|
|
今日系出年北京奥运开幕倒数一周年。
有人问，你最唔想喺开幕式上面见到乜嘢？我第一个反应就系最唔想见到乡下佬导演作威作福！
事关佢搞亲出嚟嘅都系垃圾！大陆灿话唔想见到啲京剧表演。我马上回应，开幕式上面应该做粤剧！
点解呢？因为粤剧系最多外国人睇过嘅中国剧种，而且亦系帮中国赚最多外汇，帮中国政府搭起
最多沟通桥梁嘅中国传统戏曲！
当年太平天国起义嘅时候，粤剧界人士李文茂已经率领粤剧艺人参加起义队伍；到咗推翻清政府
嘅时候，粤剧界为革命党出钱出力，不但经常筹款资助革命党，而且经常掩护革命党人逃避清朝政府
嘅追捕；到咗孙中山搞革命嘅时候，唔少粤剧艺人参加同盟会，例如红线女嘅伯公邝新华等；当然，
粤剧界为革命筹款从未停过。
早喺９·１８事件之后，由名记者任护花编剧、靓少佳主演嘅《粉碎姑苏台》，借范蠡之口发出
咗“报仇雪耻”之声。所以，抗日嘅形势更促使粤剧人马积极响应。
１９３７年，七七芦沟桥事变标志住日本帝国主义发动全面嘅侵华战争，亦标志住中国人民抗日
战争嘅全面爆发。７月１２号，广东八和戏剧工会喺广州海珠戏院演出粤剧，筹款支持前线，其中嘅
会员余庆云（即系花旦新瑞香）为组织呢次活动最为落力，任劳任怨；著名花旦谭秀珍（１９７７年
曾任美国纽约八和会馆主席，捐出自己喺广州嘅西关大屋作为兴建“世界八和大厦”之用）正喺香港
拍电影，亦专程赶返广州参加义演。２５号嘅晚上，薛觉先、白驹荣、曾三多、唐雪卿等人亦决心为
前线演好戏。薛觉先剧团演出《貂蝉》时，喺说明书上写道：“欲国不亡，先振人心，戏剧更负社会
教育之重责，系哀乐盛衰之机枢。欲使吾民兴爱国之热忱，挽狂澜之即倒，不有斯作，何以洽衷，观
者取其意义而取其精神，抗战兴邦，赖此多矣。”爱国艺人关德兴更率团到美国演出募捐，买咗１１
架飞机捐畀前线。
１９３８年广州被日军侵占之后，粤剧艺人有啲到内地宣传抗日，有啲就出洋演戏宣传抗日义演
募捐。靓少佳、薛觉先、马师曾、白驹荣、罗品超、楚岫云、郎筠玉、红线女等去咗越南组班演戏。
“生关公”新珠先赴越南演出，后来去咗美国纽约、波士顿、三藩市等地演戏，并拍成电影。曾三多
（李寿生）同靓少佳于１９３３年组班赴大马演出，后来又同白玉堂等转到美国巡回演出募捐义演，
鼓励华侨抗日救国。
抗战胜利之后，广州粤剧艺人出洋少咗。新中国成立之后，唔少艺人先后返到广州，但粤剧艺术
已经喺各个侨居国流传至今。新加坡、马来西亚、美国、加拿大等国嘅广府华侨及华人多数都喜欢睇
粤剧、听粤曲，影响咗好多外国友人。
全国解放之后，粤剧界为咗巩固胜利成果、发扬革命传统，积极响应号召，为鼓励生产、为丰富
劳动人民嘅文化生活等方面都出咗唔少嘅力气。
改革开放前后，广东嘅粤剧团经常受外国友人、海外侨胞嘅邀请，前往演出，为祖国赚咗唔少嘅
外汇－－既为祖国建设提供咗资金，同时亦为中国同好多国家嘅友谊打下咗坚实而良好嘅基础！
喺好多外国人嘅心目中，华人所讲嘅Ｃａｎｔｏｎｅｓｅ就即系Ｃｈｉｎｅｓｅ，佢哋喜欢睇嘅
粤剧、听嘅粤曲，系中国传统文化嘅精粹。
因此，粤剧喺中国现代历史上嘅功绩，系不容置疑嘅！而作为好多外国友人、海外侨胞喜闻乐见
嘅中国传统表演艺术，２００８年嘅北京奥运开幕式上又点能够少咗粤剧呢？
http://general-lo.blogcn.com/diary,9449634.shtml |
|
IP卡
狗仔卡
发表于 2007-8-14 17:43
提升卡
置顶卡
沉默卡
喧嚣卡
变色卡
显身卡
发表于 2007-8-14 19:15
