|
|
系后院混都总算有一段日子啦，系毕业之际，写下最后一帖，就当系封帖之作啦
最后既最后，我都5使再隐藏D乜啦，一切都要过去，在此，就将我系后院发过既贴都一起粘出来啦，欢迎各位路过，呵呵
最后一帖其实就系我的日记中学生时代最后既一篇，所以，写得比较随意.....
6月28日 星期四 闷热 图书馆&宿舍
终于，呢一日都来到啦..
16年既学生生涯即将划上句号，呢写上呢个句号既一刻，我捻到好多...不过到我落笔写既时候就发觉好难写。写左感耐日记，都系第一次觉得写5出野，可能我太想写好呢篇日记啦，不过捻翻转头，我而家又5系写作文，日记想点写就点写，呢个先系我既style嘛
\^O^/
今日过得好充实，先系早上参加毕业典礼,好认真感唱左学生时代最后一次既国歌。中午同同学食左餐饭，吹下水，下午就到学校既教学楼同实验楼好好感行左下。
到左晚上，好多人都系宿舍度打机，睇片（最后的疯狂啊^_^）而我选择左以前系学校最喜欢同最经常做既事----到图书馆自修。系果一刻，我5需要激动同兴奋，我只想一个人静静感思考同感悟....所以呢篇学生生涯最后的日记就从图书馆开始记起啦^_^
今晚系图书馆睇书睇到眼都蒙埋，我去到一坐低就罗住本《品三国》搏命感睇，睇到最后觉有种不能自拔既感觉，呵呵。我记得呢种感觉只有之前大一，大二果时日日系图书馆眯果套成尺厚既《资治通鉴》，而且每日睇足十几个钟时先至有啊。虽然睇得个人好累，但却非常畅快\^O^/
睇到晚上10点几终于刨完本书，抬头一睇，周围都差5多无晒人。我发现人少时图书馆果种特有既空旷同幽静实在令人觉得好舒服，而且此时此地读史书真系有种洗涤灵魂既感觉（呵呵，我本身太邋遢脏啦）我捻我永远都会记得呢种感觉的....今晚做翻只书虫，感觉上都好超值，哈
后来我临走前5知抽起边条筋，突然捻起原来我感大个仔好像仲未试过写纸条比女仔，系最后呢一日，当然5可以留低任何遗憾啦。于是马上系日记本撕下一张纸，上面写上“介女”既内容。然后从图书馆六楼往下逐层扫描目标。好在虽然夜左D，但依然仲有个气质几好既师妹仲未走。呵呵，靓女当前，点可以退缩价？虽然都有D迟疑同犹豫，但捻到今日系最后一日，最后都系挺起胸膛走到果个师妹身边搭起讪（内容略），最后成功令果个师妹收左我果张学生时代唯一既一张既纸条。虽然做左件傻事，但此时心情真系好畅快，而且人生难得有几回傻啊。无论结果点，我都鼓起勇气挑战过自己，系果一刻，我觉得自己又成长左啦...
翻到宿舍楼后，自然少不了逐个宿舍巡游一翻，然后逐个同学骚扰一次( 全班人都系得我一个会做D感既衰野啦），咸猪手就更加5使讲啦（而家5摸，以后无得摸啦\^O^/)
同宿舍班蛋散吃夜宵饮左D酒，翻来后趁着几分醉意系宿舍写下呢篇日记既后半部分....
宿舍既人都训晒啦，又系得翻我自己一个挑灯夜游，不过其实我好享受呢种宁静...今晚系我系学校既最后一晚啦，实在有太多野想好好记住，而今晚脉动既思绪注定今晚系一个不眠夜....至少系天亮之前，我觉得自己仲系一个学生，就等我独自一个人好好感度过最后既几个钟啦。
记得自己早就决定系学生时代既最后一日，抽上人生既第一支烟。早就准备左一包，而家系时候点燃距啦...
第一口无乜感觉，静系觉得滤嘴既位置有种苦味，然后就系一阵烟从嘴边吹出。第二口吸得有D猛，比D烟呛到，咳左好一阵。第三口时就有D头晕既感觉啦，或者呢D就系烟民们上瘾既原因之一啦。独自一个人，望住夜空食住烟，微风吹来，远处珠江边既船响起笛声，感受一下呢种腾云驾雾既感觉，总也算令人心醉..
此刻没有不舍，没有后悔，没有激动，有既只系平静.....
终于食完果支烟啦，远方既天空已经开始泛白啦，已经无任何遗憾啦，面对自己，相信自己就系啦
一切都将结束了，但一切又只是岩岩开始。学生时代既终结意味着人生进入另一主旋律。虽然我已经5再系学生，但我果颗学子之心将永存，系我有生之年，无论岁月如何流转，总有一天，我会再一次跨入校园的，等我啊
It is a far, far better thing that I do, than I have ever done; it is a far, far better rest that I go to than I have ever known.
我既大学生涯实在太美满啦
毕业前发张贴挑逗下后院既女生https://www.gdutbbs.com/viewthread.php?tid=147449&extra=page%3D17
毕业前发张帖之巴士搭讪
https://www.gdutbbs.com/viewthread.php?tid=149594&extra=page%3D7&page=1
我的面筋
https://www.gdutbbs.com/viewthread.php?tid=143302&extra=page%3D1%26amp%3Bfilter%3Ddigest
最后，祝大家一路走好，等待再会的那一天！:hug:
|
|
IP卡
狗仔卡
发表于 2007-6-30 12:20
提升卡
置顶卡
沉默卡
喧嚣卡
变色卡
显身卡
