|
|
楼主 |
发表于 2007-3-31 22:10
|
显示全部楼层
关于一般比较多人提及到既问题如下:(各位靓靓,睇完帮到大家既``记得回贴啊!唔明既可以提出!哈)
Q:点去痘痘?
A:简单!千其唔好剂距,搽去痘既野就好了,
个人推荐李医生既暗疮水.VA酸乳膏,邦力牌药膏,对付痘痘效果不错的!
唔嫌贵既```我觉得VICHY同理肤泉既去痘调理系列产品效果一样唔错!
另外唔好多手去搞距,剂距!饮食方面尽量清淡``唔好捱夜!
仲有!!记得记得夜晚最好12点至2点依段时间好好休息
可以既学到早训,因为依段时间系皮肤新陈代谢既时候
得到适当既休息,皮肤就会靓啦!!!
Q:点去痘印?
A:去痘印其实可以买D维E胶囊,吉穿距搽系有印既地方
另外,混合性同油性皮肤要一个星期去两次角质,干性同敏感既皮肤就一个星期一次
去完角质之后就敷美白既MARKS!
而且可以搽D美白既面霜,因为美白既产品都可以帮助到去印
Q:点去黑眼圈?
A:黑眼圈既形成系因为眼部血液唔循环而导致既
可以用热毛巾敷下对眼,令眼部血液循环好D啦.
另外可以按摩下眼部既穴位,敷眼膜```
平时护理```可以KEEP住搽眼霜,因为大部分眼部问题,唔可以等到出现先去解决
即使未必能够去除黑眼圈,但系都可以帮助到其他眼部问题咯!!
最后提醒大家都系一定要早训```毕竟黑眼圈系捱出黎既!哈哈!!!
Q:毛孔好大点算啊?
A:毛孔大系因为面部油脂分泌得多而撑大毛孔形成既!或者剂黑头,粉刺,痘痘而导致
毛孔大咗就无可能再收细,市面上任何产品话可以收细既都无可能的!
除非做彩光嫩肤既手术啦```我哋只可以唔好比距再大!
一般20几岁以下既年纪,毛孔大既情况应该系油脂分泌得多,而撑大咗毛孔
又或者唔识点护理皮肤而导致.
解决既办法就系多D敷补水既MARKS.做好保湿既功课(即搽D保湿既面霜)
做到水油平衡,毛孔就唔会再大了!
另外可以试下"露得清"既TU面膜.距含有水杨酸,可以收紧毛孔.
平时洗完面记得拍爽肤水令到皮肤水份充足D.选择爽肤水亦可以睇下成份有无水杨酸
但系敏感皮肤要选择温和D,而且唔可以含有酒精成份既爽肤水!!
Q:点样可以白D?
A:除咗外用美白产品之外,可以用意米煲水饮,不过依个方法要长期先有效!
亦听讲过话用洗米水洗面都可以美白的
美白既产品我推荐Regene 3.7牛乳依只美白保湿面膜!效果好好!!
另外OLAY美白系列既MARKS都应该唔错!
唔嫌贵既可以选择KOSE既雪肌精,依只系列既产品口碑都好好咯!!
Q:咩叫去角质?点去?
A:去角质既产品一般有磨砂既洗面奶或者一D去死皮既产品
一般油性同混合性皮肤一个星期最好做两次去角质
而干性同敏感性就一个星期一次
我个人推荐NUSKIN既磨砂！我用紧```超好用啊！粒子好细，冲洗之后好滑
另外贝佳斯既绿泥面膜具有深层清洁既功效,唔用磨砂或去死皮产品,可以敷依个泥作去角质用!
记得去完角质之后敷块补水既MARKS,吸收好好多咖!!!
Q:点解要去角质?
A:因为年轻既时候,我地新陈代谢快,角质层会比一般上年纪既快厚
反而年纪大,新陈代谢慢既时候就无必要做过多既去角质工序
而且一个星期两次,或者一次,绝对唔算多咯!!
角质厚除咗营养入唔到皮肤里面之外,仲会产生好多皮肤问题,
痘痘,粉刺,黑头```都系因为角质层增厚而令污糟野阻塞毛孔导致既!!!
所以就要适当既去处角质喇!!
Q:点去黑头好?
A:去黑头可以用鼻膜.一个星期一次
个人推荐李医生或者KOSE既茶爽控油鼻膜
去完之后记得记得拍番爽肤水,收细翻个毛孔!!
去黑头之前,建议可以用热水既蒸汽熏下个鼻``令到毛孔扩张,再搽鼻膜甘效果会好好多
选择爽肤水可以睇下有无含有水杨酸,因为距依种成份可以收紧毛孔 |
|
IP卡
狗仔卡
发表于 2007-3-31 22:09
別打我，我只是轉貼
提升卡
置顶卡
沉默卡
喧嚣卡
变色卡
显身卡
发表于 2007-3-31 22:20
