|
|
|
希望各位喺笑之余，都要认真谂谂以后帮啲仔女起咩名，一个唔小心改错咗真系害佢一世啊！
吴秀贞 哗, 唔受精？噉将来老公咪连套都唔使买？！
吴洁芬 唔……新时代女性，一于同居算
杨晞曈 阿爸阿妈真小心，惊我唔够氧气用
洪药瑞 跌亲都唔怕!
杨敬祥 都好劲下喎
车美霜 果然有容乃大……
毛仁爱 冇人爱都几惨
朱江 喺珠江上面出世？
辛宜雯 新嚟嘅移民？
胜育强 手毛长……
有一次因工作关系, 同人交换卡片, 佢递片畀我时好奇怪，耷低晒个头……我一望张卡片, 都忍唔住哈一声笑咗出嚟——因为佢叫“苏育宣“ （So 肉酸)，我谂佢系由细至大都畀人笑个名, 所以耷低头，谂落有点唔好意思添... （So Sorry)
我以前睇开个医生叫“高婉仪”，都几顶引呀！唔通专做男性泌尿科？!
重有，我以前有个师弟个名叫“杜雷”，都唔知个老豆系咪成日用杜雷C，用到上晒瘾！真大整蛊！
Simon Lo = 晒命佬
Ben Chow = 宾周
Peter Wong = 皮蛋黄
Joesph Lo = 早泄佬
Michael Tso = 咪x嘈
Billy CHOI Lun-cheung = 畀你吹lun胀
当去到酒楼轮位登记, 小姐会问你贵姓呀, 几多位呀。“卢先生, 3位。”如是者，当那位小姐用个mic叫你个number时，就会变成：“姓卢，3位……”呢间咩酒楼嚟架？玩SM架？
有次喺商场，有个男人唔见咗个仔，于是就揾security，帮手喺商场广播，话佢爸爸喺门口等佢……广播内容系如下：
“徐家权小朋友，你爸爸徐定富喺门口等你……”
两父子，阿爸叫李杰，个仔叫李仲杰
睇《大赢家》，有个角色叫施笙紫……
三兄妹：游咏富、游咏依、游咏慈……游世伯，咁大整蛊呀！
上次去台湾某银行畅台币，睇一睇柜面个名牌——个服务员叫“吴晓郁”……一行六人冇个忍到笑
我以前个班主任叫“吴树喜”，唔识得竖起，即系阳痿？
我识得一个老师叫“周有松”！！！！！好好笑！！！
重有，有冇听过人叫“陆浩昌，伍浩昌”？——“陆浩昌先生，请即到5号窗；伍浩昌先生，请即到6号窗！”
以前某科有两个副科长，一个姓徐，一个姓邱，而且两个系死对头，梗系啦，一个除裤，一个邱裤。
其实联婚都好好笑，例如：赖廖联婚，赖史联婚，柯史联婚，等等
其实日文名都可以好好笑，例如：吉川春代子，吉川富郎，条野吉村富，菊行条野，金其良美，卜野太郎……
我有个初中同学重搞呀！佢叫“谢津业”，喺高一军训嗰阵畀个军佬用国语大声点名。结果变咗做“射精液”，我哋笑到趴咗响度，连个军佬都忍唔住笑。由于响初中我哋学校用广州话教学，所以3年都唔知佢有个噉嘅花名。
赖史洛夫李米以维奇（俄罗斯名）
我识得个师兄叫黎越荆
一对夫妇生一子名叫笨。一天，阿笨突然离家不返，于是夫妇二人到差馆报案。警员问夫：“你叫咩名？”夫答：“李广仙”，警员又问妇：“你叫咩名？”妇答：“吴港住。”警员大怒说：“噉你哋嚟做乜？”夫妇大声齐答：“揾李笨。”
我有个friend叫马熙帆啊！搞到个个见到佢都话麻X烦，哎！改个噉嘅名真系嘛X烦咯！
>西式 ~~~~~~~~ 歐周聯婚
>中國式 ~~~~~~ 莊香聯婚
>果汁式 ~~~~~~ 陸寶聯婚
>無奈式 ~~~~~~ 何府迎親
>緊急式 ~~~~~~ 馬尚聯婚
>糖黐豆式 ~~~~ 張胡聯婚
>劇毒式 ~~~~~~ 劉黃聯婚
>來賓式 ~~~~~~ 龔賀聯婚
>草根式 ~~~~~~ 龍民聯婚（按：“龙”与“农”发音本不相同，谐音实为l、n不分所致）
>午餐式 ~~~~~~ 伍范聯婚
>鼓樂震天式 ~~ 羅古聯婚
>奉旨式 ~~~~~~ 魯馮聯婚
>開胃式 ~~~~~~ 莊樊聯婚
>不負責任式 ~~ 吳李聯婚（按：“唔”与“吴”发音本不相同，谐音实为ng、m不分所致）
>高貴式 ~~~~~~ 黃金聯婚
>大開殺戒式 ~~ 湯朱聯婚or湯楊聯婚
>百年歸老式 ~~ 宋鍾聯婚
>動物園式 ~~~~ 洪朱聯婚or楊馬聯婚
>身體式 ~~~~~~ 侯龍聯婚
>賤人式 ~~~~~~ 毛梁聯婚
>偷懶式 ~~~~~~ 佘王聯婚
>連續式 ~~~~~~ 畢段聯婚
>香煙式 ~~~~~~ 洪萬聯婚
>地下式 ~~~~~~ 施夏聯婚
>古惑仔式 ~~~~ 江胡聯婚
>水果式 ~~~~~~ 香招聯婚
>排泄物式 ~~~~ 史廖聯婚（按：“廖”与“尿”发音本不相同，谐音实为ng、m不分所致）
>洗手間式 ~~~~ 柯史聯婚or柯廖聯婚（按：同上）
>失禁式 ~~~~~~ 劉廖聯婚or賴史聯婚（按：同上）
>馬桶式 ~~~~~~ 莊史聯婚or莊廖聯婚（按：同上）
>沖廁式 ~~~~~~ 柯袁聯婚
>重有一個係好恐怖 : 就係——>葉袁聯婚!!!!! |
|
IP卡
狗仔卡
发表于 2004-10-4 19:21
提升卡
置顶卡
沉默卡
喧嚣卡
变色卡
显身卡
