|
|
放假头两日就睇完《最后之舞》。睇咗韩剧咁多年，成日睇住D人爱到要生要死，唔係依个有病就係嗰个出意外，睇到好鬼厌烦（宜家仲有唔少中国电视剧套用韩剧依一套准则，完全照搬，加之演员同景色都无法同韩剧可比，根本不屑一看）。《最后之舞》算係个小小异类，爱情依然係主线，不过相对比较励志。王子同灰姑娘嘅爱情永远都係最令人羡慕，女主角恩秀嘅善良、坚强，男主角贤宇嘅知恩图报、敢爱，睇咗都好鬼感动。
A.恩秀两父女救咗遇害失忆嘅贤宇，并冇因为怀疑贤宇嘅不明身份而不负责任，反而令佢慢慢成为屋企嘅一份子，救人救到底，依种好人世上少有。B.男女主角嘅恋爱开始于两人嘅共同生活，相互了解，相互依赖，都愿意为对方付出，依种爱先会可靠。C.恩秀父亲知道两人相爱，先係因为贤宇身份不明，要佢离开恩秀，之后又重新接受贤宇，要佢好好守护爱女，依一切都係出于一个单亲老豆嘅爱，父女情深。贤宇阿妈对仔嘅爱，以及贤宇两父子最后相互理解，亲情始终係我最想见到嘅。D.贤宇返咗屋企却忘记失忆期间嘅事，恩秀了解到情况，毅然放低家业，一心就係想默默守护佢爱嘅人，为咗贤宇嘅幸福可以不顾一切，遇到唔少磨难都默默忍受，咁样嘅女仔点可以唔爱。E.恩秀嘅大度、贤惠，因为某人以死威胁而弃爱，仲要不图回报，依种“傻女”越发令人深爱。F.贤宇作为有钱少爷但冇有钱仔脾气，知书识礼，一心追求自己所爱，真正王子气质煞死女。单单对恩秀用情之深，就可以讲係一个完美情人。
@@两人嘅爱情堪称经典。勇敢——无论对方係点嘅人都无所谓，只要从自己嘅真实感觉出发就OK；伟大——心入边都係为对方嘅幸福着想，愿意默默忍受痛苦；矢志不渝——相爱之后心入边就永远只得另一个，其它人都冇办法插入；理智——爱情同亲情处理得好好，爱可以无视任何阻碍，不过始终要等父母谅解、接受。现实太多“无情无义”，或者只有咁样嘅剧情先会令人触动、羡慕、向往。
@@寻日睇完《至尊玻璃鞋》，虽然部分搞怪好无聊，而且感情转变太快，情节唔够环环紧扣，但係入边嘅情感问题都好有现实感。有人因为自己靓仔（靓女），从嚟都只係将拍拖当成游戏；有人只会注视住自己钟意嘅人，就係唔会发觉身边一直默默支持佢，喜欢佢嘅人，仲要不断利用、伤害身边嘅“好友”；有人拥有嗰时就唔识珍惜，人哋为佢付出觉得好应该，失去嗰时先知重要，想要挽回，不过已经冇后悔药食；有D傻仔傻女，一直将爱埋藏喺心底，人哋都唔知，又点去爱你；亦都有人爱得好幼稚，唔係你嗰时可以扮得好大方，係你嗰时又疑神疑鬼，最怕无理取闹嘅人。
不过我亦都几钟意傻人，愿意默默付出，只係为咗喜欢嘅人可以多望你一眼，同你倾多句偈；有D人外表粗狂冰冷但其实内心好温柔好细腻，喺你最唔开心嘅时候总係识得点样开导你，助你摆脱困境，依种人都好受欢迎。
戏入边涉及师生恋、同性恋，不过相爱就好，世俗本身就係腐朽愚昧，两个人相互信赖就唔驶理世俗点睇。（虽然我就顶唔到世俗嘅压力嘞）
@@综合嚟讲，我唔明点解D人爱得咁癫，咁易为爱受伤，其实真心为对方着想、付出并唔多；点解就係为咗个唔爱自己嘅人咁死心塌地，反而对真心对待自己嘅人不闻不问，仲要唔自觉咁不断害己害人；除咗美貌，有冇认真去了解过自己钟意嘅人，爱嚟得易去得更快；爱情有时真係好盲目，爱佢可以不顾一切，甚至你爱嘅人比爱你嘅父母更重要；冇爱情唔通会死，真命都未出现就求其搵翻件，咁对大家都公平咩……总之现实见到嘅嘢留低一大堆？？？？？？？
最后推荐两出电视剧入边嘅好歌 https://www.gdutbbs.com/thread-238918-1-1.html
有心机，第三段开始睇；冇心机就睇标@@三段啦
[ 本帖最后由 池中魚 于 2008-7-21 23:26 编辑 ] |
|
IP卡
狗仔卡
发表于 2008-7-21 22:06
提升卡
置顶卡
沉默卡
喧嚣卡
变色卡
显身卡
发表于 2008-7-21 22:13
