|
路过up几句……声明下我唔係广工广播台嘅人先……
1、除佐中大广播台的确威水(地位竟然比学生会高,唔知上届台长係咪吹水喇),好多学校嘅广播台都係苦苦挣扎ing。最大嘅问题——设备问题。节目做得再好又点,D架撑老化&shot shot哋,一播出街就走晒样……要更新外在设备,例如喇叭,都颇大工程……
2、政治原因。咁讲好似唔係好确切,讲“上头原因”可能比较好。我唔知党宣传部对广工广播台支唔支持,牵制力大唔大。从拉赞助到播音,使唔使睇上头脸色。我哋学校个扑街打靶搞晒独裁+形式主义,物质上唔支持,对于器材申请长期得个拖字,最后都係广播台自己揾人用拉赞助得嘅钱解决;精神上处处牵制,根本唔放权俾学生按自己意思搞。当你哋一班人搞个project搞到差唔多,佢就走出嚟放P话唔得,然后搬自己一套TMD方案出嚟,完全唔尊重过学生嘅意愿同劳动。学期中又死出嚟话要搞裁员改组。大学城嗰边嘅后生仔初生之犊不怕虎据理力争,佢就放话要炒晒班人重新招过……我唔知广工广播台有冇咁绝望,不过如果喺类似嘅校部门领导下do嘢,唔使旨意有积极性同成效性。
3、广播台内部嘅管理、组织、节目策划之类,係需要时间慢慢完善嘅。部同部之间、人同人之间、广播台同其他学校部门之间,广播台同外界之间,好复杂……有好多牵制因素,非广播台嘅人可能係睇唔到嘅。好多问题,唔係广播台嘅人冇留意、发现唔到,而係因为某D因素解决唔到。想到,唔一定可以做到。仲有D嘢,我唔係广工广播台嘅人,唔适宜讲喇……
4、广播台从小学开始一直陪住我哋,如果有一日,学校里面嘅广播台忽然间冇佐,大家唔会觉得少佐D乜咩?宜家广播台做成点都好,你俾佢满分又好合格又好负分都好,毕竟都係一班校友嘅劳动成果,一把声背后可能係N个人嘅心血结晶……毕业后,想听番广播台都几难喇……
讲到颇语无伦次……皆因颇激动……
[ Last edited by AI4 on 2005-7-17 at 17:43 ] |
|