|
男仔爱你既时候,要小心自己习惯人地对你好。有一句好多人讲好多人明但好多人做唔到既说话想同大家分享,就系:爱情令你忘记时间,时间令你忘记爱情。系咪听过呢?系咪明白呢?但系你地又系咪都犯过呢?我谂多数都会犯过,唔好彩既就会遇过。而家爱得好幸福既人多数会明前半句,但系唔明后半句,因为你地都唔会谂到你地有朝一日会分开。
爱你唔系必然
爱系一样好抽象既事来,你话佢有又好,无又好,总之你唔可以摆到一样叫爱既物件出来。男仔爱你系爱你,但佢爱几多极可能同女仔既标准唔同。佢爱左你之后系会有热恋既阶段。佢许下诺言既时候系会想守得住个诺言。但系好多人都误以为守诺言系人格既问题,但就忘记左个诺言系人许出来。个诺言要维持就要佢许下诺言既依然动机存在。爱你唔系必然,唔系可以改变,所以你亦都要努力维持。拍拖系要付出架。自己谂下自己有乜野值得人地保持住去爱你呢?虽然话去爱系无原因,但系爱落去就一定要有原因。
男仔唔系事必要就你
好多人都以为男仔系一定要就女仔,无可否认,但系有限度。佢点解要就你?同你系朋友就系会因为礼貌而就你,但系同你拍拖既时候就系因为爱你。系因为爱你咋!佢地就你既时候会觉得无所谓,又或者会有时觉得唔开心,但系就你会令你开心,你开心既时候佢都会开心,因为佢爱你。但系当呢种开心平衡唔到就你既唔开心,佢地就会唔想就你架喇。小心你地会唔会做得太过份呢?就你唔等于你大哂架,唔好去到尽,留番一线。仲要认识大家有D野系唔可以让步,但呢样野又好取决于你地睇对方有几重要。当然,你地可能唔好彩同一D自私既人拍拖。但系我只可以讲既系做好你自己。做好自己,唔好到时话佢唔够就你,唔爱你喇,有D野系有限度架。你开心时佢开心,咁佢先肯就你架嘛
[ 本帖最后由 過去是美麗的 于 2007-12-18 14:24 编辑 ] |
评分
-
4
查看全部评分
-
|