|
手拖手既感觉真系好啊
尤其系你拖出一个你中意既人
不其然就会有种幸福既感觉
轻轻甘手挽手
就已经可以感受到互相的浓情蜜意
将大家既距离拉得好近好近
每当我地手拖住手既时候
唔单止感觉到温暖仲有力量同信心
好似可以感觉到对方对对方既关心同肯定
呢一切美好既感觉其实都因为我地都爱对方
记得你曾经讲过
你好中意同我手拖住手
尤其系最中意我地十指紧扣既感觉
因为你觉得甘样好有安全感
而我地亦都拖住对方走过左好多好多既路
经历左好多,分享左好多
但愿系呢一世我地都可以十指紧扣
一起走埋下半生
两个人手拖住手真系咩都可以感受到
包括可以感受到我地既感情去到边一度
拖住既时候甜甜蜜蜜既感觉梗系好啦
但唔知由几时开始我就发现我同你手拖住手既感觉
已经唔同左了
虽然我地仍然系手拖住手
但我已经感觉唔到以前果种着紧同关心
睇住你同我一起既时候变得越来越恍惚越来越冷淡
真系让我觉得好不安
好难过
我真系好想问
其实你系咪已经唔再爱我呢
因为系手拖手既时候
我已经再感受唔到以前亲近既感觉
相反
我地既距离好似一日比一日甘拉开
变得越来越远
到左最后
我地双方都明白
系时候要放手
因为我地之间既爱情已经发出左死亡既信号
最后我将自己双手十指紧扣
为我地呢段爱情作出最悲伤既哀悼
不必告诉我爱情已死.......... |
|