十一月十一日在香港竟是夫妻節

cathy_kong

一成夫妻有婚外情宣揚忠貞11月11日倡定夫妻節

　基督教團體調查發現，近一成已婚人士曾有婚外情或婚外性行為，以全港332萬已婚人士推算，折算有30萬人曾有婚外情。有團體倡議將每年的11月11日定為夫妻節，取其「一夫一妻，一生一世」之意，希望藉此宣揚對配偶忠貞的信息

5%有婚外性行為

　基督教團體大衛城文化中心上月在銅鑼灣、尖沙嘴、沙田及荃灣區作街頭訪問，成功訪問408名已婚人士。

　調查發現8.8%受訪者曾有婚外情，逾5%受訪者曾有婚外性行為，負責調查的大衛城文化中心總監吳振智牧師表示，按統計分析推算，約有一成受訪已婚人士有婚外情或婚外性行為。以全港有332萬已婚人士估計，有30萬人曾有婚外情。吳振智表示，由於調查並沒有訪問穿梭中港人士，真實數字預料可能更高。

15%不抗拒第三者

　調查又發現，七成受訪者堅決拒絕第三者介入其婚姻，但一成受訪者的態度並不堅決，近15%受訪者在第三者問題上沒有抗拒，全不設防。不過，超過75%受訪者認為自己對配偶的感情專一，近20%受訪者覺得自己頗為專一，覺得感情飄浮不定者不足5%。

75%自覺感情專一

　共同參與調查的城市大學人文及社會科學院應用社會科學系講師鄭漢光博士表示，近年經濟不景導致夫妻相處時間減少，夫妻應嘗試用其他方法補救，例如經常打電話或電郵讓配偶知道自己的行蹤。

一夫一妻一生一世

　吳振智建議將每年的11月11日定為夫妻節，取其「一夫一妻，一生一世」之意，希望藉此宣揚對配偶忠貞的信息。大衛城文化中心將於本月11日在香港文化中心廣場舉行第一屆香港夫妻節，屆時將設有書展，並有婚紗攝影公司為夫婦免費拍攝婚紗照，並舉行專一夫妻選舉。

cathy_kong

愛情
           
      白雪公主，幾咁純潔無瑕。但係諗眞啲，白雪公主，識得嗰個係王子，灰姑娘識嗰個又係王子；有個有特殊嗜好，鍾意惜青蛙嘅女人惜咗隻青蛙一啖，隻青蛙變出嚟嘅又係王子！有冇人諗過根本個王子係同一個人呢？根本呢個王子都不知幾花心，周圍溝女，重無良到扮青蛙去溝添！

      情竇未開
           
      我第一次戀愛之前，我認爲自己就係楊過，而我同書裏面個楊過唯一唔同嘅地方，就係佢有隻大鵰。而我嗰陣，就鍾意撚呢個相思同畫眉多啲。同楊過一樣，我從來冇諗過要考第一。

               
      我祇需要愛情，祇要搵到我嘅小龍女，我就可以拋棄學業，退隱山林，搬入新界住。但係我一定要住西班牙別墅，我唔住得邨屋，我怕蛇蟲鼠蟻。然後每個月至多出一次市區，不過我唔會逗留得耐，問亞媽攞完零用錢我就會入番入去。

           
      冇錯，基本上，我由中一至中五都係喺呢種咁超然嘅思想下度過。嗰陣時學校最流行嘅辯論題目係：“中學生應否談戀愛？”我認爲，我哋應該辯論嘅係“中學生應否讀書？”

           而喺我第一次戀愛之前，我嘅小龍女祇需要一個條件，就係靚，我知我咁樣諗好膚淺，但係嗰陣時我重細，唔知道原來身材都好重要㗎。
      性
           
      聖人話:“食色性也！”食同色，好唔同！一個人無論幾鍾意食，會唔會畀幾十文入戲院睇套《蒸氣騰騰小龍包》？一個人無論幾鍾意食，又會唔會爲咗望一嚿冇包住嘅牛肉望到畀車撞？

      愛情
           
      戀愛唔係PART-TIME，你唔可以話：“愛！做完咪走囉！”戀愛係一盤生意，你要二十四小時諗住佢。自己生意，冇所謂PART-TIME正職。人哋放假或者過年過節，你更加要開OT添。行花市啦行海邊啦睇戲食飯啦……

           
      你有乜嘢競爭對手呢？我冇競爭對手！？你估你係專利巴士公司啊？港巴都執咗啦！有冇考慮結婚？噉就要向公眾交代，噉就即係上市啦！所以，“中學生應否談戀愛”唔係問題，問題係“人類應否有兩份全職工作？”

           
      你再拍拖，需要知會你老闆：“老細，我出面搵咗份戀愛，我眞係好需要呢份戀愛，不過公司啲嘢我會照做，我兼顧到㗎。”然後你老闆會話：“噉你不如搵多份戀愛，咪直情唔使返呢份工囉！”

      新鮮
           依家啲人溝女，對條女最大嘅要求係乜啊？唔係靚，最緊要，係夠新鮮！
           
      乜嘢叫做夠新鮮啊？就係話，溝咗一年嗰個，就唔夠溝咗半年嗰個咁正。因爲半年嗰個新相識，新鮮啲。同樣，溝咗半年嗰個，就唔夠三個月咁正。溝咗一個月就唔夠半個月嗰個咁正。溝咗一日就唔夠半日嗰個正，如此類推，終於……溝咗嗰件，就唔夠未溝嗰件咁正！

           噉即係點呢？重溝唔溝好呢？一溝就唔正？！
      女人偉大
           黃：喺愛情之中，女人最偉大！
           男人嘅犧牲，就爲咗追求美麗；而女人嘅犧牲，就祇係得到一個麻甩佬！而最偉大嘅係佢哋根本唔覺得係犧牲。
           如果你話畀一個女人聽：“喂，你男朋友有口臭！”
           張：車，人梗有局部缺點嘅！
           黃：佢重有臭狐同香港腳喎！
           張：噉佢咪好平均咯！
           黃：佢啲鼻鼾聲唔使較咪啊！
           張：我男朋友一定係夢見我，我開心。
           黃：佢屙尿亂咁啡！
           張：好壯啊！
           黃：佢啡完唔洗手！
           張：邊有男人洗手㗎！
           黃：我有！
           張：乸型！
           黃：佢重講粗口啊！
           張：但係佢心地好！
           黃：佢喺電梯度食煙喎！
           張：公眾場合都唔畀食咯，佢咪呢埋一邊食囉，你哋重想點啊！你係咪想逼死佢？！係咪想逼死佢？！嗚～～～

注：本资料由广东工业大学风花说粤协会提供