冇人听得明嘅「香港正音」

猪，你就系～～

请先学习香港所谓“正音”：
纠缠：(香港‘正’音)狗缠
强劲：(香港‘正’音)强敬
参与：(香港‘正’音)参预
证券：(香港‘正’音)证劝
刊物：(香港‘正’音)顸物
活跃：(香港‘正’音)活药
弹丸：(香港‘正’音)弹元
覆盖：(香港‘正’音)埠盖
坎坷：(香港‘正’音)扻可
综合：(香港‘正’音)众合
购买：(香港‘正’音)够买
屋檐：(香港‘正’音)屋盐
纠正：(香港‘正’音)狗正
姓任：(香港‘正’音)姓淫
酗酒：(香港‘正’音)去酒
妖音：(香港‘正’音)腰音
藉口：(香港‘正’音)直口
咄咄逼人：(香港‘正’音)掇掇逼人
构造：(香港‘正’音)够造
智慧：(香港‘正’音)智卫
好，大家记住上边嘅读音规律，阅读以下文章： 　　狗缠咗好耐嘅正音由一个强敬嘅何文汇教授作后盾，参预呢次正音运动嘅人士有各行政人员、证劝界人士，以及某些顸物都急於跟从，正音运动从此活药起身，弹元之事埠盖整个小香港，搞到风风雨雨，休憩自在嘅民众从此扻可也。众合电台电视台及民间是是非非，人人都要去书城够买字典，晚晚坐在屋盐下重新学习狗正发音，连人家个姓都要佢去教人点读，人家不喜欢淫荡，威逼人家姓淫。只准人家去酒不准人家煦酒，否则称为腰音，还引述种种直口去为自己辩护，掇掇逼人，企图够造一个属於佢自己嘅智卫天地。 　　将呢段文字读畀你身边识听广州话嘅朋友听，你估佢知唔知你读紧乜吖嗱？佢肯定会话你：你讲紧咩呀？我根本唔明你想讲乜。 　　如果眞系要跟香港嗰套“正音”，则所有讲广州话、广府话嘅人都要重新学习读音。所谓“正音”，否决现时群众嘅读音，呢啲叫做正音咩？？ 　　从俗，则为之正，所谓正，并非常人之所言，又何据为正？香港所谓“正”并非群众之所言，何据为正？
都系教大家读番广州音：
纠缠：(广州音)斗缠
强劲：(广州音)强竞
参与：(广州音)参雨
证券：(广州音)证眷
刊物：(广州音)罕物
活跃：(广州音)活约
弹丸：(广州音)弹婉
覆盖：(广州音)复盖
坎坷：(广州音)堪呵
综合：(广州音)宗合
购买：(广州音)扣买
屋檐：(广州音)屋蝉
纠正：(广州音)斗正
姓任：(广州音)姓壬
酗酒：(广州音)去酒(又)煦酒(均可)
妖音：(广州音)绕音
藉口：(广州音)借口(又)直口(均可)
咄咄逼人：(广州音)撮撮逼人
构造：(广州音)扣造
智慧：(广州音)智畏

[ 本帖最后由 猪，你就系～～ 于 2008-2-9 22:37 编辑 ]

猪，你就系～～

好多人话香港话好听，5该体下距D读音

漂流瓶

我发现我发音两者有之

猪，你就系～～

所以你讲极都5准……

可乐pp

分唔出，两样都讲，听得明就得啦:lol

广州小朋友

其实就甘体我都无觉得咩5妥，不过最主要都系听得出语气5同噶姐

ColaKid

妖音：(香港‘正’音)腰音

咩嚟嘎...

jean1

:lol :) 邊講話聽唔明嘎

susangren

好多时讲得快，好少认真听..
明就OK
语言根本作用就系罗里沟通
沟通到就冇问题了

清风断云

听香港电台D广播剧听得多，越讲越唔标准，香港讲D懒音

王木木

吾觉香港人讲野同广州人有乜区别哦……

我地经理系香港人啦，我地主管系广州人啦，我觉得距地讲野差吾多嗟，吾乜区别架。如果真系有区别，就系我个经理成日夹住英文来讲，搞到我一头晕，我地主管就比较少。

小鲈鱼

区别还是有一点的
无论是词汇还是语音语调

池中魚

平时睇翡翠都唔觉啊，算吧啦，经常同班唔识白话嘅人讲国语，自己都会搞错啦。你睇香港话唔顺超，返过嚟香港当我哋乡下佬啫，冇得比咖

gdtonyboy

无咩点留意呢方面嘎野!但系听得明!

非洲犀牛

都参吾多了，听得明就ok了，分甘清楚做乜？

Dsyrock

证券：(香港‘正’音)证劝
乜唔系咁读咩？

同埋点证明香港人就系咁讲野先？好多都好牵强，边个会将妖读成腰啊，唔通讲“腰那妈”啊？ 就有一个人咁讲都唔可以话香港人就系咁读个喔

XO酱

好似咁复杂咁嘅....

猪，你就系～～

基本上除左个腰音，我觉得香港人就系甘讲过喔…
而且发现好多人体得香港电视多成日“狗缠不清”…