|
|
|
玩電話最高境界(保証十級爆笑)
學生問教授一個人生哲理的問題︰「教授我想問，生氣、憤怒、嬲到震同埋哭笑不得，有乜野唔同？」
教授說︰「我做個實驗俾你睇，你就容易明嫁勒。」．．．．．．．．．．
於是他揭開電話簿，隨便搵左一個叫x仔既電話號碼，就打電話過去，電話接通，
教授按擴音鍵讓學生聽清楚……
教授︰「請問梁朝偉係度嘛？」
x仔︰「你打錯喇！」
教授︰「唔好扮野啦！梁朝偉係度嘛？」
x仔︰「都話你打錯咯！」說著就把電話掛了。
之後，教授即刻又打電話過去……
教授︰「請問梁朝偉係度嘛？」
x仔︰「邊個呀！你打錯喇。」
教授︰「請問梁朝偉係度嘛？」
x仔︰「你老母，癡線嫁。」又把電話掛了。
教授馬上又撥左一次……
教授︰「請問梁朝偉係度嘛？」
x仔︰「你到底係邊個？少無聊了！」
教授︰「我係劉德華，我要搵梁朝偉……」
x仔︰「白癡架！你係劉德華咁我咪係成龍！我XYZ你個上中下！」說完，就把電話甩上。
l教授告訴學生︰「呢D就係生氣喇！跟住，俾你睇下乜野叫憤怒啦！」
教授又撥一通電話過去……
教授︰「請問梁朝偉係度嘛？」
x仔︰「你係咪五行欠打？要搵梁朝偉打去中國星啦！你老母丫，你有種就打黎俾我睇下……」
說完就更用力的甩上電話。
教授告訴學生︰「呢D就係憤怒。跟住，俾你睇下乜野叫嬲到震！」
接著，教授又撥了一通電話，這次隔了一段時間才有人接，電話一接通……
x仔︰「頂你個肺！b你老母……」正當他破口大罵的同時……
教授︰「請問，你係咪x仔？」
x仔︰「喔！真係對唔住，因為頭先有人惡作劇，我唔係特登要鬧你……」
教授︰「唔緊要，請問梁朝偉係度嘛？」
x仔︰「哇!你個x……」這次沒等x仔鬧完，教授就把電話掛了。
教授告訴學生︰「呢D就係嬲到震，你明未？」
學生答︰「我完全明白曬喇！」
學生點點頭︰「不過……乜野係哭笑不得呢？」
教授笑了笑，又打左同一個號碼，對方快速接起電話……
x仔︰「喂！！！你個傻仔係咪想玩野呀？」
教授︰「我係梁朝偉，請問頭先有冇電話搵我……」 |
|
IP卡
狗仔卡
发表于 2006-10-2 16:43
提升卡
置顶卡
沉默卡
喧嚣卡
变色卡
显身卡
发表于 2006-10-2 23:36
