[转]烂GAG全集

晴为他思

[转]烂GAG全集 1.李雲迪最怕咩? 美源髮彩(冇得彈) 2.殺手最中意用咩番榄沖凉? 殺手锏 3.大明養小明,甘邊個養大明? 狗(久仰大明) 4.咩動物成世都唔會長高? 龜苓膏 5.你考第一名個張獎狀叫咩名? 頭名狀 6.王师奶教整奶黄包,陈师奶教整莲蓉包,咁咩教整叉烧包? 称寻磨 (称寻磨教叉烧包) 7.有一隻錶如果冇電就要換電啦...有一隻錶會自動加返D電 個隻錶叫咩名? 回力錶 8.咩豬係得1隻腳? 珍寶珠 9.咩豬系冇腳? 珍珠 10.咩豬最乾淨? 碧麗珠 11.麥兜自己沖涼，估一近代文學作家名 朱自清(豬自清) 12.恭喜發財，估一國家名 比利時(比利是) 13.毛澤+東求雨,估一種運動用品 羽毛球(雨毛求) 14.小矮人們偷睇白雪公主沖涼,估一種飲品 七喜 15.咩粥最鹹濕? 及第粥(及底粥) 16.咩生果唔打字? 蕉(不打自招--不打字蕉) 17.咩生果最容易種? 蕉(中招) 18.咩係最唔保值? 蕉(朝不保夕) 19.咩毛最普通 Normal(普通) 20.咩爐最鬼臭? 多士爐(多屎爐) 21.咩公共地方掠衫最搵自己笨?? 欄杆(難乾) 22.咩動物最中意同燒賣發生性行為? 蝦(蝦餃燒賣) 23.電腦鍵盤邊粒掣最靚仔? F4(F4...言承旭,周渝民,吳建豪,朱孝天) 24.咩動物最鐘意聞底褲? 豹(豹聞底褲) 25.咩食物會講大話? 雪芳蛋糕(說謊蛋糕) 26.咩生果可祝人長命百歲? 蜜瓜(勿瓜) 27.咩科我地應該唔理佢?   物理 28.點解呢個世界上有東京、南京、北京但冇西京? 因為西經比唐三藏拶咗 29.學生最怕食咩魚? 東星斑(d0n't升班) 30.大雄做錯事,俾阿媽罰跪地三個鐘.呢個時候,叮噹拶咗樣咩法寶出黎幫大雄呢? 自動柜員機(自動跪完機) 31.點解大家甘討厭非洲人? 黑人憎 32.有間名牌鋪頭一折大減價，有個女人走左入去掃貨，但佢買完出黎之後就死左,點解? 抵死 33.點解小瑪和小亞都相信小何? 亞馬遜河(亞馬信何) 34.蘋果汁係蘋果味，橙汁係橙味，咁益力多係咩味? 你今日飲左未 35.见到蟹柳要同佢讲咩啊? "你唔好扮晒蟹" 36.小白加小白等於咩? 小白兔(小白Tow) 37.劉備,關羽,張飛,三個人去電影院看電影,後來趙雲來了但是票賣光了.為什麽最後趙雲還是進去看電影了呢? 關於張飛劉備趙雲.(關羽張飛留俾趙雲) 38.阿拉丁有3個阿哥,佢地叫咩名? 阿拉甲 阿拉乙 阿拉丙(甲乙丙丁) 39.HK啲肥仔多數姓咩? 死(死肥仔) 40.邊個高官賑災最叻? 羅范椒芬(攞飯焦分) 41.猿猴、廢紙、鉛筆，用咩可以將呢三樣也連起來? 原子筆. (猿紙筆) 42.點解超人件3咁窄? 因為佢件3寫住"s"(細碼) 43.隆胸兩邊隆哂要一萬，但隆一邊只需三千，估一四字成語 一波三折 44.A、B、C、D、E、F班，邊兩班最難教?   c同e班(伊斯蘭教) 45.蛇A至蛇Z，邊條行得最慢?   蛇C(余詩曼"蛇C慢) 46.拉乜野可以學到野？ Library(字典) 47.英文有廿六個英文字母，當E同T走左之後，會剩低幾多個英文字母？ 21 個(ET搭UFO走左) 48.大口仔搽紅唇膏，估一英文生字 Direction(大red唇) 49.1-10數目字裡面,邊個數子最懶,同邊個數字最勤力? 最懶係"1",最勤力係"2" (一不做,二不休) 50.六減二幾時等於零? 做六噶手勢果時 51.阿明同阿去打劫銀行，但事敗逃亡但d警察追捕果時唔追阿明，淨係死追阿珊,點解? 喜瑪拉雅山(起碼拉阿珊) 52.花店賣花,電器店賣電器,甘教堂賣咩? my god 53.多啦A夢感冒會傳染比邊個先? 大雄(「野比」大雄)

晴为他思

綠豆撞落條柱度,變左做咩?
紅豆(佢流血,染到變左紅色)
綠豆撞鬼,變左做咩?
青豆(佢嚇到面青青)
有鯊魚食左粒綠豆,條鯊魚變左做咩?
綠豆沙
香蕉熟左跌落地,變左做咩?
茄子(因為條香蕉跌到瘀左,變左紫色)
過左一日之後,又變做咩?
香蕉  (佢散左瘀喇)
米噶妈妈系邊個?
花(花生米)
米噶爸爸系邊個?
蝶(蝶恋花)
米噶外婆系邊個?
妙笔(妙笔生花)
米噶爸爸系邊個?
爆米花(抱过花又抱过米)
米噶老公系邊個?
柴(柴米夫妻)
米噶鄉下系邊度?
“鱼”(鱼米之乡)
暗恋米噶人系邊個?
炊(无米之炊)
米噶学名系咩?
老鼠(米老鼠)
米唔系蝶噶亲生女,點解?
米噶亲爸是海(海上花)
咩動物最串?
羊(叫聲-咩)
有一日小明行行下街果時覺得隻腳好酸,點解
原來小明踩中左舊檸檬
咩玩具唔可以係船玩?
爆旋陀螺
有乜野慘過食舊屎?
食兩舊屎
郭富城唱咩歌？唱"這歌"；去中國唱咩?
"唱"人民幣
讀完中五讀乜?
讀下午
點解唔可以係船上講笑話?
因為個海聽到會笑，咁就會引起海嘯
食乜野昆蟲會瘦?
蟻(食蟻瘦)
去小明屋企禁極門鍾佢都唔開，最後講左一句乜小明先去開門?
「我來自德成」
樹邊部份最得閒?
葉(葉得閒)
原來「瑜珈」的創辦人係兩個中國人，但係佢地只係創立左一大堆理論，佢地究竟係邊個呢？
孔子、孟子
達文西密碼上面是咩?
達文西帳號
點解小紅帽的胸部甘細?
奶奶俾大野狼吃咗
食得檸檬多會傷架喎，傷咩呀?
傷心
豬肉榮賣豬肉，菠菜蓮賣菠菜；咁衛蘭賣咩?
「My love my fate」
檸檬最怕咩生果呢?
柑(柑橘檸檬)
點解鷄會冇毛?
飛甩雞毛
窩打老道的老豆叫咩名?
窩打老豆
小明自己做暑期作業，第二日，佢死左,點解?
自作業，不可活。
睇完**之後要做咩?
睇B片(VCD系分開兩隻)

咩動物識桌球?
鷹(英式桌球)
有一塊火腿同一條腸仔放左落同一隻鑊度，點解佢地唔傾計?
佢地未熟
皇后似咩?
廣場(皇后{像}廣場)
咩植物識溜冰?
花(花{識}溜冰)
有咩島唔係四面環海, 除左安全島之外?
吉之島
牛驚咩植物?
牛(牛{怕}葉)
蜘蛛俠最驚咩
殺蟲水
流星花園首主題曲叫流星雨.咁陶大花園首主題曲係乜呀?
陶大宇
魚旦粉有魚旦,牛腩粉有牛腩..咁咩野粉有雪糕呀?
seven
世界上最貴既係咩菜?
巴菜
機械人最鍾意扮咩?
扮焦
1+1 幾時會=3?
錯個陣
咩野係最高?  
無比膏(高)
有咩再俾第一題o既野更高?
強力無比膏(高)
點解NDS會勁過PSP?
因為NDS可以屈機
點解PSP可以再勁過NDS?
因為PSP可以屈爆機
"ABBABAABAABBBBBAABBABBA" (從句子中猜一句問候語)
long time no see(c)
菠蘿係橙黃色 , 咩羅係綠色呢?
keroro
柯南病左 , 有邊個會探佢?  
名偵'(名偵'探'柯南)
一隻螞蟻有6隻腳 , 點解佢行過狗屎得4隻腳印?  
有2隻手要叉住個鼻
USA個細佬係邊個?
USB

點解白兔牌吻百蜜隻兔係男仔?        
一d都唔毑
狗會「汪汪」咁叫，貓會「喵喵」咁叫，咩會「咕咕」咁叫呢？
楊過(成日叫"姑姑")
拉登最想炸咩薯?馬鈴薯？？？？番薯？？？  炸薯條、????
喬治布殊(薯)
A君拎住個熨斗去水務局，B君駕車去公園，C君就戴住頂帽坐監，究竟佢地做緊乜?  
玩緊大富翁
點解小明俾人打，佢阿媽係傾面都唔救佢?   
俾人打到阿媽都唔認得
一隻蟻究竟用咩方法唔駛1分鐘就由香港去到美國呢?
地圖上面行
鸡鹅鸭去饮汽水,买左三只,但系唔够分,点解?
婀娜多姿(鹅啰多支)
鄧麗欣=十分愛, 咁邊個=十分勁?
藍精靈(藍精靈 十分勁 貪玩貪笑真要命 )
小明過馬路,明明綠燈,點解最後比車撞死左?
因為明明綠燈轉眼變成紅燈(鄭融-紅綠燈)
廣東出東瓜,廣南出南瓜,廣西出西瓜,咁廣北出咩?
聲(講不出聲)
陳奕迅鍾意邊個,唔鍾意邊個?
陳奕迅鍾意懷念,唔鍾意綿綿(從來未愛你 綿綿 可惜我愛懷念 陳奕迅-綿綿)
咖啡杯同玻璃杯玩踩鋼線,點解咖啡杯會跌左落黎?
咖啡杯都企不穩(Twins-丟架)
冬甩既爸爸係邊個?
多啦A夢(日文版既多啦A夢主題曲)
柴,米,油,鹽 有邊樣野唔係八十年代?
油(由不是八十年代 Cookies-心急人上)
如果獅子黎到要走快四步,老虎黎到要走快三步,咁乜野黎到要走快兩步?
財神(林子祥的-財神到)
足球姓足,排球姓排,藍球姓藍,柔道姓咩?
柔道姓"誕"(又到聖誕~~又到聖誕~~ 圣誕歌)
用身體上邊樣野可以修飾雙手?
毛髮(毛髮可修飾的一對手 beyond-真的爱你)
黑貓同白貓一齊過馬路, 白貓俾車撞低, 咁白貓會同黑貓講既第一句說話係咩呢?
喵~
身分證跌咗,點算?
執返
一個貨櫃車司機撞到騎電單車的人，貨櫃車司機受了重傷，而電單車騎士卻沒有事點解?
因為貨櫃車司機當時係係街到行緊,唔係係貨櫃車上
巴斯光年殺左條龍,後世人幫佢改左個花名,系咩?
殺龍巴斯
咩野要掉落水4次先會俾水沖走?
雀仔(有隻雀仔跌落水　跌落水　跌落水　有隻雀仔跌落水　被水沖去)

人心係咩色架?  
黃色(人心惶惶"黃黃")
爺爺的兒子是哪一種食物？
椰子（爺子）
用96猜一種飲品。
奶昔（nine,six）
用2.4.6.8.10猜一種食物。
蓮藕（雙數又稱偶數，題目的數字是連續的偶數）
有個人叫集擊,佢識左個新朋友,個朋友叫咩名呢?
自殺(自殺式集擊)
咩係唔可以雪凍既呢??
秘密(不能"說"的秘密)


為什麼放煙花時不會射到天上的星星?
星星係會"閃
為甚麼黑人愛吃白巧克力?
怕咬親自己手指
一千年前是過去，一千年後是什麼
現在(一千年前的一千年後)

高先生住係十三樓，佢出街時可以搭電梯直達地下，但如果返屋企既時候得佢自己一個搭電梯，佢一定搭到十二樓再上一層樓梯，點解
因為佢唔夠高按十三樓既制,so要上左12樓先
有三种動物在奧運會比賽三級跳，它們是猴子，狗和袋鼠，你估誰會贏？
猴子,因為三級跳一定要單腳起跳,其他兩隻動物都唔識單腳跳
有一天，一隻識听小小人話的馬騮贏得比賽，有三樣禮物比佢選擇： 一)現金五千元 二)相机 三)机票來回亞洲 經過主人說明禮物用途后，馬騮選擇了相机，點解？
相机,因為識自動變蕉
有一個頭戴安全帽，上面綁著一把扇子，左手拿著電風扇，右手拿著水壺，腳穿溜冰鞋，請問他要去那裡？
青山
一間牢房中關了兩名犯人，其中一個因偷竊，要關一年，另一個是強盜殺人犯，卻只關兩個星期，為什麼？
因為佢判左死刑

明仔：爸爸，點解會有兩個朗拿度？
爸爸：一個係朗拿度，一個係 C.朗拿度
明仔：咦，三國時代都有兩個馬昭喎
爸爸：邊度有呀？
明仔：一個係馬昭, 一個係司馬昭...
爸爸：............
老師叫同學們畫畫，落堂時，小明只交了一張白紙
老師：你幅畫叫咩
小明：牛吃草
老師：咁草呢
小明：被牛吃了
老師：咁牛呢
小明：牛吃完草走了

左：我０分添
右：咦！我又０分喎！一齊坐又０分，會唔會比人話作弊架？
左：係喎...我地錯埋d題一樣既...

話說熊貓哥哥同兔仔妹妹拍緊拖，但係屋企人都反對。
熊貓爸：你女朋友唔係好女仔黎架，飛左佢啦
熊貓　：點解咁講呀老豆  
熊貓爸：我上次睇playboy果時就見到你女朋友....


礼拜天放假，蚯蚓兒子閒著沒事，就把自己切成兩段，對打羽毛球去；
蚯蚓媽媽看到，就把自己切成四段自個兒打麻將去。
無聊爸爸受到兒子與老婆的啟發刺激，卻把自己剁碎在砧板上奄奄一息了...
蚯蚓媽媽聞訊趕來，驚訝又傷心地說：「老公，你這是幹嘛呀！」
蚯蚓爸爸虛弱地說：「我.......想 ...想...踢場足球」

[ 本帖最后由 晴为他思 于 2008-11-30 01:18 编辑 ]

MJ名字不能太短

烂gag王老五

水鱼

笑死我啦

水鱼

哎呀，加唔到分先

EMMANUEL

好好味既饺子

这个名字已注册

太劲啦

efficient

有点意思，，，支持下

衰斌

答案呢？

心酸祝福

笑死我啦！