。

寻人启事

13

俱生日过佐大概一个星期之后，俱就同我讲，要搞个五四青年节晚会，可能哩几晚晚上上都会好夜返，叫我唔使俾电话俱，话返到来会复信息俾我报平安，我都觉得怪既了，最近俱都好似好忙甘，无乜心机同我讲野，原来一直忙紧搞晚会既野，又系既，俱系宣传部长，晚会方面既筹划工作应该都系俱来支持既多。

我就叫俱俾心机做同埋注意身体。

跟住来既哩几日，我都好认真甘稳野做，阿爸帮我托关系稳佐份起邮局做既工，我自己就唔系好想做，毕竟话晒自己系大学毕业，下下靠关系唔系几好，而且起邮局到做既工作性质好单调既，就拒绝佐老豆，话自己去稳得了，结果因为哩件事同老豆吵佐几句，俱话稳工难，叫我做住先。

事问，岩毕业既男仔又有几个会愿意听屋企人安排啊，紧系想自己稳下既啦，而且邮局份工同我既专业一D 都唔对口，真系无乜兴趣做，无兴趣既野我一定唔会做得好，费事俱老人家到时要欠人地人情。

最后起我坚持之下，我都系无去到，我宁愿自己去人才市场稳工。

但系，只系得一份就业推荐书，自己又系白纸一张，人才市场边有公司肯请？当时都几心灰架，无晒目标架，可能因为甘样，多野谂佐。

而且成个脑都系俱，自从上次俱生日见完俱之后，就足足二个星期无见俱了，好记得有14日，第二日就系54青年节。俱要搞晚会既果一日。

都几想去稳俱睇下俱点样，就无同俱讲，俾佐个电话起广工读既一个高中同学，话想去稳俱玩，俱话好，于是，4号晚日下午，我就过佐个高中同学到，俱晚上就带佐我去睇晚会，点知，又俾我见到D 我唔应该见到既野。

又系果个男仔，又系俱。

上次见到俱地二个一齐外出，今次见到俱地二个企埋一齐睇表演，仲吱吱针，细声讲大声笑，其实都无乜野既，又无D 亲密动作，只系企得埋D 甘者。

我一直企起俱后面，离俱十米甘上下，因为俱可能仲要做野，所以唔想分心出现影响到俱。

我一直甘望住俱，俱好认真甘指挥住整个现场，一个节目完佐，D 人落晒台，俱就安排下一个节目准备上台表演。

系，俱一向系个能干既女仔，前面都有提过，俱好叻，eq、iq都高，相信将来俱一定会有一翻自己既事业。

哩个系我欣赏俱既地方，俱认真做野既时候个样真系好让人着迷。

突然之间台上既灯色佐（下面既灯无事。）

我就见企起俱隔离既男仔拖住俱只手走佐去后台，俱无甩开俱只手，由得俱拖住。

我个心突然之间冻晒。

我唔希望我见到既系真既，就摆脱人群跟佐上去，见到俱地只系起到处理点解会突然色灯既事，原来系个插座俾人踢甩佐，好快个台既灯就着返，个表演继续，bobo哩个时候想行返出来既，但系，个男仔就突然之间拖住俱只手唔放，讲佐D 乜我听唔到，因为太远了，但系我就见到bobo甩开俱只手，柠佐柠头，突底头走佐。

我应该开心既，bobo似乎系拒绝佐俱，但系都让我好担心，唉，当时，我真系好嬲自己唔可以一直都起俱身边保护俱。

俱系一个甘优秀既女仔，多人追系难免既。

于是，我既自尊心再一次受到严重既考验。

14

等个晚会完佐之后，都十一点几，我打佐个电话俾俱，俱接佐。

细猪，你今晚着住条群仔好靓哦。

“吓？你起边到啊？你来佐啊？”俱开始周围望。

见到俱眼仔碌碌甘到外望，真系好可爱。

唔忍心要俱甘辛苦稳，我收佐线，我走埋去，拍佐下俱个头。

俱好意外，咔咔甘起到笑个不停。

“喂，边有女仔好似你甘无仪态成个大笑姑婆甘架？”

“人意外嘛，惊喜啊！”，俱挽住我只手继续笑。

“正一细猪，无脑。”我唔想问俱刚才发生咩野事，而家哩一刻大家开心就得了。

起哩个时候个男仔走埋来，望住我好似好恶甘，反正我大只过俱高又高过俱，怕俱有牙，望返俱转头，俱见我唔视弱，男人之间既眼神交流之下，睇怕唔使讲都知俱最后都唔敢望我，俱望住我既bobo，问要唔要一齐去宵夜，成班工作人员一齐。

我bobo望佐我一眼话唔去了，我好开心，sweet,我bobo系我既紧系只会跟我走。

“大猪，甘你今晚训边到哦？”行下行下，俱突然之间望住我，好似好紧张甘，哈哈。

“今晚你唔俾返去，陪我！”

“吓？”俱好大反应甘吓完又嘟嘴，脸好红。

“我有个同学起广工架，今晚去俱到借宿一宵应该无问题既。”哈哈，整估俱，真系我既一大快乐事。

“大叔，你整估我！”俱捉住我只手又咬又柠。哈哈。

大家系唔系觉得我地二个相处得好夹？好sweet呢，系既，同俱一齐既哩一段时间，系我有生以来最幸福既一段时间。

差唔多成十二点，俱都好累了，忙佐几日，俱送佐我返个同学宿舍，跟住俱就返佐去。

我以为一切都会回复返平静。

其实而家谂返转头，只怪我自己当时太过冲动。

件事系甘既，我返到宿舍之后，又撞到刚才起晚会到果个男仔，俱大概172甘上下，反正点睇我都高过俱大只过俱，我同俱反方向行，俱望住我，我又望俱，大概可能俱谂住哩到俱系地头，好串甘啤我一声，“大只好巴闭？车，米又系大专生。”

俱一讲野，原来系东莞人，哼，好一个本科生，都唔方好得去边。

当时好火滚，一谂起俱拖住我bobo只手，我实在系忍唔到，一拳钟佐埋去。

于是乎，二个男人既战争开始佐，我一拳俱一脚，自认我唔系一个乖学生，打架哩D 野边会难得到我，更何凡对方只系一个四眼既文弱书生。

好快三二下，我打到俱趴起地到，同时都引来好多人，宿舍舍监都来埋，件事因为我一时既冲动而变得无法收拾。

15

好晕，打俱系好爽，打完就唔爽了。

晚黑成十二点几，我、我同学、个四眼佬俾个舍监捉佐落楼下办公室，写悔过书，写佐一大轮之后，个四眼佬好得戚甘对住我描嘴描舌，鬼整俱。

之后我同学既班主任都来埋，系个女既，恶死到唔知咩野甘，唉，个高中同学年几无见，一见就累事俾俱。

个班主任话俱私自带外校生返来过夜，要记俱小过。

个四佬咸湿佬原来系团支书来既，唔 怪之得甘鬼串，不过俱都唔 好得去边，身为团委、学生会成员，打架。

最后就留有案底，同埋记小过。

我唔 想bobo有事，一直都无起悔过书到提到bobo个名，个四眼佬都算为俱系人，俱都无提到，只系话俱撞到我，我顶俱唔 顺打起上来。反正系甘上下，我bobo无事，都唔 知件事。哩个时候俱大概已经训着佐。

而我，身为外校生，俱地基本唔 可以对我点样，唯有俾佐间空房我训佐一晚，叫我第二日好走人，第二日朝早我就连招乎无打一声神早走佐，因为我唔想bobo担心我。更加唔 想再累我高中同学。

反佐来屋企，好累，bobo 就打电话来，开头俱问我做乜唔 打声招乎就走，我唔 出声，因为我唔 知点答俱，唔 通我话我同个情敌打架，无脸见俱？我S 要脸，无出声。

电话另一头既俱见我唔 出声似乎有小小嬲，“你有乜野系应该同我讲既呢？”

我依然无出声，确实好累，个头又晕。

“你知唔 知你起我学校打架件事而家个个都知啊？你唔 讲以为我唔 知咩？公布栏都出埋了，周xx，”俱连名带姓叫我。俱从来都未试过叫我全名，我知俱极之嬲。

“件事唔 系你谂甘架？”我解释。

“甘系点既？你讲我听罗！我而家又唔 系唔 听你讲！”俱开始火。

“你做咩好似审犯甘审我？”俱开始火，我都开始火，系，我自尊心强。我地第一次吵架了。

“……”电话另一边既俱都唔 出声，呼吸好似有D 急，俱好似喊紧。

“唔 好甘啦！”我个心好痛，又烦。

“你开始有野唔 讲我听了，你过来稳我，我系好开心，但你都唔 问我得唔 得闲既？又唔 问我意见。寻日同人打架，又唔 讲我知，我觉得你好唔 成熟啊！”俱一连串既抱怨，我除佐唔开心、心痛，仲有一连串既自责。

系既，24岁仔，无事业，俱先21岁，前途一片光明。

俱边一方面都比我优秀。我再一次感觉到自己衬俱唔起。

于是乎我讲出佐我有生以来最后悔既一句说话，“我想静下，我地静下啦。迟D 我会稳你。”我第一次吸俱线。

晚上十点几既时候，我收到俱既信息。“唔通有乜事唔可以慢慢讲咩？真系要将D关系搞到甘疆咩？”

“我想自己更强大D ，我觉得我目前唔 可以保护到你。”

之后，俱发佐好多信息俾我，我关机，无复。

除佐自尊心受到考验，事实上，我真系觉得好累，过佐年到而家四个几月了，我一直未稳到野做，我真系觉得自己好无用。但，我系爱俱既，我唯一既目标系想稳到份好工，挣钱，俾个温暖既家庭俱。我只系想俱幸福。

但系，我做唔到，起码，目前我系做唔 到。

我想俾大家静下，一方面系因为六月份俱都要考试，我又要写毕业论文，交毕业创作，我想大家都以学业为重先。

另一方面，都想尽快稳到野做。唔想成世靠屋企人养。

但，我同bobo既感情由哩一次吵架开始慢慢走下波路。

寻人启事

16

吵完架，第二日朝早，好早就醒佐，其实系成晚无训，我开机，收到bobo发过来既信息，“xx，我知你系爱我，同样我都好爱你，我知你点谂，我知你为佐我先会同个团支书打架，但我唔要你为佐我同人打架啊，你要相信我，我拣既系你，你要对我”第一条信息应该系唔够写。

“有信心，大家都唔好发脾气得唔得？”个心好痛，俱永远都系甘善解人意。

“做乜唔复我信息呢？嬲我？”跟住我睇埋第二条。

嬲俱？唉，错既人系我，应该系俱嬲我唔系我嬲俱既。

“你做乜关机呢？系唔系真系要到佐冷静既地步？”我继续睇下一条。

“xx，我好难过，我个心好痛啊，你唔再爱我了？唔再紧张我呢？”爱啊，紧张啊，因为太过在乎太过爱你，所以越系怕失去你。

“我个肚好痛，好唔舒服，我训唔着，但你关佐机，你唔知，心痛，肚痛，我唔要同你吵架。”肚痛？我即时成个人弹佐起身，会有咩野事呢？定心谂谂，今日系5号定系6号？哦，俱M 来佐，次次俱都肚痛到要生要S。

我个心开始乱，好想过去睇俱，由其系谂到俱寻晚满脸泪水可怜甘等我复信息既样，我个心更架痛。

点解？二个相爱既人甘容易就有误会？系唔系我地都太过紧张对方，需要对方，引至更怕失去对方？而往往越系紧张怕失去，只会越容易失去。

我唔等了，即刻洗脸去车站，我要去稳俱，我要同俱道歉，错既人系我唔系俱。

好快，个半钟，我来到俱学校，我打电话去俱宿舍，俱宿舍无人接。再打俱手机，系俱接。

“我起你学校门口啊，细猪，对唔住，请你原谅我！”

俱喊了，鼻吸水既声好大，无讲到野吸佐线，俱发生咩野事呢？做乜会甘伤心吸我线？

我再打，一响俱就吸我线。我唯有起到等。等俱俾俱结果我。

等佐无耐，俱由校门口走佐出来，好似我第一次去俱学校见俱甘样，朴埋我到，但迎接我既已经唔再系俱既笑脸，俱喊，而我可以做既只系轻轻甘圈住俱入我既世界里面。

一个愿意跟住我哩个穷鬼既可爱女仔，我应该好好珍惜既。唔应该怀疑俱对我既真心，我真系傻，竟然差D因为自己既自尊心失去我既最爱。

我既俱喊完之后，抬高头，对眼肿晒，望住我好可怜甘讲，“我地仲要唔要冷静啦？”

我将俱头放起我肩到，“唔啦！”

“甘仲要唔要吵架啦？”

“唔罗！”

“甘仲要唔要话自己无能力唔够强大之类既啦？”

“考虑紧！”

“喂！”哈，俱板起块脸。

我望住俱傻笑。有阵时望住俱，除佐笑就系发呆。

跟住落来既日子，我地回复返好似以前甘，我比以前更架珍惜俱，但俱比以前少野讲佐，虽然少野讲佐，但俱依然好关心我。

时间过得好快，二个月话甘快就过佐，俱考完试准备返来，我既毕业论文、毕业作品都搞电。毕业证都罗佐，我谂我应该正试要设入到工作当中。

以为一切都会起我掌控当中，只可惜有时有D 野真系唔到我话唔放。

17

俱返佐来，我因为要稳野做，无乜时间陪俱，但我地每日都有通电话，同俱一齐真系好轻松，俱又回复返好似以前甘乜都讲一餐。

有一晚俱同我讲，“大猪，我……”

“我咩啊。猪bobo。”

“我同妈咪讲佐我地既事哦。”俱讲得好细声，但我都听到。

“吓？甘点算？”

“爸爸叫你哩个星期来食饭哦！”依然好细声。

“唔敢去哦！”真系，我真系唔敢去，无事业，无经济，我真系唔想甘快就去俱屋企。

“去啦！”俱‘唉’我！

“甘好啦，……”无法，我心软。

自从话要去俱屋企食饭见家长之后，我一直都无晚好训，稳埋lo、jie出来帮我谂下计仔。

“怕咩啊，见家长达嘛，年终见唔知几多次啦！顺下老人家意，扮下乖仔实过关啦。”jie起到吹水，不过俱同俱女朋友互相见过家长，大家双方都无乜意见，就等俱地二个几时拉埋，俱甘讲都有俱道理既。

“你有无问过俱屋企人钟意乜啊？买D 野过去。”lo又讲。

俱地二个系我老S，难兄难弟，难委俱地二个好似女人甘帮我谂计仔。一个又话要最紧要识得送礼，一个又话最紧要就系识大睇扮下乖仔。

睇来讨论都无乜意思，好快就到星期日，我达正11点来到俱屋企，之前帮俱买电脑来过一次，除佐大之外，仲好靓。我知俱系有钱人家既女。

但今次来就好唔一样，因为我多佐一重身份，俱男朋友。

我开住部豪迈仔停起俱屋企门口，俾佐电话俱，无耐俱就出来接我。

我开部车入去，前园停住既系一部四个0奥迪A6，另一个部别克唔知咩型号。

我再望下我部豪迈仔，块脸好热，唔使讲一定好红，讲出来真系笑S 人，24岁仔脸红。

跟住，俱阿妈都出埋来，笑住甘叫我入去坐，俱阿妈好热情，一睇就知系贵妇。

第一次来唔知买乜好，借佐lo几旧水，买佐支轩尼斯OX，750升既。应该算系大体了挂。

俱老豆见到我都招乎我坐底，仲有俱阿叔二公婆，原来我见既唔单止系俱屋企人，仲一次过见埋俱D 亲戚。

好唔自在，老实讲，我真系未试过甘大压力，高考都唔算咩野，原来见俱屋企人会让我流冷汗既。

俱都睇得到我好紧张，食饭既时候主动夹宋俾我。

我只好对住俱笑，慢慢甘食。

食完之后，俱帮俱妈执台，我同俱老豆阿叔起大厅到倾计。

18

“xx，成日起我面赞你既哦，我听就听得多了，都系第一次见你。”xx系bobo既中文文，俱阿爸开始起我底了。

“边有，我先岩毕业，xx乱讲既。”脸红脸红，脸一定好红，心跳加速。

“理工毕业系嘛？读咩专业啊？”到俱阿叔问。

“计算机，毕业证岩罗到，不过未稳到野做。”我觉得我必须主动同俱地讲明先，免得到时问我先答，甘样似乎唔系好得体。

“而家稳野做都几难架，慢慢来。”今次到俱阿叔老婆开口。

“系啊，都稳佐排。”一额汗。

“屋企做乜既？屋企人帮唔到你咩？”俱爸讲野系唔同D ，直接问到要点。

“屋企开铺既，买D 关于体育用品方面既野。有帮到，之前叫我去亲戚邮局到做，我谂住自己岩毕业，想自己稳下先，就推佐。”哩Dbobo都知，因为俱去过我屋企。但由我自己口讲俾俱爸知，我知俱爸一定唔会好钟意我。

毕竟俱屋企有头有面，又点会睇得起我哩个开铺头既市民，但系我唔想呃俱地。我应该照实讲既。毕竟真系拣佐对方，就唔应该对俱既屋企人都有所隐瞒既。

就起哩个时候，bobo执完台过来坐起我隔离，俱好似好开心，拉住我话要我陪俱周围行下。

我即时松佐口气，同俱地打佐声招乎就拉住俱走佐出去。

bobo问我同俱屋企人讲D 乜，我话无啊，闲计倾几句甘罗。

我唔想bobo担心，唯有甘答俱。

虽然跟住哩一日都有俱陪住，但我就经常心不在言，4点几既时候接到jie既电话，话有份工介绍俾我，我就同 bobo讲声去佐稳jie了。

份工系起间厂到做网管既，试用期2000，包食唔食住，稳佐工甘久，终于稳到，2000对于一个无经验既人来讲算系非常之好既了。好爽快，我就答应佐，好开心，即时打俱屋企电话，因为我想第一时间同俱分享。果日六点甘上下。

接电话既系俱阿爸，俱爸话俱训佐，叫我迟D 先打。

我讲佐句唔该阿叔就等俱吸线。

训佐？六点钟咋哦，训佐？

讲到哩到，大概大家都知发生咩野事啦。

系既，我同bobo既感情得唔到俱屋企既人认同。

应该系话，我得唔到俱屋企人既认同。

但我知道bobo唔系甘谂，夜晚既时候，我再俾电话俱，俱妈就话俱出佐街。

出街？bobo无论去边到都会讲声我知既，点会连信息都无？

于是我就打俱手机，俱无接到，一直响。

过佐半个钟之后俱打返俾我，原来俱只系去佐冲凉。

我同俱约好佐听日睇电影，因为后日我就要正式返工，到时返工之后陪俱既时间更加少了。我仲未同俱讲我稳到野做，谂住听日俾个惊起俱。

寻人启事

19

第二日，我地约好佐9点见，俱成十点先出来，我问俱做乜，俱话俱爸叫俱帮手写份文件，所以甘迟。

我哦佐声之后就同俱一齐买飞去睇电影，俱好开心，成个细路甘咋咋跳，又要食雪糕又要食爆谷，我全部召买，只要俱钟意，我可以俾既都会俾俱。

睇完电影我地行街，我话我稳到野做啦，日头要返工，晚上先得闲哦。

俱问我系乜工，我话系网管，同我专业对口，俱好开心，比我仲要开心。

拉住我只手挥来挥去话有人要挣钱养老婆罗。

俱笑得好甜，我既大笑姑婆又返来了。

如果可以，真系好想哩一刻永远停起到。

但唔系我既始终都唔系我既，强求来都无用。

食完晚饭送佐俱返屋企之后，俱妈无请我入去坐，只系叫我开车小心D ，我话知道了阿姨，对住仲系我既bobo笑佐笑，走佐。

唔知点解，哩次离去，个心有D 痛。

之后我就做野了，因为系新丁，之前个网管一走就走乜都无交底，我就咩都唔识，唯有慢慢甘自己摸下应该点做，哩段时间我晚晚都好夜收工，返到屋企都好夜下，有时间既就会打电话俾俱，无时间唯有发条信息俾俱。

俱从来都无埋怨过来陪俱既时间少，仲叫我注意身体，俱同我之前个女朋友完全唔同。

我同我自己讲一定要好好甘珍惜俱。

起俱就快要返学既前一晚，好似系7号定系8号，我好早就返佐来，我打电话俾俱，不过唔系俱接，其实我好少打电话去俱屋企稳俱，因为我知俱屋企人唔多钟意我。

系俱爸接，“xx，我xx仲细，我就唔想俱甘早拍拖，而且你都大个仔，应该有自己既事业，不如等俱安心读书，你就做野，将来D 野将来再算啦。”

“阿叔，我会俾心机既，我已经……”我好急，第一次眼框红埋，我想讲俱知我已经稳到野做。但俱爸无等我讲完吸佐线。

哩一晚，我好伤心，约佐lo同jie出来饮野，我提意去酒吧。因为我想饮酒。虽然我地三个好少来哩D 地方，但最后起我既坚持之下都系来佐。

几杯落肚，我开始乱甘讲野，讲过D 乜？唔系好记得。但我知我有喊过来，眼系热既，脸系湿既。bobo，系唯一一个让我真心为俱落泪既女仔。我真系好心痛。

当我醒佐之后，已经系第二日朝早，系lo屋企张床。

头好痛，我睇下手机，收到俱几条信息，俱话俱要上车啦，问我陪唔陪俱去车站，果时系8点20分。我再睇下手机个时间，已经系十一点几了。

再睇第二条，“大猪，人地走呢，你来送人无呢？”

再睇第三条，“S大猪，我唔彩你，我走啦，真系走啦。哼。”

走佐了，俱真系走佐了。

而我仲起东莞，我地又要过住相隔二地既生活。

俱爸同我讲既野，我只字无向俱提过。

bobo返佐学之后，我全程投入到工作，当时有个女同事，哩到叫俱lin，lin又系理工毕业既，同我一样无经验，第一次出来做野，可能同病相连挂，同俱就多倾佐几句，而同bobo既关系，由于我工作忙佐，俱系最后一个学期，赶住考哩样考果样，同样好忙，电话有一日一个变佐二日一个，有时甚至三日先一个。

10月2号，我生日，好想见俱，因为我地已经差唔多一个月无见了。我又无同俱讲我去稳俱，就向公司请佐一日假打算俾个惊喜俱。

今次无见到我唔应该见到既野，俱接到我电话好开心甘出来接我入学校，拉我去哩到去果到，俱对我又好似以前甘，乜都无变。

但俱阿爸同我讲既野，我一直记起心到。就好似一条无型既刺，刺得我个心透唔到气，有时面对俱既时候我真系笑唔出来，有种想喊既感觉，但系我无话俱听，因为我只想见到俱快乐甘笑。

20

返到来之后，我继续投入到工作当中，国庆要返工，真系黑仔，去陪俱果日仲系请假既。

4号，lin约我去饮 野，我谂住叫埋lo啦，想介绍lo俾lin识，反正识多个人无乜所谓，点知lo话临时唔得闲，甘我唯有自己一个人去。

晚上8点，来到小站之后，就见到lin，俱饮下饮下突然之间喊，我最惊女仔喊既了，就走埋去叫俱唔好喊，俱话俱同俱男朋友无得“猛”既了，救唔返。见俱喊得甘伤心，我都唔知点算好，就拍下俱臂头，谂住俱会好过D ，俱就顺势“唉”佐埋来。

岩想推开，点知，起哩个时候，bobo竟然企起我地面前。

“唔系你谂甘架！”我即时推开lin，追想走既bobo。

“你话你忙，我信，原来忙住稳第二个，唔怪之得电话少佐甘多。”俱似乎好嬲，蹬蹬甘走落楼。

我已经唔理得个lin甘多了，追佐上去，“我真系忙架，唔系你谂甘架！”

“唔系甘？甘系咩野啊？你讲罗，你揽住俱啊，你叫我点样信你啊？”

“甘俱岩同男朋友分佐手，我安慰下俱者！”我解释。

“安慰？安慰要揽住既咩？”bobo已经成脸都系泪水了。

“你要我讲几次者？都话唔系你谂甘样罗！”我开始 有D 嬲了。

“甘你讲罗！”俱甩开我只手。

“你做咩发甘大脾气者？”我都有D 扯火了，想拉住俱只手。

“唔通我返来买礼物俾你都系错？”俱依然好嬲甘甩开我只手。

“我无甘讲过！你唔好无野稳野来讲，国庆你都无返来，我从来都无怪过你有无俾礼物我。”大家都嬲了，我唔钟意俱甘无理取闹个样。

“你而家系唔系怪我唔记得你生日？你从来都无话过俾我知你几时生日架。你2号上广州稳我，我先知你生日，3号我做埋学生会D 野就即刻赶返来啦，周xx”，俱又再一次连名带姓甘点我名。

“你从来都无问，我点话你知？”我都好扯火了，顾唔得俱既眼泪。

“系啊，我从来都无问，我无资格做你女朋友。”俱好嬲甘扯佐我送俾俱既生日礼物——手链，好用力甘扔返俾我，“我唔要你既野，对你好失望啊，我以后都唔想见到你啊！”

俱上佐的，走佐，我无追，唔想追，追唔郁。

系既，一直以来大家有乜野事都系俱让我，俱一直都好保护我地既感情，反而系我一次又一次甘令到俱伤心，今次俱再一次为佐我而流泪，对唔住，bobo，系我让你伤心完一次又一次。可惜哩一句说话，我到而家先讲。而俱根本都听唔到。

bobo走佐之后，我尝试打俱手机，但个关机，我知哩个时候我讲乜都无用。

工作上既压力，俱爸对我既睇法，已经压得我好重好重。

我同俱既将来由好幸福既一对，已经变得睇唔到未来。

21

自此这后，bobo成个星期都无稳过我，手机信息唔复，Q信息唔复。

打去俱屋企，俱爸话俱唔起到。宿舍？个个话俱出佐去。

后来，我起Q到留言，“bobo，你信我又好唔信我又好，我真系无稳第二个，果个女仔我只系想安慰俱，我已经好累了，我从来无话过你无资格做我女朋友，反而系我，我无资料做你男朋友，我唔细了，24岁仔，一事无成，你爸讲得好岩既，我应该有自己事业先既，而你仲要读书。我唔应该起哩个时候影响你既学业。当系俾D 时间我又系，俾D 时间大家又好，你愿唔愿意等我？我会俾心机做野，再稳你。”

我唔知我甘做岩唔岩，但当我发完哩段话既时候，黑色头像既俱闪佐下，“好！”俱原来起到。

之后既二个月，我发生佐好多事，阿妈入医生，我听阿爸话去佐俱朋友间公司到做技术顾问，3000蚊一个月，比上一份好。算为系甘上下，但bobo既消息我一D 都无,我无主动稳过俱，俱都无主动稳过我，就来12月了，即系话，同俱起埋一齐就来一年了。

如果我同俱既感情就甘样结束既话，我会好唔甘心，于是，我决定再去俱学校稳俱。

我直接入俱学校，去到我地第一次拍拖既果个亭到。

世界真系细，居然俾我见到俱，可惜坐俱隔离既系另一个男仔。

个男仔斯斯文文，四眼，虽然唔系之前个咸湿四眼，但哩个睇落去顺眼好多。

俱地之间虽然无情侣之间应有既动作，但我见到哩一幕个心好痛，我终于了解当初俱点解会甘嬲我。原来情人眼里真系容唔得一粒沙，即使再细少既沙都会让人泪流成河。

俱瘦佐好多，我个心好痛。

我无再行前去，我知我配俱唔起，我知我无用。

而哩一走决定佐我同俱既将来，分开。

自此之后，我变得好沉默，jie同俱女朋友夹分开佐间埔，lo事业岩起步，而我好似一切都系有所安排甘，无起无跌，继续过我简单既生活。

06年1月份既时候，有一次起oie见到俱，四眼斯文男拖住俱行出来，上佐架宝马。

哩一幕，注入我眼内，成佐永远既定格。而我同俱既故事都结束。

我接受又好唔接受又好，放手既人系我，因为跟住我既俱唔会有乜幸福可言。

我只系后悔，后悔我系一个无用既人，唔可以保护我自己心爱既人。


故事完了。

草草甘结束，睇故事既系唔系总系觉得有D 唔够。但真系结束了。

讲得太多只会让大家伤心，而我既伤，自己散盐自己偿。

希望大家，唔好甘似我甘，甘容易就放弃。错过既可能系自己一生既最爱。

另外，女仔都唔应该逼自己既男朋友甘紧既，想有面包既爱情需要时间既付出。

男人，最爱只有一个。

女人，最爱既系最后一个。



[ 本帖最后由 寻人启事 于 2006-8-26 04:01 编辑 ]

tabata

真系好长啊。。不过我睇晒了。。。。
唉。。。

jackyxie

睇完，唏嘘啊....

seagatexie

睇完，
唉，做人男朋友就摞D自信出来啦，自己都睇低自己，边可以指望其他人睇得起你。

LovelyAngel

睇完啦............

“说谎”蛋糕

识一个叫bobo嘅 ，系学生会做嘢嘅女仔，不过唔知系唔系巨。。。

seagatexie

有可能，文章提到专四，应该是英语专业既……是直属师妹呢。

tabata

甘样既故事。。。快D稳番个女猪脚啦。。。

米虫

哇
好鬼死长的文章啊

0°

霸个位再慢慢睇

0°

预留一层灌水

fanbest

看完后总有个感觉,怎么好象很多小说里提到的学生会之类的会长实在都不怎么样的...还好当年没进学生会

你想我点先

无心机睇
``

轻水惜寒

波波。。。。