我华工同学的HSBC面筋，应聘汇丰的同学参考一下

jerryjill

本来，我唔打算要入汇丰既，因为软件开发，我真系无兴趣，我自己一向都有编程恐惧症~不过老豆日日系度催住我，话乜野都要睇钱份上，唔好理兴趣点样，最紧要有钱。的确，汇丰份人工好吸引~于是，我收到面试通知果阵，真系有少少兴奋~~事关我笔试真系做得好差！面试前一晚，我觉得好大压力~好惊，我上网一直系度搜索汇丰既面经，做左好多准备，包括英文既CAREER PLAN同埋“我读既唔系计算机专业，点解我都会适合呢个职位”，半夜居然会发噩梦疾醒。。。以往面试，我未试过会甘样~
    今朝9点钟左右就系屋企出发，落街吃左D早餐就去汇丰面试。我安排既时间系10点半。去到汇丰果阵系10点多D，然后系门口打电话要汇丰既秘书带我入去（因为度门系开唔到既，一定要稳距来带）。入到去，登记姓名，比左个访客证我，然后带我去面试既会议室门口，叫我坐系度等。坐系度既仲有一个等面试既人，同距吹左两句，发现距都系华工既，不过距读既系计机。距预约时间系10点钟，不过都要等到10点5个字先有得面试。
- E' Y: C2 T6 `" h    距面完出来已经系11点钟，即系话面左35分钟~听人讲，面试时间超过30分钟先有机会~估计距几有机啦！到左11点05分，我终于比JACKSON YU（汇丰既HR）叫左入去。
    J：“首先好欢迎你来参加我地既面试，有无带简历同相啊？”
8 M: W8 [4 x5 x, d5 w' o    ME：“有啊，相要大一寸定小一寸啊？”
    J：“是但啦，一张就够。”
' K* n5 N2 z0 A+ Z- n    然后，我比左两份APPLICATION FORM距，同埋一张自己打印既小一寸相。
    J：“平时有无讲开英文啊你？”
9 Z' k% b5 Y0 t+ M1 w    ME：“都有既，不过水平一般甘啦！”
    （开始用英文）J：“OK，你读既系电信专业，点解你觉得你适合我地SAP呢个职位？”
, X8 a; W0 K) h& {    ME：“My major is Electronic Information Technology,it is not only an electronic major but also an IT major.Programming is a part of our courses.So I think I am suitable for this position.”（差唔多系甘答啦，因为有准备过，所以都讲得几流利）
    J：“讲下你对SAP呢个职位既理解？同埋你觉得做软件开发要做D咩工作？”
5 b2 F2 E6 Z4 w' i) N- l, T    ME：“我觉得呢个职位主要系做编程既工作，帮银行做软件。因为汇丰系一个全球性既企业，所以距要自己做适合自己既软件。除左做编程之外，仲会做D系统分析既工作咯。”
    J：“按你甘讲，你认为呢个职位既工作就净系编程？”
6 h' l2 U* N: j" a( E1 Z2 \9 v2 y  b    ME：“YES.”
/ a5 [, T! g3 A# V) k/ W; }    J：“甘你觉得做软件开发，除左编程，仲需要做D咩工作？”
+ v% [! G# F7 t5 d6 B    我真系觉得一头冒水，因为按我理解，做软件基本等于编程。所以真系唔知点答。
    ME：“除左做编程之外，一个软件开发者仲需要知道呢个软件要用来做乜，目的系边度，同埋要做D推广宣传既工作，等使用者都知道点样用。另外仲需要一D网络方面既技能，因为汇丰系一个全球性既银行，做软件开发应该要考虑到呢一点。”
& b& ^+ N- r7 f# [1 b5 b, R5 ~    J：“你觉得网络技能有用咩？用处系边度？”
7 \3 t' ~  T6 j( e9 W    ME（开始语无伦次，而且仲要系用紧英文）：“我觉得作为一个软件既开发者，点都应该识得呢样野挂~~”
    J：“好，我地用翻广东话。按你头先既理解，你都净系表达左做一个软件只需要编程，甘系唔系除左编程之外就无其它野做？”
3 d+ _2 r- \3 z0 u    ME：“ER~~等我谂下先~~”跟住沉默左一阵~~
    J：“我睇你份FORM，上面无任何关于软件开发既课程同埋实习窝，你有无做过嘎？”
* Q, @2 Z# n5 o, `0 A    ME：“有，大一果时我做过一个关于学生成绩既数据库，都算系一个小型软件。”
    J：“哦，系关于边个课程既？”
    ME：“C语言。”
( Y6 n6 i5 V3 a3 A    然后，见到JACKSON YU系我份FORM个成绩表果度，C语言果一栏下面画左条线。
    J：“好，甘你讲下你系点样开发呢个软件既？”
- S. A. K  e% z' Z, f    ME：“首先，我知道我要做一个数据库，距要实现查找、排序等等功能......”
) W1 X! y6 ~8 f3 R* g    J：“得得得，你唔使同我讲你呢个野点做出来，你只需要同我讲你点样开发呢个软件，有咩步骤就得。”
' e. P7 @; k& }' X& N0 g, f- x    ME：“首先要明确目的，呢个软件要实现咩功能，然后就根据每一个功能去编写程序，最后再对成个软件进行一个调试。”
; b' X. x: W$ |. a4 B& T    J：“你既意思即系话，首先要明确距既功能，即系比如话我而家要做个软件，系去到20度个冷气机会自动停止既，甘你就要写个程序出来，控制部冷气机去到20度就自己跳制，然后最后再调试，系米甘样？”
    ME：“嗯，基本上系甘啦。”
    J：“呢个系读Electronic既或者系Communication Technology既学生普遍既睇法，你都一样。”
    ME：“甘即系话呢个睇法唔岩？”
    J：“无话岩或者错，只不过系我见到甘多个读呢个专业既学生既一种普遍性。”
    （转翻英文）“What will you do if you have chance to join HSBC,be a SAP?”
    ME:“你既意思即系问我近期既CAREER PLAN？”
8 P, \+ b7 c6 y2 p- l/ @    J：“系。不过我唔希望听到类似Work hard,study hard之类既回答。”
; M8 t! i( V2 u: U. p  }- p3 V    ME：“我知道汇丰系有一个培训计划既，首先入到来，我会认真对待呢个培训，努力学习（出现左唔应该出现既词语）。然后睇翻D程序，掌握左编程既技能，跟住我会自己去写一D小程序，有唔识既就问人......”
5 L! D7 L) `* Y    J：“你问边个？”
    ME：“我知道汇丰系一个好讲究TEAMWORK既公司，所以我觉得可以问下D老员工咯。”
    J：“距地可能唔会答你窝！”
    ME：“我会尽量请教距地，同时我自己都会睇书，直到掌握到为止。呢个系第一年。第二年我想参与一D项目，从事呢个项目入面既程序编写工作，希望可以得到更大既进步，积累多D经验。”
' b. P; Y9 `1 R' W% {: J    旁边果个一直无点出声既HR终于开口：“但你讲甘多野，你做左之后都系做唔到一个LEADER个窝！”
; M( D; B4 M/ f+ A- \    ME：“SAP本来就只系一个团队既成员啊，要成为IT OFFICER，如果我无记错最少都要有24个月既工作经验啦，如果我无工作经验既话，又点做一个LEADER啊~”
    J（转翻广州话）：“其实你系度做，都只可以做一D小程序，好多软件其实都只系一个好细既程序，唔需要分开一个个部分比你参与既。我睇到你份简历，你无任何软件开发既经验，而且都无乜相关课程既背景。呢样野唔紧要，我地唔会睇重。甘你觉得自己有乜能力可以胜任呢份工作？”
" Y$ j" Q( E' V% f* P    ME：“我学既专业课程其实都有编程咯，例如C语言同C++，而且我读既系工科，我既思维会比人地严密D。而且汇丰有培训制度，我对我既学习能力有信心咯。”
    J：“学习能力个个都有嘎啦，大学生个个都有学习能力，唔系点拿学位证？不过呢种学习能力未必系我地需要个啵！如果要培训一个人，我请个大专生就得啦，使乜请你本科生？大专生仲平好多添！”
5 a# e& x' r& I3 W8 ^    ME：“ER~~~（沉默左一阵）我觉得我既潜力同思维都会比其他人好咯。”

jerryjill

J：“你做既实习都系同市场类相关既工作，其实你有无谂过你会比较适合做呢方面既工作呢？如果你去做市场类既职位，人地就可以因为你有过相关工作经验而请你，但而家你系无任何软件开发既经验窝！”
+ j" g1 I% B; u: |" |    ME：“稳一份技术类既实习好艰难啊，除非有关系。稳SALE类既工比较容易啊嘛，周街都有。而且我做MARKETING同SALES既都系属于PART TIME，为左接触多D社会，了解多D野0者。”
    J：“系咩？唔觉啊，我见到好多同学都有技术类既实习经历。甘你又做过乜野SALES JOB啊？”
9 T* Y4 w9 x, ~2 c5 n9 s    ME：“03年暑假我做过临时促销员咯。”
0 H2 D2 H. Z  ^  s% A: q    J：“卖乜野？”
    ME：“龟苓膏。”（每次讲起呢样野，我就觉得好唔好意思，觉得好羞家）
    J：“仲有无其它呢？跟住指住我份简历上面既果个实习。”
" X; G6 ]( X' L- i" u" x1 T    ME：“今年暑假我系广州易天数码移动公司做过市场推广咯。”然后简单讲左下我份工作负责D乜野。
    J：“如果我无估错，除左我地之外，你无应聘任何一份同软件开发相关既工作，系唔系？”
    哇！犀利！甘都比距睇穿左！！！
    ME：“无错，的确系甘。”
" m8 I+ k4 l1 G- g3 p! w    J：“甘你应聘左D咩职位？”
  c/ Y) f$ h  K0 v3 M/ w* A    ME：“有MARKETING既，有SALES既，有做硬件研发既。”
    隔离果个HR又讲野：“其实你会唔会觉得软件未必系你既强项，或者做硬件、MARKETING之类既先系你既强项呢？”
- y; g& V4 d2 ~% j+ n& R. ~8 u    （呢样野我一直都觉嘎啦，不过无理由甘讲既~）
    ME：“都唔系啊，我个人各方面都比较平均，做乜野都可以既我觉得。”
) x7 c" _% q4 M2 Y    J：“你又知你得？你点知你可以做得好？你中意做软件咩？”
    ME：“（老虎都话中意嘎啦！呢个时候~）我做MARKETING之前都唔知自己会唔会做得好嘎啦！同样我高考果时报呢个专业都唔知我会唔会做得好，但我有信心我得，我都有兴趣。结果我而家都一样得啊！”
    J：“好，我地问既系甘多，你有无咩问题想问我地？”
$ ~4 \5 T8 U" E! K& P    ME：“有既，第一个问题系关于GLTc，我想知点解要系广州成立呢？点解唔系深圳或者其它城市？”
6 a. t: x. \! d& D$ ]% k9 b& u    J：“点解要系深圳？”
' n1 D& e7 t) c% a( ^. i    ME：“离香港近啊嘛！”
+ c( X0 a0 P! T# R% R' e    J：“呢个唔系关键，我地觉得一个城市已经足够，另外我地系印度都有软件开发中心。”
    ME：“哦~第二个问题系想问下，笔试既成绩对结果有无影响呢？”
" d) L# }& k. ]1 F8 W0 Y    J：“无。”
# E. \, |- h5 p, G/ a8 s7 d- Y# J    ME：“哦~仲有一个比较私人既问题，余生你系米中意睇波嘎？”
7 F$ L8 h4 |) }5 {$ T  }" K    J：“点解甘讲？”
    ME：“因为我见到你条呔上面印住荷兰足协既标志，KNVB。而你上次做宣讲会，同样都系戴今日呢条呔。”
* a6 n% U+ _3 R; y7 F    其实呢个问题，系想话比距知我有细心观察既能力。好似《无间道》入面梁朝伟见到黄秋生着左鸳鸯袜甘样~
    J：“我穷啊嘛，无钱买呔，所以只可以打呢条咯！我咩都中意既！”
    ME：“哦~系啊？呵呵~我都无乜其它野问啦！”
    J：“好，多谢你今日参加我地既面试，你可以离开啦！”
    绝望~连“我地有消息会通知你嘎啦”呢句话都无讲~即系意味住我连等通知既机会都无......
    行出会议室，望下手机，11点30分~即系话我个面试先持续左25分钟......唔够30分钟，即系一定无机啦！
. ]" P, F% ?7 F7 j    或者，我真系唔适合做软件开发挂~~~我自己都唔知~~不过，12月中啦，完全无任何头绪。我到底衰系边度？我自己都谂唔明......

redhjz

你朋友拿到offer没？

huangkily

这个关键啊.offer罗到未?

jerryjill

都未发offer…………一月才发………………

xhz_doctor

写得好详细哦，顶一下！

hjack

问这么多项目的问题.
0 k0 h8 @! P1 x
我的时候一个项目相关的都没有问...555