|
|
本帖最后由 maggie0316 于 2010-6-29 13:54 编辑
看了某位楼主的“小小沟仔经验”。发现男仔真系好贱格的动物来噶。
讲俾大家知啊，
最近有个年纪细我3年既男仔聊我，我觉得距系我中意既类型，开始有小小心郁郁添。
事发系某个周末唱K的时候遇到既，原来见过几次面，但系无咩点倾过计，不过距居然主动问我拿电话号码，然后果晚就不停咁发短信直至我训教，问一D好试探性既问题，例如“你点解唔同男朋友出来玩既？/我地咁样都遇到系米算好有缘分呢？/我唔想叫你姐姐喔，可唔可以叫你名啊？/仲有，你会唔会中意细过自己既男仔噶？、、、”等等，搞到一向对男人保持高度清醒的我突然有DD乱喔，点解会乱？可能因为距系我中意既果种阳光型男仔。
第二晚，距又发信息俾我，发左几条之后，就叫我加距QQ，but加左距Q之后，就无再主动稳过我了喔，好似各不相干咁样，同距QQ的时候又顾住打游戏机，隔鬼死咁耐先复人。。。好激气啊。最搞笑既就系，我同距88既时候，距竟然识得讲“SORRY吖，今晚闷亲你啦”，真系晕。。。
我林紧距会唔会系耍我呢。发口痕聊女仔啊？？但系有一日落雨天，我发信息俾距，叫距小心揸车果阵，距又表示出好开心噶喔。真系令我好PUZZLE添。
咁既然如此，点解叫人加距Q啊，加左距之后，乜又对我咁冷淡噶。虽然我都知道唔可以俾男仔牵着鼻子走，但唔知系米我个人比较淹尖呢，觉得遇到一个自己有FEEL的男仔唔容易，点样先可以知道距惗紧咩呢？
时间？
有无高手教路啊？？
一个月之后，呢个男仔送货来我公司，其实见到距真系几开心噶。不过点解见距真人，同发信息的感觉咁唔一样噶呢？我觉得距惗问题的时候眼神总系在晃，但系同距讲野果阵，距对眼就好无畏咁直视我（呵呵）。见面都唔到两分钟，我同距讲“我走啦”。然后距就系我身后讲左句“我下次约你吖”，我令转身同距笑左下，就走左了。呢个反应算唔算高姿态呢，but我心里面几期待距date我噶喔，唔知几时呢。死啦，中毒太深了。我开始有小小理解天枰座的男仔点解会咁飘忽。而且所有的事情系距地眼里面都系漂亮的。
当我翻到自己个位时，距短信就来了（真系搞唔明，点解距总喜欢响人地离开后发sms噶呢，仲叫我得闲多D稳距，我都觉得好可笑），其实距既甜言蜜语真系哄得我好开心，不过我对距既了解，就仅仅局限于几条短信几个电话同埋见过几次面咁大把。到底距系一个点样噶人呢，我咩都唔知，又咩都好想知。我承认，双鱼座的女仔系个超级喜欢浪漫的人。可惜，距比我更浪漫，真系好似梦一般，感觉好唔真实。成日都话忙忙忙，都唔知忙D乜。。。
今日有个客户话觉得我个人好nice,想介绍距个表哥俾我认识，距话其实觉得我都快到适婚年龄了，距表哥应该系个不错的选择，收入高，人品又好，但距大我11年喔，我一听，几乎吓一跳。距离会唔会远左D啊。
其实太岁系咪玩紧我呢？一系就俾我遇到个咁细既，一系就大成个年代，想点啊？？？？？？？？
好迷失。
(6月)
既然写左个开头，好应该写埋个ending既。
六月下旬，雨一直下，一直下，下个不停。我问天，你哭够了没有，哭够就停雨吧，整个南中国都浸了。
现实都系好残酷既，虽然距唔系一个坏人，而且仲几肯帮人添，呢一点令我稍微觉得几值得高兴，但系距年纪比我细，就系细，思想真的好幼稚，而且真系好神经质添，做事同讲话根本不会理会人地的感受的。时间，真的可以帮我睇清楚一个人，今日，梦醒了，不再幼稚，与其泥足深陷，不如赶快放弃。距之前话我听无女朋友噶，昨日系距同ex既纪念日，距竟然俾个BLOG我睇，系距地既照片同埋日志（啋撞鬼，咩纪念日啊，又唔系死鬼左）。当时我敲键盘的手指真有点颤抖了，我不停地闹距“好过分、点解可以咁样、好残忍”，情绪有点失控添，可能自己打左咩字都唔记得了。。。然后距不停咁讲“你唔好嬲住，唔好嬲，对唔住，我做错左”……点解有人可以咁粘线，到底系咩用意，今日，个女仔原谅翻距，距地复合左……呵呵。天下间真系有咁多怪人既。我觉得自己真系好Q，好蠢，好Q蠢，我贪心，留恋呢种初恋的感觉，估唔到，几年后，遇不同的人，居然受同样的伤害。
不过我长大了，今日眼泪一滴都流唔出来，觉得眼泪不能这么廉价，不值得。
写呢个结局其实无其他意思既，只是觉得结束了，梦醒，就应该对自己有一个交代。感激我的好朋友，感激工大后院好多同学仔，你地既评论经常都会令我发笑。哈哈
男孩，我喜欢聪明的、有勇气的。他唔一定要有型靓仔，唔一定有万贯家财。但系他必须有胆识。呢个年代，边个无过去吖，但系过去就系过去。你挖个洞埋左距又好，扔进冰箱雪藏又好，总之，我唔会拿出来hurt人，尤其系疼爱我关心我的人，更加唔会一辈子记住。boys ,如果你地下一次遇到喜欢的女孩，不要拿前度来刺激人；如果你们没有勇气抛低过去，不要轻易去敲开女孩的心扉，相信女孩最希望听到的三个字永远不是“对不起”。
完毕。
批评我接受。 |
评分
-
1
查看全部评分
-
|
IP卡
狗仔卡
发表于 2010-4-14 16:26
提升卡
置顶卡
沉默卡
喧嚣卡
变色卡
显身卡
约距，揾个借口叫距请你去一个餐厅食晚餐，等距送你翻屋企，然后暧昧眼神电电距，收工，等距又心思思下
