|
|
本帖最后由 池中魚 于 2009-5-6 14:00 编辑
五一太无聊，一于上嚟吹水。
入广工之前就听讲依间学校女生少，但係入到嚟先发觉边係少，简直就係严重失调啦！然后有人安慰话会见到靓女，结果……远睇夸啦啦，近睇烂茶渣；背面好吸引，正面好吓人；朦胧美就已经唔错嘞，唔好强求睇得一清二楚。广工正门嗰几排“光棍”柱，已经成为各大高校嘅笑谈……
大一青头仔，净係识得睇住自己见得多嗰几个（讲真到E+都唔觉得边度靓）。大二开始经常走去二饭食饭，为咗睇睇有冇靓女，不过讲真，二饭二楼D餸係比较啱我口味，最衰白饭鬼咁少；靓女冇几个，反而係靓仔见到几多，有参考价值。大三个心安定好多，想搵个人一齐行到毕业，勤奋、有能力嘅女仔变得吸引好多，不过就嚟毕业，随缘啦。
吹咗咁耐讲番正题，有个女同学讲，其实靓女多数住喺六七楼，平时都懒得出嚟蒲头，饭堂、街边见到嘅多数都係光棍学院嘅女生，或者名花有主，所以广工女生先会“名誉扫地”。
不过自从今个学期同大一嘅一齐上课，见到嗰几个靓女，已经盖过我学院所有见过嘅女生，再次发觉“广工冇靓女”只係人哋讲得太过偏激啫。虽然依几位靓女嘅“丑态”我都见过，食完饭块面胀到好似个包，上完体育个样变得几残（尤其配合件难睇嘅短袖校服），不过都仲係相对出众好多。仲有高中嘅师妹，点解成日都会见到你，偏偏咁鬼高挑，搞到每次都唔敢行近。
三分长相七分装扮，欣赏啫，驶唛要求人哋素颜示人，只要唔好搞到大花面就得，除咗个别扮极都冇乜feel，仲少少讨厌（不过都仲係听到有人话好索，吹水话要去追，顶唔顺）。识得掩盖自己缺陷嘅人先容易得人钟意，但唔要虚伪。
师妹，相信之后会有更多狼群追逐你哋，师兄喺度祝福你哋。或者连降两级都仲会做你哋嘅跟尾狗嘅……唔知会唔会畀父母赶出门口，等你哋嚟收留咧？！（你肯我都唔肯）
我个人好佩服OP入边嘅SANJI，入得厨房出得厅堂，既可以令到喜欢嘅人大饱口福，又有能力保护心爱嘅人，简直就係好男人嘅典范。男人好色好正常，关键係要有胆识、绅士风度以及包容女人一切嘅气量！鼓起勇气正视女仔，够姜就去同钟意嘅人表白，默默付出，不过绝对唔可以做困扰人哋嘅事……你当人猪扒，人哋只会当你牛屎；唔了解人，就唔该积番D口德；善待她人，等于善待自己！！！
以下讲一个冷幽默
我去饭堂点猪扒，总係畀饭堂嘅人问我好几次係咪要鸡扒，烦——我钟意食“猪扒”，做乜问我要唔要“鸡”；我叫斋肠，人哋畀我蛋肠。
得出推断：广工多数人钟意叫“鸡”，唔要“猪扒”；宁愿食蛋，都唔想食斋。 |
|
IP卡
狗仔卡
发表于 2009-5-1 18:23
提升卡
置顶卡
沉默卡
喧嚣卡
变色卡
显身卡
不用那么夸张吧？？我觉得龙洞这边的女生还不错啊！！其实广工的男生也没有那么猴急啊！！哪有人说女生在广工很多狼群追逐啊？？师兄··太夸张了··
发表于 2009-5-4 10:04
